ಸಚಿನ್​ ತೆಂಡೂಲ್ಕರ್ ದಾಖಲೆ ಬ್ರೇಕ್ ಮಾಡಿದ್ರಾ ರಚಿನ್ ರವೀಂದ್ರ?

ಚಿನ್ನಸ್ವಾಮಿಯಲ್ಲಿ ನಡೆಯುತ್ತಿರುವ ಪಾಕ್-ನ್ಯೂಜಿಲೆಂಡ್​ ಮ್ಯಾಚ್​

ವೀರ ಕನ್ನಡಿಗನ ಬ್ಯಾಟಿಂಗ್​ ಅಬ್ಬರಕ್ಕೆ ಪಾಕಿಸ್ತಾನ ಬೌಲರ್​ಗಳು ತತ್ತರ

ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂ ನಡೆಯುತ್ತಿರುವ ಪಾಕಿಸ್ತಾನ ವಿರುದ್ಧದ ವಿಶ್ವಕಪ್ ಪಂದ್ಯದಲ್ಲಿ ನ್ಯೂಜಿಲೆಂಡ್​ನ ಆಲ್​ ರೌಂಡರ್ ಹಾಗೂ ಕನ್ನಡಿಗ​ ರಚಿನ್ ರವೀಂದ್ರ ಅವರು ಆಕರ್ಷಕ ಶತಕ ಬಾರಿಸಿದ್ದಾರೆ. ಈ ಮೂಲಕ 2023ರ ವರ್ಲ್ಡ್​​ಕಪ್​ನಲ್ಲಿ ಕೆಲ ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆಯಿಸಿಕೊಂಡಿದ್ದಾರೆ.

ಟಾಸ್​ ಗೆದ್ದ ಪಾಕಿಸ್ತಾನದ ನಾಯಕ ಬಾಬರ್ ನ್ಯೂಜಿಲೆಂಡ್​ ತಂಡವನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿದರು. ಈ ವೇಳೇ ಕ್ರೀಸ್​ಗೆ ಬಂದ ಡಿವೋನ್​ ಕಾನ್ವೆ ಹಾಗೂ ರಚಿನ್ ರವೀಂದ್ರ ಉತ್ತಮ ಪ್ರದರ್ಶನ ನೀಡಿದರು. ಈ ವೇಳೆ ತಂಡದ ಮೊತ್ತ 68 ರನ್​ ಇರುವಾಗಿ ಕಾನ್ವೆ ಕ್ಯಾಚ್ ನೀಡಿ ಔಟ್ ಆದರು. ಆದರೆ ಕ್ಯಾಪ್ಟನ್​ ಕೇನ್​ ವಿಲಿಯಮ್ಸನ್​ ಜೊತೆ ಬ್ಯಾಟಿಂಗ್​ ಮುಂದುವರೆಸಿದ ವೀರ ಕನ್ನಡಿಗ ರಚಿನ್ ಅಬ್ಬರದ ಸೆಂಚುರಿ ಬಾರಿಸಿದ್ದಾರೆ.

ರಚಿನ್ ರವೀಂದ್ರ 94 ಎಸೆತಗಳನ್ನು ಎದುರಿಸಿ ಒಂದು ಬಿಗ್ ಸಿಕ್ಸರ್ ಹಾಗೂ 15 ಅಮೋಘವಾದ ಬೌಂಡರಿಗಳ ಮೂಲಕ 108 ರನ್​ಗಳನ್ನು ಬಾರಿಸಿದರು. ಈ ಮೂಲಕ ಪಾಕ್​ ಬೌಲರ್​ಗಳನ್ನ ಮನಬಂದಂತೆ ದಂಡಿಸಿದರು. ಶತಕ ಸಿಡಿಸಿ ಆಡುವಾಗ ಮೊಹಮ್ಮದ್ ವಾಸಿಂ ಬೌಲಿಂಗ್​ನಲ್ಲಿ ಸೌದ್​ ಶಕೀಲ್​ಗೆ ಕ್ಯಾಚ್​ ನೀಡಿ ರಚಿನ್ ಔಟ್ ಆಗಿ ನಿರಾಸೆ ಅನುಭವಿಸಿದರು.

ಅಲ್ಲದೇ ವಿಶ್ವಕಪ್​ಗೆ ಡೆಬ್ಯು ಮಾಡಿದ ಕಿವೀಸ್​ ಆಟಗಾರರ ಪೈಕಿ 3 ಶತಕ ಸಿಡಿಸಿದ ಏಕೈಕ ಆಲ್​ರೌಂಡರ್ ಎಂಬ ದಾಖಲೆ ಮಾಡಿದರು. ಅಲ್ಲದೇ 25 ವರ್ಷ ತುಂಬುವ ಮೊದಲು ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ಶತಕಗಳನ್ನು ಬಾರಿಸಿದ ವಿಶ್ವದ ಸಚಿನ್​ ನಂತರದ 2ನೇ ಬ್ಯಾಟ್ಸ್​ಮನ್ ಆಗಿದ್ದಾರೆ. ಸಚಿನ್​ 22 ವರ್ಷಕ್ಕೆ ವರ್ಲ್ಡ್​​ಕಪ್​ನಲ್ಲಿ 2 ಶತಕ ಸಿಡಿಸಿದ್ದರೇ, ರಚಿನ್​ 23 ವರ್ಷಕ್ಕೆ 3 ಶತಕಗಳನ್ನು ಸಿಡಿಸಿ ದಾಖಲೆ ಮಾಡಿದ್ದಾರೆ.

​ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ