ಉಪಾಸನ ಬರ್ತ್​ಡೇಗೆ ಮೆಗಾ ಫ್ಯಾಮಿಲಿ ಬಿಗ್​​​ ಗಿಫ್ಟ್​​

ಮಣಿಪುರ ಘಟನೆ ಬಗ್ಗೆ ರಶ್ಮಿಕಾ ಮಂದಣ್ಣ ಬೇಸರ

ನಟ ಟೈಗರ್ ಶ್ರಾಫ್​ ಆಲ್ಬಂ ಸಾಂಗ್​ವೊಂದು ರಿಲೀಸ್

ಉಪಾಸನ ಬರ್ತ್​ಡೇಗೆ ಸ್ಪೆಷಲ್ ಗಿಫ್ಟ್

ರಾಮ್ ಚರಣ್ ಪತ್ನಿ ಉಪಾಸನ ಬರ್ತ್​ಡೇ ಸಂಭ್ರಮದಲ್ಲಿದ್ದಾರೆ. ಉಪಾಸನ ಹುಟ್ಟುಹಬ್ಬದ ವಿಶೇಷವಾಗಿ ಉಡುಗೊರೆ ಕೊಟ್ಟಿರುವ ಮೆಗಾ ಫ್ಯಾಮಿಲಿ, ಉಪಾಸನ ಚೊಚ್ಚಲ ಮಗುವಿನ ಡಿಲವರಿ ಸಮಯದ ಅತ್ಯದ್ಭುತ ಕ್ಷಣಗಳನ್ನ ಕ್ಯಾಪ್ಚರ್ ಮಾಡಿದ್ದು, ಇವತ್ತು ಆ ಗ್ಲಿಂಪ್ಸ್​ನ​ ಶೇರ್ ಮಾಡಿದ್ದಾರೆ. ಜೂನ್ 20ಕ್ಕೆ ಉಪಾಸನ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು.

 

View this post on Instagram

 

A post shared by Ram Charan (@alwaysramcharan)

ಮಣಿಪುರ ಘಟನೆ ಬಗ್ಗೆ ರಶ್ಮಿಕಾ ಬೇಸರ

ಮಣಿಪುರದ ಬುಡಕಟ್ಟು ಜನಾಂಗದ ಇಬ್ಬರು ಮಹಿಳೆಯರನ್ನು ಬೆತ್ತಲೆಗೊಳಿಸಿ ಮೆರವಣಿಗೆ ಮಾಡಿದ ಘಟನೆ ಬಗ್ಗೆ ನಟಿ ರಶ್ಮಿಕಾ ಮಂದಣ್ಣ ಬೇಸರ ವ್ಯಕ್ತಪಡಿಸಿದ್ದಾರೆ. ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಪೋಸ್ಟ್​ ಹಾಕಿರುವ ರಶ್ಮಿಕಾ, ‘ನಾನು ಓದಿದ್ದನ್ನ ನಂಬಲು ಸಾಧ್ಯವಾಗ್ತಿಲ್ಲ. ದೇಶದಲ್ಲಿ ಏನು ನಡೆಯುತ್ತಿದೆ. ದುಷ್ಟರಿಗೆ ತಕ್ಕ ಶಿಕ್ಷೆಯಾಗಲಿ. ಅಪರಾಧಿಗಳಿಗೆ ಪೂರ್ಣ ಪ್ರಮಾಣದಲ್ಲಿ ಶಿಕ್ಷೆಯಾಗುತ್ತದೆ’ ಎಂದು ಭಾವಿಸುತ್ತೇನೆ ಎಂದು ಪೋಸ್ಟ್​ ಹಾಕಿದ್ದಾರೆ.

ತೆರೆಮೇಲೆ ರಾಜ್ ಕುಂದ್ರಾ ಅಶ್ಲೀಲ ಪ್ರಕರಣ

2021ರಲ್ಲಿ ಅಶ್ಲೀಲ ವಿಡಿಯೋ ನಿರ್ಮಾಣ ಪ್ರಕರಣದಲ್ಲಿ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರ ಪತಿ ರಾಜ್ ಕುಂದ್ರಾ ಬಂಧನವಾಗಿದ್ದರು. ಇದೀಗ, ಈ ಘಟನೆಯನ್ನ ತೆರೆಮೇಲೆ ತರೋಕೆ ರಾಜ್ ಕುಂದ್ರಾ ನಿರ್ಧರಿಸಿದ್ದಾರಂತೆ. ಅಶ್ಲೀಲ ವಿಡಿಯೋ ನಿರ್ಮಾಣ ಪ್ರಕರಣದಲ್ಲಿ ಏನಾಯ್ತು? ಜೈಲಿನಲ್ಲಿ ಎದುರಾದ ಅನುಭವ ಏನು? ಶಿಲ್ಪಾ ಶೆಟ್ಟಿ ಮನಸ್ಥಿತಿ ಹೇಗಿತ್ತು ಅನ್ನೋ ವಿಚಾರಗಳನ್ನಿಟ್ಟುಕೊಂಡು ಸಿನಿಮಾ ಮಾಡೋಕೆ ಮುಂದಾಗಿದ್ದಾರೆ. ಖುದ್ದು ರಾಜ್ ಕುಂದ್ರಾ ಅವರೇ ಈ ಚಿತ್ರ ನಿರ್ಮಿಸಲಿದ್ದು, ಸ್ಕ್ರಿಪ್ಟ್​, ಕಲಾವಿದರ ಆಯ್ಕೆ ಇನ್ನಷ್ಟೇ ಆರಂಭವಾಗಬೇಕಿದೆ ಎಂಬ ಮಾಹಿತಿ ಹೊರಬಿದ್ದಿದೆ.

ನಿರ್ದೇಶಕ್ಕಿಳಿದ ಕಲೈ ಮಾಸ್ಟರ್

ಸ್ಯಾಂಡಲ್​ವುಡ್​ ಸ್ಟಾರ್​ ಡ್ಯಾನ್ಸ್ ಕೊರಿಯೋಗ್ರಫರ್ ಕಲೈ ಮಾಸ್ಟರ್ ಈಗ ನಿರ್ದೇಶಕರಾಗಿ ಬಡ್ತಿ ಪಡೆದುಕೊಂಡಿದ್ದಾರೆ. ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ನಾಯಕನಾಗಿ ಅಭಿನಯಿಸುತ್ತಿರುವ ಹೊಸ ಚಿತ್ರಕ್ಕೆ ಕಲೈ ಮಾಸ್ಟರ್ ಆ್ಯಕ್ಷನ್ ಕಟ್ ಹೇಳಲಿದ್ದು, ಈ ಚಿತ್ರ ಅಕ್ಟೋಬರ್ ತಿಂಗಳಲ್ಲಿ ಆರಂಭವಾಗಲಿದೆ. ಸಾಮಾಜಿಕ ಕಳಕಳಿ ಹೊಂದಿರುವ ಕಥಾಹಂದರವನ್ನು ರಾಜಲಕ್ಷ್ಮೀ ಎಂಟರ್ಟೈನ್ಮೆಂಟ್ ಲಾಂಛನದಲ್ಲಿ ಶ್ರೀಮತಿ ಪ್ರತಿಭಾ ನಿರ್ಮಾಣ ಮಾಡಲಿದ್ದಾರೆ. 23 ವರ್ಷಗಳಿಂದ ಕನ್ನಡ ಚಿತ್ರರಂಗದೊಂದಿಗೆ ನಂಟಿರುವ ಕಲೈ ಮಾಸ್ಟರ್ ಮದನ್ – ಹರಿಣಿ, ಚಿನ್ನಿಪ್ರಕಾಶ್, ತ್ರಿಭುವನ್, ಫೈವ್ ಸ್ಟಾರ್ ಗಣೇಶ್ ಮುಂತಾದ ಹಿರಿಯ ನೃತ್ಯ ನಿರ್ದೇಶಕರೊಂದಿಗೆ ಕೆಲಸ‌ ಮಾಡಿದ್ದು, 300ಕ್ಕೂ ಹೆಚ್ಚು ಹಾಡುಗಳಿಗೆ ನೃತ್ಯ ನಿರ್ದೇಶನ ಮಾಡಿದ್ದಾರೆ.

ಟೈಗರ್ ಶ್ರಾಫ್​ ಸಾಂಗ್ಸ್ ಸೆನ್ಸೇಷನ್

ಬಾಲಿವುಡ್​ ನಟ ಟೈಗರ್ ಶ್ರಾಫ್​ ನಟನೆಯ ಆಲ್ಬಂ ಸಾಂಗ್​ವೊಂದು ರಿಲೀಸ್ ಆಗಿದ್ದು, ಸೋಶಿಯಲ್ ಮೀಡಿಯಾದ ಸೆನ್ಸೇಷನ್ ಆಗಿದೆ. ಟಿ-ಟಿರೀಸ್ ನಿರ್ಮಾಣ ಈ ಹಾಡಿನಲ್ಲಿ ಟೈಗರ್ ಶ್ರಾಫ್ ಮತ್ತು ಝರಾ ಖಾನ್ ಕಾಣಿಸಿಕೊಂಡಿರೋದಲ್ಲದೇ ಅವರೇ ಸ್ವತಃ ಹಾಡಿದ್ದಾರೆ. ಸದ್ಯ ರಿಲೀಸ್ ಆಗಿರುವ ಲವ್ ಸ್ಟೋರೀಸ್​ ಅಗೈನ್ ಎನ್ನುವ ಹಾಡು ಹೆಚ್ಚು ವೀಕ್ಷಣೆ ಪಡೆದುಕೊಳ್ಳುತ್ತಿದ್ದು, ಮ್ಯೂಸಿಕ್ ಪ್ರಿಯರ ಮೆಚ್ಚುಗೆ ಪಡೆದುಕೊಳ್ಳುತ್ತಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ