ಹೊಸ ಅವತಾರದಲ್ಲಿ ದ್ರಾವಿಡ್​​ ಮಿಂಚಿಂಗ್​,!

ಭಿನ್ನ - ವಿಭಿನ್ನ ಅವತಾರಗಳಲ್ಲಿ ದ್ರಾವಿಡ್​ ಮಿಂಚು

ಶಿಸ್ತಿನ ಸಿಪಾಯಿ ದ್ರಾವಿಡ್​​ನ ನಾನಾ ಅವತಾರ ಇಲ್ಲಿದೆ

ರಾಹುಲ್​ ದ್ರಾವಿಡ್​ನ ಜಂಟಲ್​ ಮೆನ್​ ಗೇಮ್​ನ ರಿಯಲ್​ ಜಂಟಲ್​ ಮೆನ್​ ಅಂತಾರೆ. ಶಿಸ್ತು ಅನ್ನೋ ಪದಕ್ಕೆ ಸಮನಾರ್ಥಕ ಪದ ದ್ರಾವಿಡ್​. ಆಟಗಾರನಾಗಿದ್ದಾಗ ಮಾತ್ರವಲ್ಲ. ಕೋಚ್​​ ಆದ ಮೇಲೆ ಕೂಡ ದ್ರಾವಿಡ್​​ ಸ್ಟ್ರಿಕ್ಟ್​ ಮೇಷ್ಟ್ರೇ.! ಇಂತಾ ದ್ರಾವಿಡ್​ರ ಡಿಫರೆಂಟ್​​ ಅವತಾರದ ಒಂದು ಸ್ಪೆಷಲ್​ ಸ್ಟೋರಿ ಇಲ್ಲಿದೆ.

ರಾಹುಲ್​ ದ್ರಾವಿಡ್​​. ವಿಶ್ವ ಕ್ರಿಕೆಟ್​ ಲೋಕ ಕಂಡ ಶಿಸ್ತಿನ ಸಿಪಾಯಿ. ಆಟದಲ್ಲಿ ಮಾತ್ರವಲ್ಲ, ನಿಜ ಜೀವನದಲ್ಲೂ ದಿ ವಾಲ್​​ ಶಿಸ್ತಿನ ಸಿಪಾಯಿಯೇ. ಸಹಳ, ಮೃದು ಸ್ವಭಾವದ ದ್ರಾವಿಡ್​ ಯಾವಾಗಲೂ ಡಿಸೆಂಟ್​​ ಆಗೇ ಕಾಣಿಸಿಕೊಳ್ತಾರೆ.

ದಿ ವಾಲ್​ ಅಲ್ಲ.. ‘ದಿವಾರ್’​ ದ್ರಾವಿಡ್​.!

ಸದ್ಯ ಟೀಮ್​ ಇಂಡಿಯಾ ಏಷ್ಯಾಕಪ್​ನಲ್ಲಿ ಬ್ಯುಸಿಯಾಗಿದೆ. ಹೆಡ್​ ಕೋಚ್ ರಾಹುಲ್​ ದ್ರಾವಿಡ್​ ಕೂಡ ಟೀಮ್​ ಜೊತೆಗೆ ಬ್ಯುಸಿಯಾಗಿದ್ದಾರೆ. ಇದರ ನಡುವೆ ಹೊಸ ಅವತಾರ ಎತ್ತಿದ್ದಾರೆ. ಬಿಗ್​ ಬಿ ಅಮಿತಾಬ್​ ಬಚ್ಚನ್​ ಶಾಕ್​ ಅಗ್ಬೇಕು ಹಂಗೆ ಕಾಣ್ತಿದ್ದಾರೆ ದಿ ವಾಲ್..!

ಅಮಿತಾಬ್​ ಬಚ್ಚನ್​ರ ಎವರ್​ಗ್ರೀನ್​ ಹಿಟ್​ ಫಿಲ್ಮ್​ ದಿವಾರ್​ ಅನ್ನ ನೀವು ನೋಡಿದ್ರೆ, ಇದ್ರ ಬಗ್ಗೆ ಎಕ್ಸ್​ಪ್ಲೇನ್​ ಮಾಡೋದೆ ಬೇಡ. ಥೇಟ್​​ ಅಮಿತಾಬ್​ರಂತೇ ದ್ರಾವಿಡ್​​ ಕಾಣ್ತಿದ್ದಾರೆ. ಈ ಲುಕ್​ ನೋಡಿ ಫ್ಯಾನ್ಸ್​ ಫಿದಾ ಆಗಿದ್ದಾರೆ.

ಈ ವಿಡಿಯೋ ಇದು ಕಮರ್ಷಿಯಲ್ ಆ್ಯಡ್​​ ಒಂದರ ತುಣುಕಾಗಿದೆ. ಯಾವಾಗಲೂ ಸೌಮ್ಯ ಸ್ವಭಾವದ ವ್ಯಕ್ತಿಯಾಗಿ ಕಾಣಿಸಿಕೊಳ್ಳೋ ದ್ರಾವಿಡ್​, ಹೀಗೆ ರಗಢ್​ ಆಗಿ ಕಾಣಿಸಿಕೊಂಡಿರೋದು ಇದೇ ಮೊದಲೇನಲ್ಲ ಕ್ರಿಕೆಟ್​ ಕರಿಯರ್​ನ ಆರಂಭಿಕ ದಿನದಿಂದಲೂ ದ್ರಾವಿಡ್​ ಡಿಫರೆಂಟ್​ ಡಿಫರೆಂಟ್​ ಅವತಾರದಲ್ಲಿ ಮಿಂಚಿದ್ದಾರೆ.

‘ಇಂದಿರಾನಗರದ ಗೂಂಡಾ’ ಆಗಿ ಮರೆದಾಡಿದ್ದ ದ್ರಾವಿಡ್​.!

ಹೌದು. ಕೋಚ್​ ಹುದ್ದೆಗೆ ಏರೋಕು ಮುನ್ನ ಜಾಹೀರಾತು ಒಂದರಲ್ಲಿ ಕಾಣಿಸಿಕೊಂಡಿದ್ದ ದ್ರಾವಿಡ್​, ಅಭಿಮಾನಿಗಳಿಗೆ ಸರ್​​ಪ್ರೈಸ್​ ಶಾಕ್​ ಕೊಟ್ಟಿದ್ರು. ಯಾಕಂದ್ರೆ, ರಿಯಲ್​ ಜಂಟಲ್​ಮೆನ್​ ಅನ್ನಿಸಿಕೊಳ್ಳೋ ದ್ರಾವಿಡ್​, ಇಂದಿರಾನಗರದ ಗೂಂಡಾ ಆಗಿ ಬದಲಾಗಿದ್ರು.

ಕರಿಯರ್​ ಆರಂಭದಲ್ಲಿ ದ್ರಾವಿಡ್​​ ಸಂಪೂರ್ಣ ಭಿನ್ನ-ವಿಭಿನ್ನ.!

ಹೌದು. ಕ್ರಿಕೆಟ್​ ಆಡ್ತಿದ್ದ ಕಾಲದಲ್ಲಿ ದ್ರಾವಿಡ್​ ಜಾಹೀರಾತುದಾರರ ಪಾಲಿಗೆ ಡಾರ್ಲಿಂಗ್​ ಆಗಿದ್ರು. ಹ್ಯೂಜ್​ ಫ್ಯಾನ್​ ಬೇಸ್​ ಹೊಂದಿದ್ದ ದ್ರಾವಿಡ್​, ಭಿನ್ನ – ವಿಭಿನ್ನ ಅವತಾರಗಳಲ್ಲಿ ಮಿಂಚಿದ್ರು. ಜಾಮ್​​ ಕಂಪನಿಯೊಂದರ ಬ್ರಾಂಡ್​ ಅಂಬಾಸಿಡರ್​ ಆಗಿ ಸಂಚಲನ ಮೂಡಿಸಿದ್ರು.

ದ್ರಾವಿಡ್​​ನ ಟೀಮ್​ ಇಂಡಿಯಾದ ಸಹ ಆಟಗಾರರು ಜಾಮ್​ ಎಂದೇ ಕರೀತಾ ಇದ್ರು. ಅದೇ ಕಾರಣಕ್ಕೋ ಏನೋ, ಜಾಮ್​ ಕಂಪನಿಯ ಬ್ರಾಂಡ್​ ಅಂಬಾಸಿಡರ್​ ಆದ ದ್ರಾವಿಡ್​​ ಅಲ್ಲೂ ಛಾಪು ಮೂಡಿಸಿಯೇ ಬಿಟ್ಟಿದ್ರು. ಇದೊಂದೆ ಅಲ್ಲ, ಸಾಫ್ಟ್​​ ಡ್ರಿಂಕ್​ ವೊಂದರ ಆ್ಯಡ್​ ಶೂಟ್​​ನಲ್ಲಿ ಎತ್ತಿದ್ದ ಅವತಾರಕ್ಕಂತೂ ಹೆಣ್ಮಕ್ಕಳು ಕ್ಲೀನ್​​ಬೋಲ್ಡ್​​ ಆಗಿದ್ರು.

ದ್ರಾವಿಡ್​ ಅನ್ನೋ ಹೆಸರು ಕೇಳಿದಾಕ್ಷಣ ಹಂಬಲ್​ ವ್ಯಕ್ತಿತ್ವದ ಸಿಂಪಲ್​ ಮ್ಯಾನ್ ಕಣ್ಣೆದುರು ಬರ್ತಾರೆ. ಅಂತಾ ದ್ರಾವಿಡ್​​ ಭಿನ್ನ-ವಿಭಿನ್ನವಾಗೇ ಕಂಡ್ರೆ, ಎಲ್ಲರೂ ತಿರುಗಿ ನೋಡೇ ನೋಡ್ತಾರೆ. ಈಗ ಮಾರ್ಕೆಂಟಿಂಗ್​​ ಕಂಪನಿಯವರು ಮಾಡ್ತಿರೋದು ಅದನ್ನೇ. ಇದಕ್ಕೆ ಅಲ್ವಾ ಹೇಳೋದು ಜನ ಮರುಳೋ, ಜಾತ್ರೆ ಮರುಳೋ ಅಂತಾ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ