ಡೊಮಿನಿಕಾದಲ್ಲಿ ಕೆರಿಬಿಯನ್​ಗಳನ್ನ ಕಾಡಿದ್ದ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್

ಕುಂಬ್ಳೆಯನ್ನ ಹಿಂದಿಕ್ಕಲು ಇನ್ನೊಂದೇ ಹೆಜ್ಜೆ ಬಾಕಿಯಿದೆ ಚೆನ್ನೈ ಎಕ್ಸ್​ಪ್ರೆಸ್​ಗೆ

ಅಶ್ವಿನ್​ ಸಾಮರ್ಥ್ಯ ಏನೆಂದು ಈಗಲಾದರೂ ತಿಳಿದುಕೊಳ್ಳುತ್ತಾ ಬಿಸಿಸಿಐ..!

ಆರ್ ಅಶ್ವಿನ್ ತಂಡದಲ್ಲಿದ್ರೆ ಭಾರತಕ್ಕೆ ಲಾಭ, ನಷ್ಟ ಏನು ಅನ್ನೋದಕ್ಕೆ ಒಂದೇ ತಿಂಗಳಲ್ಲಿ ಆನ್ಸರ್ ಸಿಕ್ಕಿದೆ. ಕೇರಂ ಸ್ಪೆಶಲಿಸ್ಟ್​ರನ್ನ ಹೊರಗಿಟ್ಟು WTC ಫೈನಲ್ ಆಡಿದ ಭಾರತ ಮಂಗಳಾರತಿ ಎತ್ತಿಸಿಕೊಂಡಿತ್ತು. ಆದ್ರೀಗ ಇದೇ ಅಶ್ವಿನ್ ವಿಂಡೀಸ್ ವಿರುದ್ಧ ಆಡಿದ್ದೇ ಬಂತು ಭಾರತ ಗೆಲುವಿನ ನಗಾರಿ ಬಾರಿಸಿದೆ.

ಅಶ್ವಿನ್ ತಂಡದಲ್ಲಿ ಯಾಕೆ ಇರಬೇಕು?. ಟರ್ನಿಂಗ್ ಟ್ರ್ಯಾಕ್​ನಲ್ಲಿ ಏಕೆ ಬೇಕೆ ಬೇಕು ಅನ್ನೋದು ಇದೇ ಕಾರಣಕ್ಕೆ. ಅಶ್ವಿನ್ ಅನ್ನೋದು ಬರೀ ಹೆಸರಲ್ಲ, ಅದೊಂದು ಶಕ್ತಿ. ಪ್ರತಿ ಪಂದ್ಯವನ್ನ ಗೆಲ್ಲಿಸಿಕೊಡಬೇಕು ಎಂದು ಆಡುವ ಛಲಗಾರ. ಕಂಡೀಷನ್ ಯಾವುದೇ ಆಗಿರಲಿ ಅಲ್ಲಿ ಕೇರಂ ಸ್ಪೆಶಲಿಸ್ಟ್ ವಿರಾಜಿಸೋದು ಪಕ್ಕಾ.

ಬ್ಯಾಟಿಂಗ್​ನಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹೇಗೆ ಮ್ಯಾಚ್ ವಿನ್ನರ್ಸ್​, ಹೇಗೆ ಬೌಲಿಂಗ್​ನಲ್ಲಿ ಅಶ್ವಿನ್ ಮ್ಯಾಚ್ ವಿನ್ನರ್. ಈ ಸ್ಪಿನ್ ಮಾಂತ್ರಿಕನ ಮೋಡಿಯಿಂದ ಟೀಮ್ ಇಂಡಿಯಾ ಲೆಕ್ಕವಿಲ್ಲದಷ್ಟು ಪಂದ್ಯಗಳನ್ನ ಗೆದ್ದಿದೆ. ಅದಕ್ಕೆ ಡೊಮಿನಿಕಾ ಟೆಸ್ಟ್ ಲೇಟೆಸ್ಟ್ ಸೇರ್ಪಡೆ. ಅಶ್ವಿನ್ ಸ್ಪಿನ್ ಕೈಚಳಕಕ್ಕೆ ಬೆಚ್ಚಿಬಿದ್ದ ವಿಂಡೀಸ್ ಮೊದಲ ಟೆಸ್ಟ್​ನಲ್ಲಿ ಹೀನಾಯವಾಗಿ ಸೋತು ಹೋಗಿದೆ.

ಡೊಮಿನಿಕಾದಲ್ಲಿ ಅಶ್ವಿನ್ ಡಾಮಿನೇಟಿಂಗ್ ಪರ್ಫಾಮೆನ್ಸ್..!

ವಿಶ್ವಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್​ನಲ್ಲಿ ಅವಕಾಶ ಸಿಗದೇ ಬೇಸತ್ತಿದ್ದ ಅಶ್ವಿನ್, ರಾಕಿಂಗ್ ಪರ್ಫಾಮೆನ್ಸ್​ನಿಂದ ಆ ಕೋಪವನ್ನ ತೀರಿಸಿಕೊಂಡ್ರು. 2 ಇನ್ನಿಂಗ್ಸ್ ಸೇರಿ ಒಟ್ಟು 12 ವಿಕೆಟ್ ಕಬಳಿಸಿದ ಸ್ಪಿನ್ ದಿಗ್ಗಜರ ದಾಖಲೆಗಳನ್ನ ಪುಡಿಗಟ್ಟಿದ್ದಾರೆ.

ಅಶ್ವಿನ್ ಆರ್ಭಟ..ಕುಂಬ್ಳೆಗೆ ಶುರುವಾಯ್ತು ನಡುಕ..!

ಡೊಮಿನಿಕಾ ಟೆಸ್ಟ್​ನಲ್ಲಿ ಅಶ್ವಿನ್ ತೋರಿದ ಸೂಪರ್ ಡೂಪರ್ ಪರ್ಫಾಮೆನ್ಸ್​ನಿಂದ ಲೆಜೆಂಡರಿ ಸ್ಪಿನ್ನರ್ ಅನಿಲ್ ಕುಂಬ್ಳೆಗೆ ನಡುಕ ಶುರುವಾಗಿದೆ. ಯಾಕಂದ್ರೆ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 3 ಮಾದರಿಯಲ್ಲಿ ಭಾರತ ಪರ ಹೆಚ್ಚು ವಿಕೆಟ್ ಪಡೆದವರ ಲಿಸ್ಟ್​ನಲ್ಲಿ ಕುಂಬ್ಳೆಗೆ ಟಾಂಹ್ ಕೊಡಲು ಅಶ್ವಿನ್ ಹೊರಟಿದ್ದಾರೆ.

ಭಾರತ ಪರ ಅತಿಹೆಚ್ಚು ವಿಕೆಟ್ ಬೇಟೆ..!

3 ಮಾದರಿ ಕ್ರಿಕೆಟ್​ನಲ್ಲಿ ಒಟ್ಟು 953 ವಿಕೆಟ್ ಪಡೆದಿರುವ ಅನಿಲ್ ಕುಂಬ್ಳೆ ಮೊದಲ ಸ್ಥಾನದಲ್ಲಿದ್ದಾರೆ. ಇನ್ನು 708 ವಿಕೆಟ್​ಗಳೊಂದಿಗೆ ಅಶ್ವಿನ್ 2ನೇ ಸ್ಥಾನದಲ್ಲಿದ್ರೆ, ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ 707 ವಿಕೆಟ್ ಬೇಟೆಯಾಡಿ 3ನೇ ಸ್ಥಾನ ಸಂಪಾದಿಸಿದ್ದಾರೆ. ಇನ್ನು 5 ವಿಕೆಟ್ ಗೊಂಚಲು ಪಡೆಯುವಲ್ಲಿ ಅಶ್ವಿನ್, ಶೀಘ್ರದಲ್ಲೇ ದಿಗ್ಗಜ ಬೌಲರ್​ಗಳನ್ನ ಓಟರ್ ಟೇಕ್ ಮಾಡಿದ್ರು ಆಶ್ಚರ್ಯವಿಲ್ಲ.

ಅತಿ ಹೆಚ್ಚು ಬಾರಿ 5 ವಿಕೆಟ್ ಪಡೆದವರು (ಹೆಡ್ಡರ್)

• ಮುರಳೀಧರ್- 67
• ಶೇನ್ ವಾರ್ನ್- 37
• ಅನಿಲ್ ಕುಂಬ್ಳೆ- 35
• ಆರ್ ಅಶ್ವಿನ್- 34

ಇದನ್ನು ಓದಿ: ಹೆಂಡತಿ ಕೊಲೆಗೆ ಪತಿಯೇ ರೂಪಿಸಿದ್ದ ಮಾಸ್ಟರ್​ ಪ್ಲಾನ್​.. 6 ತಿಂಗಳ ಬಳಿಕ ಆರೋಪಿಗಳು ಅರೆಸ್ಟ್..​ ಕೊಲೆಗೆ ಡ್ರೈವರ್​ ಒಪ್ಪಿದ್ದೆ ರೋಚಕ

ಕಳೆದ 17 ವರ್ಷದಲ್ಲಿ 6 ಬಾರಿ 12 ಪ್ಲಸ್ ವಿಕೆಟ್..!

ಈ ದಾಖಲೆಯು ರೆಕಾರ್ಡ್ ಬ್ರೇಕರ್ ಅಶ್ವಿನ್ ಹೆಸರಿಗೆ ಸೇರಿಕೊಂಡಿದೆ. ಕಳೆದ 17 ವರ್ಷದಲ್ಲಿ 6 ಬಾರಿ 12ಕ್ಕೂ ಅಧಿಕ ವಿಕೆಟ್ ಪಡೆದಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧ 85ಕ್ಕೆ 12, ಆಸಿಸ್ ವಿರುದ್ಧ 198ಕ್ಕೆ 12, ಸೌತ್ ಆಫ್ರಿಕಾ ಎದುರು 98 ರನ್​ಗೆ 12, ಇಂಗ್ಲೆಂಡ್ ವಿರುದ್ಧ 167ಕ್ಕೆ 12 ಹಾಗೂ ನಿನ್ನೆ ಮುಗಿದ ವಿಂಡೀಸ್ ವಿರುದ್ಧ ಮೊದಲ ಟೆಸ್ಟ್​ನಲ್ಲಿ 131 ರನ್​ಗೆ 12 ವಿಕೆಟ್ ಕಬಳಿಸಿದ ಸಾಧನೆ ಮಾಡಿದ್ದಾರೆ.

ಇದಿಷ್ಟೇ ಅಲ್ಲ, ಟೆಸ್ಟೊಂದರಲ್ಲಿ 10 ವಿಕೆಟ್ ಪಡೆಯುವಲ್ಲಿ ಅನಿಲ್ ಕುಂಬ್ಳೆ ಅವರ ದಾಖಲೆಯನ್ನ ಸರಿಗಟ್ಟಿದ್ದಾರೆ. ಇದನ್ನೆಲ್ಲ ನೋಡಿದ್ಮೇಲೆ ಸ್ಪಿನ್ ಮಾಂತ್ರಿಕ ಆರ್ ಅಶ್ವಿನ್ರನ್ನ ರೆಕಾರ್ಡ್ ಬ್ರೇಕರ್ ಎಂದು ಕರೆಯದೇ ಇರೋಕಾಗುತ್ತಾ ಹೇಳಿ?.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ