ಪಾಕ್​ ಸೀಮಾ ಹೈದರ್​​, ಭಾರತದ ಅಂಜು ಕೇಸ್!

ಈ ಬೆನ್ನಲ್ಲೇ ಬೆಳಕಿಗೆ ಬಂತು ಮತ್ತೊಂದು ಪ್ರಕರಣ

ಇಬ್ಬರು ಮಕ್ಕಳ ತಾಯಿ ಎಸ್ಕೇಪ್​​ ಆಗಿದ್ಯಾರೊಂದಿಗೆ?

ಜೈಪುರ: ಪಾಕಿಸ್ತಾನದ ಸೀಮಾ ಹೈದರ್​​, ಭಾರತದ ಅಂಜು ಕೇಸ್​​ ಬೆನ್ನಲ್ಲೇ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದೆ. ರಾಜಸ್ಥಾನದ ಮಹಿಳೆ ತನ್ನ ಪ್ರೇಮಿಗಾಗಿ ಗಂಡ-ಮಕ್ಕಳನ್ನು ಬಿಟ್ಟು ಕುವೈತ್​​ ದೇಶಕ್ಕೆ ಎಸ್ಕೇಪ್​​ ಆದ ಘಟನೆ ವರದಿಯಾಗಿದೆ.

ಹೌದು, ರಾಜಸ್ಥಾನ ಡುಂಗರ್‌ಪುರ ಮೂಲದ ದೀಪಿಕಾ ಪಾಟೀದಾರ್ ಇಬ್ಬರು ಮಕ್ಕಳ ತಾಯಿ. ಸದ್ಯ ಮಹಿಳೆ ಗಂಡ, ಇಬ್ಬರು ಮಕ್ಕಳನ್ನು ತೊರೆದು ಪ್ರಿಯಕರ ಜತೆಗೆ ಓಡಿ ಹೋಗಿದ್ದಾರೆ. ದೀಪಿಕಾ ಪಾಟೀದಾರ್​​ ಜತೆ ಓಡಿ ಹೋದವ ಇರ್ಫಾನ್​​ ಹೈದರ್.

​​ಸದ್ಯ ದೀಪಿಕಾ ಬುರ್ಖಾ ಧರಿಸಿ ಓಡಾಡುತ್ತಿರೋ ಫೋಟೋ ಸೋಷಿಯಲ್​​ ಮೀಡಿಯಾದಲ್ಲಿ ಭಾರೀ ವೈರಲ್​ ಆಗಿತ್ತು. ಇದೇ ಸಂದರ್ಭದಲ್ಲಿ ದೀಪಿಕಾ ಇರ್ಫಾನ್​​ ಹೈದರ್​​​ ಜತೆ ಕುವೈತ್​​ಗೆ ಎಸ್ಕೇಪ್​ ಆಗಿದ್ದಾರೆ ಎಂಬುದು ತಿಳಿದು ಬಂದಿದೆ.

ಪತ್ನಿ ನಾಪತ್ತೆ ಎಂದು ದೂರು

ಇನ್ನು, ದೀಪಿಕಾ ಪಾಟೀದಾರ್​​​ ಗಂಡ ಮುಂಬೈನ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇಂದು ತನ್ನ ಪತ್ನಿ ನಾಪತ್ತೆಯಾದ ಬಗ್ಗೆ ಮುಂಬೈ ಪೊಲೀಸರಿಗೆ ದೂರು ನೀಡಿದ್ದಾರೆ. ಹೈದರ್​​​ ತನ್ನ ಪತ್ನಿ ಬ್ರೈನ್​ ವಾಶ್ ಮಾಡಿ ಕುವೈತ್​​ಗೆ ಕರೆದುಕೊಂಡು ಹೋಗಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಸಂಬಂಧ ಮಾತಾಡಿದ ಮುಂಬೈ ಪೊಲೀಸರು, ದೀಪಿಕಾ ಆಗಾಗ ಹೈದರ್​​ನನ್ನು ಭೇಟಿಯಾಗಲು ಗುಜರಾತ್​ಗೆ ಹೋಗುತ್ತಿದ್ದಳು ಎಂದು ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ