ಕ್ರಿಕೆಟ್ ದಂತಕಥೆ ‘ದಿ ವಾಲ್’ ಬಗ್ಗೆ ಸ್ಫೂರ್ತಿಯ ಕಥೆ ಹೇಳಿದ ಸುನಕ್

ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗಿರುವ ರಾಹುಲ್ ದ್ರಾವಿಡ್

ದ್ರಾವಿಡ್​ರ ಈ ವ್ಯಕ್ತಿತ್ವ ತುಂಬಾನೇ ಇಷ್ಟ ಎಂದ ರಿಶಿ ಸುನಕ್

ರಾಹುಲ್​​ ದ್ರಾವಿಡ್​​​.. ಈ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರನ್ನು ಇಷ್ಟಪಡದವರು ಯಾರಿದ್ದಾರೆ ಹೇಳಿ? ದಿ ವಾಲ್​​​​ ಅಂದ್ರೆ ಎಲ್ಲರಿಗೂ ಅಷ್ಟೊಂದು ಅಚ್ಚುಮೆಚ್ಚು. ಯಾಕಂದ್ರೆ ದ್ರಾವಿಡ್​​ ಕ್ರಿಕೆಟ್​​ನ ದಂತಕಥೆ. ಇಂತಹ ಗ್ರೇಟೆಸ್ಟ್​​ ಬ್ಯಾಟ್ಸ್​​​ಮನ್​​​​ ಕಂಡು ಬ್ರಿಟನ್ ಪ್ರಧಾನಿ ರಿಷಿ ಸುನಕ್​​ ಕೂಡ ಫಿದಾ ಆಗಿದ್ದಾರೆ. ಅದು ಯಾಕಾಗಿ ಅನ್ನೋದನ್ನ ನೋಡೋಣ ಇವತ್ತಿನ ಸಖತ್ ಸ್ಟೋರಿಯಲ್ಲಿ.

ರಾಹುಲ್​ ದ್ರಾವಿಡ್​​.. ಭಾರತವಷ್ಟೇ ಅಲ್ಲ, ವಿಶ್ವಕ್ರಿಕೆಟ್​​​​​ ಕಂಡ ಶ್ರೇಷ್ಠ ಆಟಗಾರ. ಕನ್ನಡಿಗರ ಪಾಲಿನ ಕಣ್ಮಣಿ..ವಿಶ್ವದ ಪಾಲಿನ ದಿ ವಾಲ್​​​. ಟೆಸ್ಟ್​​ ಕ್ರಿಕೆಟ್ ಅಂದ್ರೇ ಏನು? ಹೇಗೆ ಆಡಬೇಕು ಅನ್ನೋದನ್ನ ತೋರಿಸಿದ ರಿಯಲ್​​ ಟೆಸ್ಟ್ ಸ್ಪೆಷಲಿಸ್ಟ್​​. ರಕ್ಷಣಾತ್ಮಕ ಆಟದ ವಿಚಾರದಲ್ಲಿ ದ್ರಾವಿಡ್​​ರನ್ನು ಮೀರಿಸುವ ಮತ್ತೊಬ್ಬ ಆಟಗಾರನಿಲ್ಲ.

ಈ ಕಾರಣಕ್ಕಾಗಿನೇ ದಿ ವಾಲ್​​​​ ಎಲ್ಲರ ಫೇವರಿಟ್​​ ಕ್ರಿಕೆಟರ್ ಆಗಿ ಗುರುತಿಸಿಕೊಂಡಿದ್ದಾರೆ. ದ್ರಾವಿಡ್ ಅವರ ಅಭಿಮಾನಿಗಳ ಲಿಸ್ಟ್​​ಗೆ, ಈಗ ಓರ್ವ ಸ್ಪೆಷಲ್​ ಪರ್ಸನ್ ಸೇರಿಕೊಂಡಿದ್ದಾರೆ. ಅವರು ಮತ್ಯಾರು ಅಲ್ಲ, ಭಾರತೀಯ ಮೂಲದ ಬ್ರಿಟನ್ ಪ್ರಧಾನಿ ರಿಷಿ ಸುನಕ್​​​​.

ಹೌದು, ಭಾರತದ ಅಳಿಯ, ಇಂಗ್ಲೆಂಡ್​​​ ದೇಶವನ್ನ ಮುನ್ನಡೆಸುತ್ತಿರುವ ರಿಷಿ ಸುನಕ್, ದಿಗ್ಗಜ ರಾಹುಲ್​ ದ್ರಾವಿಡ್​​​​ ಅವರಿಗೆ ಫಿದಾ ಆಗಿದ್ದಾರೆ. ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ, ದಿ ವಾಲ್​ ಬಗ್ಗೆ ಇಂಟ್ರೆಸ್ಟಿಂಗ್ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ. ರಾಹುಲ್ ದ್ರಾವಿಡ್ ನನ್ನ ನೆಚ್ಚಿನ ಕ್ರಿಕೆಟಿಗ. ನಾನು ಅವರ ಬ್ಯಾಟಿಂಗ್ ಟೆಕ್ನಿಕ್​​​ ಇಷ್ಟಪಡುತ್ತೇನೆ. ಅಲ್ಲದೇ ಅವರ ಶಾಂತತೆಯ ವರ್ತನೆ ಮತ್ತು ವ್ಯಕ್ತಿತ್ವ. ಎಲ್ಲವೂ ಇಷ್ಟ ಎಂದು ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ