ರಾಹುಲ್​ ಗಾಂಧಿಗೆ ಮದುವೆ ಆಗಿ ಎಂದು ಲಾಲೂ ಪ್ರಸಾದ್​ ಯಾದವ್​ ಸಲಹೆ

ಲಾಲ್​ ಪ್ರಸಾದ್​​ ಯಾದವ್​​ಗೆ ಮದುವೆ ಆಗ್ತೀನಿ ಎಂದು ಉತ್ತರ ಕೊಟ್ಟ ರಾಹುಲ್​​

ಕೊನೆಗೂ ತನ್ನ ಮದುವೆ ಬಗ್ಗೆ ಮೌನಮುರಿದ ಎಐಸಿಸಿ ವರಿಷ್ಠ ರಾಹುಲ್​ ಗಾಂಧಿ!

ಪಾಟ್ನಾ: ಇಂಡಿಯನ್​ ನ್ಯಾಷನಲ್​ ಕಾಂಗ್ರೆಸ್​​ ವರಿಷ್ಠ ರಾಹುಲ್​​ ಗಾಂಧಿ ಈಗ ತನ್ನ ಮದುವೆ ವಿಚಾರಕ್ಕೆ ಸುದ್ದಿಯಾಗಿದ್ದಾರೆ. ರಾಷ್ಟ್ರೀಯ ಜನತಾ ದಳ ನಾಯಕ, ಮಾಜಿ ಸಿಎಂ ಲಾಲೂ ಪ್ರಸಾದ್ ಯಾದವ್ ರಾಹುಲ್​​ ಗಾಂಧಿಗೆ ಮದುವೆಯಾಗಿ ಎಂದು ಸಲಹೆ ನೀಡಿದ್ದಾರೆ. ಇದಕ್ಕೆ ರಾಹುಲ್​​ ಗಾಂಧಿ, ನೀವು ಹೇಳಿದ ಮೇಲೆ ಮದುವೆ ಆಗುತ್ತದೆ ಎಂದು ಉತ್ತರ ಕೊಟ್ಟಿದ್ದಾರೆ. ಈ ದೃಶ್ಯವೂ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಇಂದು ಪಾಟ್ನಾದಲ್ಲಿ ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯನ್ನು ಹೇಗೆ ಸೋಲಿಸಬೇಕು? ಎಂಬ ಬಗ್ಗೆ ಕಾಂಗ್ರೆಸ್​ ಸೇರಿದಂತೆ ದೇಶದ ಎಲ್ಲಾ ವಿರೋಧ ಪಕ್ಷಗಳು ಸಭೆ ನಡೆಸಿದರು. ಈ ಸಭೆಯಲ್ಲಿ ರಾಹುಲ್​ ಗಾಂಧಿಯನ್ನು ಮಾಜಿ ಸಿಎಂ ಲಾಲೂ ಪ್ರಸಾದ್ ಯಾದವ್ ಹಾಡಿಹೊಗಳಿದ್ದಾರೆ.

ನೀವು ಲೋಕಸಭೆಯಲ್ಲಿ ಉತ್ತಮ ಕೆಲಸ ಮಾಡಿದ್ದೀರಿ. ಅದಾನಿ ವಿರುದ್ಧ ಹೋರಾಟ ನಡೆಸಿದ್ದೀರಿ. ಕರ್ನಾಟಕದಲ್ಲೂ ಕಾಂಗ್ರೆಸ್​ ಸರ್ಕಾರ ಅಧಿಕಾರಕ್ಕೆ ಬಂದಿದೆ. ಈಗ ಬಜರಂಗ ಬಲಿ ನಮ್ಮ ಪರ ಇದ್ದಾಳೆ. ಇನ್ನೂ ವಯಸ್ಸಿದೆ, ನೀವು ಬೇಗ ಮದುವೆ ಆಗಿ ಎಂದು ರಾಹುಲ್​ ಗಾಂಧಿಗೆ ಲಾಲೂ ಸಲಹೆ ನೀಡಿದ್ದಾರೆ.

ಇನ್ನೂ ತಡವಾಗಿಲ್ಲ, ಈಗಲೂ ಮದುವೆ ಆಗಬಹುದು. ನಮ್ಮ ಸಲಹೆಯನ್ನು ‌ಸ್ವೀಕರಿಸಿ. ನಾವು ನಿಮ್ಮ ಮದುವೆಯಲ್ಲಿ ಭಾಗಿಯಾಗಬೇಕು. ನಿಮ್ಮ ತಾಯಿ ಮಾತು ನೀವು ಕೇಳುತ್ತಿಲ್ಲವಂತೆ. ಈ ಹಿಂದೆ ಕೂಡ ಮದುವೆ ಆಗಿ ಎಂದು ಸಲಹೆ ನೀಡಿದ್ದೆ. ಈಗಲಾದರೂ ಮದುವೆ ಆಗಿ ಎಂದರು. ಇದಕ್ಕೆ ನಾನು ಮದುವೆ ಆಗುತ್ತೀನಿ ಎಂದಿದ್ದಾರೆ ರಾಹುಲ್​ ಗಾಂಧಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ