ಕೊನೆ ಹಂತ ತಲುಪಿದ 2023ರ ಐಸಿಸಿ ಏಕದಿನ ವಿಶ್ವಕಪ್

ಸದ್ಯದಲ್ಲೇ ನಡೆಯಲಿದೆ 2024ರ ಐಪಿಎಲ್​​ ಮಿನಿ ಹರಾಜು​​

ಆರ್​ಸಿಬಿ ಪರ ರಚಿನ್​ ರವೀಂದ್ರ ಒಲವು.. ಏನಂದ್ರು..?

ಸದ್ಯ ನಡೆಯುತ್ತಿರೋ 2023ರ ಐಸಿಸಿ ಏಕದಿನ ವಿಶ್ವಕಪ್​​​​ ಟೂರ್ನಿ ಕೊನೇ ಹಂತಕ್ಕೆ ತಲುಪಿದೆ. ವಿಶ್ವಕಪ್​ ಬೆನ್ನಲ್ಲೇ 2024ರ ಮಿನಿ ಹರಾಜು ನಡೆಯಲಿದ್ದು, ಇದರ ಮೇಲೆ ಕ್ರೀಡಾ ಲೋಕದ ಕಣ್ಣು ನೆಟ್ಟಿದೆ. ಈ ಮಧ್ಯೆ ಮುಂದಿನ ಐಪಿಎಲ್​​ನಲ್ಲಿ ಭಾರತ ಮೂಲದ ನ್ಯೂಜಿಲೆಂಡ್​ ತಂಡದ ಯಂಗ್​ ಕ್ರಿಕೆಟ್​ ಪ್ಲೇಯರ್​​ ರಚಿನ್​​ ರವೀಂದ್ರ ಕಾಣಿಸಿಕೊಳ್ಳಲಿದ್ದಾರಾ? ಅನ್ನೋ ಚರ್ಚೆ ನಡೆಯುತ್ತಿದೆ. ಇದಕ್ಕೆ ಕಾರಣ ರಚಿನ್​ ರವೀಂದ್ರ ಮಾಡಿರೋ ಒಂದು ಟ್ವೀಟ್​​.

ಹೌದು, 2023ರ ಐಸಿಸಿ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪೈಕಿ ರಚಿನ್​​ 2ನೇ ಆಟಗಾರ. ರಚಿನ್ ರವೀಂದ್ರ ಇತ್ತೀಚೆಗೆ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಲಂಕಾ ವಿರುದ್ಧ ಆಡಿದ್ರು. ಈ ವೇಳೆ ತನ್ನ ಹೃದಯದಲ್ಲಿ ಆರ್​ಸಿಬಿ ಮತ್ತು ಚಿನ್ನಸ್ವಾಮಿ ಸ್ಟೇಡಿಯಂಗೆ ವಿಶೇಷ ಸ್ಥಾನ ಇರುವುದಾಗಿ ಹೇಳಿದ್ರು ರಚಿನ್. ಮುಂದೊಂದು ದಿನ ನಾನು ಆರ್​ಸಿಬಿ ಪರ ಆಡಲಿದ್ದೇನೆ ಎಂದಿದ್ದರು. ಈ ಹೇಳಿಕೆಯಿಂದಲೇ ರಚಿನ್​ ಆರ್​ಸಿಬಿ ಪರ ಆಡಲಿದ್ದಾರಾ? ಎಂಬ ಚರ್ಚೆ ಹುಟ್ಟಿಕೊಂಡಿದೆ.

Hello @RCBTweets fans 😜 @IPL https://t.co/MkxzvFlYyv

— Rachin Ravindra (@RachinRavindraa) November 9, 2023

ಕೇವಲ ಇದು ಮಾತ್ರವಲ್ಲ ರಚಿನ್​​ ತನ್ನ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಟ್ವೀಟ್​ವೊಂದು ಮಾಡಿದ್ದಾರೆ. ಹಲೋ ಆರ್​ಸಿಬಿ ಫ್ಯಾನ್ಸ್​​ ಎಂದು ಸಣ್ಣ ಸ್ಮೈಲಿ ಈಮೋಜಿ ಹಾಕಿದ್ದು ಇಷ್ಟೆಲ್ಲಾ ಚರ್ಚೆಗೆ ಕಾರಣವಾಗಿದೆ.

ವಿಶ್ವಕಪ್‌ನಲ್ಲಿ ರಚಿನ್ ರವೀಂದ್ರ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಆಡಿದ 9 ಪಂದ್ಯಗಳಲ್ಲಿ ಮೂರು ಶತಕಗಳು ಸೇರಿ 565 ರನ್ ಬಾರಿಸಿದ್ದಾರೆ. 2024ರ ಐಪಿಎಲ್ ಮಿನಿ ಹರಾಜು ಡಿಸೆಂಬರ್ 19ನೇ ತಾರೀಕು ನಡೆಯಲಿದೆ. ಅಂದು ಆರ್​ಸಿಬಿ ರಚಿನ್​​ ಮೇಲೆ ಕಣ್ಣಿಟ್ಟಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ