ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಕೂಡ ಬೈಕ್​ ಪ್ರೇಮಿ

ರಾಹುಲ್​ ಬಳಿ ಇದೆ ಜನಪ್ರಿಯ ಕಂಪನಿಯ ಅಡ್ವೆಂಚರ್​ ಬೈಕ್

ರಾಹುಲ್​ ಬಳಿ ಬೈಕ್​ ಇದ್ರೂ ಓಡಿಸಲಾಗುತ್ತಿಲ್ಲ, ಕಾರಣ ಏನು?

ಬೈಕ್​, ಕಾರು ಇಷ್ಟಪಡದೇ ಇರುವವರು ಯಾರಿದ್ದಾರೆ ಹೇಳಿ. ಬಹುತೇಕರಿಗೆ  ದ್ವಿಚಕ್ರ ಮತ್ತು ಕಾರುಗಳೆಂದರೆ ಇಷ್ಟ. ಅದರಲ್ಲೂ ಯುವಕರಂತೂ ದುಬಾರಿ ಬೆಲೆಯ ಬೈಕ್​ಗಳನ್ನು ಇಷ್ಟಪಡುತ್ತಾರೆ. ಅದರಂತೆಯೇ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿಗೂ ಬೈಕ್​ ಅಂದ್ರೆ ತುಂಬಾನೇ ಇಷ್ಟ. ಅವರ ಬಳಿಯೂ ಜನಪ್ರಿಯ ಕಂಪನಿಯ ಬೈಕ್​ವೊಂದಿದೆ.

ಯಾವುದು ಬೈಕ್​?

ಹೌದು. ರಾಹುಲ್​ ಗಾಂಧಿ ಬೈಕ್​ ಪ್ರೇಮಿ ಎಂಬುದು ನಿಜ. ಅವರ ಬಳಿ ಅಡ್ವೆಂಚರ್​ ಬೈಕ್​ ಇದೆ. ಕೆಟಿಎಂ 390 ಬೈಕ್​ ಅನ್ನು ರಾಹುಲ್​​ ಗಾಂಧಿ ಹೊಂದಿದ್ದಾರೆ. ಆದರೆ ಅವರಿಗೆ ಭದ್ರತಾ ಸಿಬ್ಬಂದಿಗಳು ಅನುಮತಿಸದ ಕಾರಣ ಆ ಬೈಕ್​ ಬಳಕೆಯಾಗದೆ ಹಾಗೆ ನಿಂತಿದೆ.

ಅಂದಹಾಗೆಯೇ ರಾಹುಲ್​ ಗಾಂಧಿಯೇ ತಮ್ಮ ಜೊತೆಗಿರುವ ಬೈಕ್​ ಬಗ್ಗೆ ಮಾಹಿತಿ ಬಿಚ್ಚಿಟ್ಟಿದ್ದಾರೆ. ಶನಿವಾರದಂದು ಮೆಕ್ಯಾನಿಕ್​​ಗಳನ್ನು ಭೇಟಿ ಮಾಡಿ ಮಾತನಾಡಿರುವ ರಾಹುಲ್​ ಈ ವೇಳೆ ತಮ್ಮ ಬಳಿ ಇರುವ ಬೈಕ್​ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ಯಾವಾಗ ಮದುವೆ?

ಈ ಸಂದರ್ಭದಲ್ಲಿ ಮೆಕ್ಯಾನಿಕ್​ ಓರ್ವ ಯಾವಾಗ ಮದುವೆಯಾಗುತ್ತೀರಾ? ಎಂದು ಪ್ರಶ್ನಿಸಿದ್ದಾನೆ. ಅದಕ್ಕೆ ಅವರು ನೋಡೋಣ ಎಂದು ಉತ್ತರಿಸಿದ್ದಾರೆ.