ದ್ರಾವಿಡ್​ಗೆ ಎಷ್ಟು ಕೋಟಿ ಸಂಭಾವನೆ ಗೊತ್ತಾ?

ಸ್ವದೇಶದಲ್ಲಿ ಹುಲಿ.. ವಿದೇಶದಲ್ಲಿ ಇಲಿ..!

ದ್ರಾವಿಡ್​ ವೈಫಲ್ಯಕ್ಕೆ ಕಾರಣಗಳೇನು ಗೊತ್ತಾ?

ಹೇಳಿಕೊಳ್ಳೋಕೆ ಇವರು ಕೋಟಿ ಕುಬೇರ ಕೋಚ್​​​. ಆದರೆ ಕಾಸ್ಟ್ಲಿ ಕೋಚ್​​​​ ಅಚೀವ್​​ಮೆಂಟ್​ ಮಾತ್ರ ಖರಾಬಾಗಿದೆ. ಅತ್ಯಧಿಕ ಸಂಭಾವನೆ ಪಡೆಯುವ ಕೋಚ್​ ದ್ರಾವಿಡ್​ ಅಭಿಮಾನಿಗಳ ಪಾಲಿಗೆ ಝೀರೋ. ಆಟಗಾರರನಾಗಿ, ನಾಯಕನಾಗಿ ವಿಜೃಂಭಿಸಿದ ದ್ರಾವಿಡ್​ ಕೋಚ್​ ಆಗಿ ವಿಫಲರಾಗಿದ್ದಾರೆ.

ರಾಹುಲ್​ ದ್ರಾವಿಡ್​ ಆಟಗಾರನಾಗಿ ಸೂಪರ್​ ಸ್ಟಾರ್​​​. ಅದ್ರಲ್ಲಿ ಎರಡೂ ಮಾತಿಲ್ಲ. ಟೆಸ್ಟ್​ ಕ್ರಿಕೆಟ್​​ಗೆ ಹೆಡ್​​ಮಾಸ್ಟರ್ ಅಂದ್ರು ತಪ್ಪಲ್ಲ. ಇವರ ಸಾಧನೆಯೂ ಅದ್ವಿತೀಯ. ಆದರೆ ಕೋಚ್​ ಆಗಿ ದ್ರಾವಿಡ್​​​​ ಫುಲ್​ ಉಲ್ಟಾ. 2021 ರಲ್ಲಿ ಕೋಚ್​ ಪಟ್ಟಕ್ಕೇರಿದ ದ್ರಾವಿಡ್​​ ಮೇಲೆ ಬೆಟ್ಟದಷ್ಟು ನಿರೀಕ್ಷೆಗಳಿದ್ವು. ಆದ್ರೆ ಆ ಭರವಸೆಯನ್ನ ದಿ ವಾಲ್​ ಉಳಿಸಿಕೊಂಡಿಲ್ಲ. ವಿಶ್ವಟೆಸ್ಟ್​​ ಚಾಂಪಿಯನ್​ಶಿಪ್​​​ ಸೋಲು ರಾಹುಲ್​ ದ್ರಾವಿಡ್​ ರನ್ನ ಮತ್ತಷ್ಟು ಟೀಕೆಗೆ ಗುರಿಯಾಗಿಸಿದೆ.

ಕ್ಲಾಸ್ಟ್ಲಿ ಕೋಚ್​​ ಆದ್ರು ಫ್ಲಾಫ್ ಕೋಚ್​​​​​..!

18 ತಿಂಗಳ ಹಿಂದೆ ಟೀಮ್ ಇಂಡಿಯಾ ಕೋಚ್ ಆದ ರಾಹುಲ್​ ದ್ರಾವಿಡ್​​ರ ವಾರ್ಷಿಕ ಸಂಭಾವನೆ ಬರೋಬ್ಬರಿ 10 ಕೋಟಿ. ಈ ಹಿಂದೆ ಯಾವೊಬ್ಬ ಕೋಚ್​ ಕೂಡ ಇಷ್ಟೊಂದು ಸಂಭಾವನೆ ಪಡೆದಿಲ್ಲ. ಇನ್ನು ಆಟಗಾರರಿಗೂ ಕೂಡ ಇಷ್ಟೊಂದು ಸ್ಯಾಲರಿ ಇಲ್ಲ ಬಿಡಿ. ಇಂತಹ ಕ್ಲಾಸ್ಟ್ಲಿಯೆಸ್ಟ್​​​ ಕೋಚ್​​​​​​​ ತಂಡಕ್ಕಿದ್ರೂ ನಯಾಪೈಸೆ ಲಾಭವಾಗಿಲ್ಲ. ಯಾಕಂದ್ರೆ ದ್ರಾವಿಡ್ ಅವಧಿಯಲ್ಲಿ ಭಾರತ ತಂಡ ಒಂದೇ ಒಂದು ಐಸಿಸಿ ಟ್ರೋಫಿ ಗೆಲ್ಲೋಕೆ ಸಾಧ್ಯವಾಗಿಲ್ಲ. ಆಡಿದ ಎರಡು ಐಸಿಸಿ ಟ್ರೋಫಿಗಳಲ್ಲಿ ಟೀಮ್ ಇಂಡಿಯಾ ಮುಗ್ಗರಿಸಿದೆ.

ಸ್ವದೇಶದಲ್ಲಿ ಹುಲಿ.. ವಿದೇಶದಲ್ಲಿ ಇಲಿ..!

ದ್ರಾವಿಡ್ ಕೋಚ್​​ ಆಗಿ ಹೇಳಿಕೊಳ್ಳುವ ಸಾಧನೆ ಏನು ಮಾಡಿಲ್ಲ. ಇವರು ಸ್ವದೇಶದಲ್ಲಿ ಮಾತ್ರ ಹುಲಿ. ತವರಿನಲ್ಲಿ ನಡೆದ ದ್ವಿಪಕ್ಷೀಯ ಸರಣಿಯಲ್ಲಿ ಭಾರತ ತಂಡ ಉತ್ತಮ ಪ್ರದರ್ಶನ ನೀಡಿದೆ. ಬ್ಯಾಕ್ ಟು ಬ್ಯಾಕ್ ಸಿರೀಸ್​​​​ ಗೆದ್ದದ್ದು ಬಿಟ್ಟರೆ, ವಿದೇಶದಲ್ಲಿ ಸಾಧನೆ ಏನೇನಿಲ್ಲ. ಸ್ವದೇಶದಲ್ಲಿ ಹುಲಿ, ವಿದೇಶದಲ್ಲಿ ಇಲಿ ಅನ್ನಿಸಿಕೊಂಡಿದ್ದಾರೆ.

ವಿದೇಶಿ ನೆಲದಲ್ಲಿ ಭಾರತದ ಸಾಧನೆ

• ದಕ್ಷಿಣ ಆಫ್ರಿಕಾ: (ಟೆಸ್ಟ್​) 2-1 ಸೋಲು
• ದಕ್ಷಿಣ ಆಫ್ರಿಕಾ: (ಏಕದಿನ) 3-0 ಸೋಲು
• ಇಂಗ್ಲೆಂಡ್​: (ಟೆಸ್ಟ್​) 1-0 ಸೋಲು
• ಏಷ್ಯಾಕಪ್​​: (ಟಿ20) ಸೂಪರ್​​-4
• ಟಿ20 ವಿಶ್ವಕಪ್: (ಟಿ20) ಸೆಮಿಫೈನಲ್
• ಬಾಂಗ್ಲಾದೇಶ: (ಏಕದಿನ) 2-1 ಸೋಲು
• WTC – ರನ್ನರ್​ ಅಪ್​​

ಕ್ಲಾಸ್ಟ್ಲಿ ಕೋಚ್ ರಾಹುಲ್ ದ್ರಾವಿಡ್ ಅವರ ಫಾರಿನ್​​​ ರಿಪೋರ್ಟ್​ ಕಾರ್ಡ್​ನಾ? ತವರಿನಲ್ಲಿ ಸಾಲು-ಸಾಲು ಸರಣಿ ಗೆದ್ದರೆ, ಫಾರಿನ್​ನಲ್ಲಿ ಒಂದೇ ಒಂದು ಸರಣಿ ಅಥವಾ ಟೂರ್ನಾಮೆಂಟ್ ಗೆಲ್ಲಿಸಿಕೊಡುವಲ್ಲಿ ರಾಹುಲ್ ದ್ರಾವಿಡ್ ರಿಂದ ಸಾಧ್ಯವಾಗಿಲ್ಲ.

ದ್ರಾವಿಡ್​ ವೈಫಲ್ಯಕ್ಕೆ ಕಾರಣಗಳು

• ಗೇಮ್​​​​ ಪ್ಲಾನ್​​​ ಮತ್ತು ತಂಡದ ಆಯ್ಕೆಯಲ್ಲಿ ವಿಫಲ
• ರಕ್ಷಣಾತ್ಮಕ ಆಟಕ್ಕೆ ಹೆಚ್ಚು ಒತ್ತು
• ಆಟಗಾರರ ಇಂಜುರಿ ಮತ್ತು ಕೆಲಸದ ನಿರ್ವಹಣೆ
• ಆಟಗಾರರ ರೋಲ್​​ ಬಗ್ಗೆ ಕ್ಲಾರಿಟಿ ಇಲ್ಲ
• ಹಲವು ನಾಯಕರು ತಂಡ ಮುನ್ನಡೆಸಿರೋದು
• ರಿಸ್ಕ್​ ತೆಗೆದುಕೊಳ್ಳುವಲ್ಲಿ ಹಿಂದೇಟು

ಒಟ್ಟಿನಲ್ಲಿ ಕಾಸ್ಟ್ಲಿ ಕೋಚ್​​ ದ್ರಾವಿಡ್​​​ಗೆ ಫ್ಲಾಫ್​​ ಕೋಚ್​​​ ಅನ್ನೋ ಹಣೆಪಟ್ಟಿ ಸುತ್ತಿಕೊಂಡಿದೆ. ಆದಷ್ಟು ಬೇಗ ದಿ ವಾಲ್​​​​​ ಇದರಿಂದ ಹೊರಬರಲಿ. ಯಶಸ್ವಿ ಕೋಚ್​ಗಳ ಲಿಸ್ಟ್​​ಗೆ ಕನ್ನಡದ ಕಣ್ಮಣಿ ಸೇರಿಕೊಳ್ಳುವಂತಾಗಲಿ ಎಂಬುದು ನಮ್ಮ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್