ಸೂಪರ್ ಸ್ಟಾರ್ ರಜನಿಕಾಂತ್ 'ಜೈಲರ್' ಚಿತ್ರದ ಸಾಂಗ್​ ರಿಲೀಸ್​ಗೆ ಡೇಟ್ ಫಿಕ್ಸ್

ಚಿತ್ರರಂಗದಿಂದ ದೂರ ಉಳಿಯಲು ನಿರ್ಧಾರ ಮಾಡಿದ್ರಾ ನಟ ವಿಜಯ್ ದಳಪತಿ

ರಶ್ಮಿಕಾ ಮಂದಣ್ಣ ನಟನೆಯ 'ಅನಿಮಲ್' ಸಿನಿಮಾ ದಿನಾಂಕ ಮುಂದೂಡಿಕೆ..!

ರಶ್ಮಿಕಾ ಸಿನಿಮಾ ಪೋಸ್ಟ್​ಪೋನ್

ರಶ್ಮಿಕಾ ಮಂದಣ್ಣ ಹಾಗೂ ರಣ್ಬೀರ್ ಕಪೂರ್ ನಟನೆಯ ‘ಅನಿಮಲ್’ ಚಿತ್ರ ಆಗಸ್ಟ್​ ತಿಂಗಳು ತೆರೆಗೆ ಬರಬೇಕಿತ್ತು. ಆದ್ರೀಗ ತಾಂತ್ರಿಕ ಕಾರಣದಿಂದ ಬಿಡುಗಡೆ ದಿನಾಂಕ ಮುಂದೂಡಲಾಗಿದೆ ಎಂದು ನಿರ್ದೇಶಕ ಸಂದೀಪ್ ವಂಗಾ ರೆಡ್ಡಿ ಮಾಹಿತಿ ನೀಡಿದ್ದಾರೆ. ಈಗಾಗಲೇ ‘ಅನಿಮಲ್’ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಪೋಸ್ಟ್​ ಪ್ರೊಡಕ್ಷನ್ ಹಂತದಲ್ಲಿರುವ ‘ಅನಿಮಲ್’ ಚಿತ್ರದಲ್ಲಿ​ ವಿಎಫ್​ಎಕ್ಸ್​ ಕೆಲಸ ಇನ್ನಷ್ಟು ಸಮಯ ತೆಗೆದುಕೊಳ್ಳುವ ಕಾರಣದಿಂದ ಡಿಸೆಂಬರ್ 1ಕ್ಕೆ ರಿಲೀಸ್ ಮಾಡಲಾಗುವುದು ಎಂದು ಹೊಸ ದಿನಾಂಕ ಘೋಷಿಸಿದ್ದಾರೆ.

ತಮನ್ನಾ ಸಾಂಗ್​.. ಜೈಲರ್​ ಸಖತ್ ಪ್ಲಾನ್!

ಸೂಪರ್ ಸ್ಟಾರ್ ರಜನಿಕಾಂತ್ ನಟನೆಯ ‘ಜೈಲರ್’ ಸಿನಿಮಾದ ಮೊದಲ ಸಾಂಗ್​ ರಿಲೀಸ್​ಗೆ ದಿನಾಂಕ ನಿಗದಿಯಾಗಿದೆ. ಜುಲೈ 6ಕ್ಕೆ ಜೈಲರ್ ಸ್ಪೆಷಲ್ ನಂಬರ್ ಬಿಡುಗಡೆಯಾಗಲಿದ್ದು, ಈ ಹಾಡಿನಲ್ಲಿ ತಮನ್ನಾ ಭಾಟಿಯಾ ಡ್ಯಾನ್ಸ್​ ಮಾಡಿದ್ದಾರೆ. ನೆಲ್ಸನ್ ದಿಲೀಪ್ ಕುಮಾರ್ ಈ ಚಿತ್ರ ನಿರ್ದೇಶಿಸಿದ್ದು, ಅನಿರುದ್ಧ್ ರವಿಚಂದ್ರನ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಇತ್ತೀಚೆಗಷ್ಟೇ ಚಿತ್ರದ ಸಾಂಗ್ ಪ್ರೋಮೋ ರಿಲೀಸ್ ಆಗಿದ್ದು, ಗಮನ ಸೆಳೆಯುತ್ತಿದೆ.

ಕೆಜಿಎಫ್​ಗೂ ಸಲಾರ್​ಗೂ ಲಿಂಕ್ ಇದ್ಯಾ?

ಸಲಾರ್ ಚಿತ್ರದ ಟೀಸರ್​ ಬಿಡುಗಡೆ ದಿನಾಂಕ ಘೋಷಣೆ ಆದ್ಮೇಲೆ ಹೊಸ ಚರ್ಚೆ ಆರಂಭವಾಗಿದೆ. ಸಲಾರ್ ಚಿತ್ರದ ಮೊದಲ ಟೀಸರ್​ ಜುಲೈ 6ರಂದು ಮುಂಜಾನೆ 5 ಗಂಟೆ 17 ನಿಮಿಷಕ್ಕೆ ಬಿಡುಗಡೆಯಾಗಲಿದೆ. ಇದನ್ನ ಕೆಜಿಎಫ್ ಚಿತ್ರದೊಂದಿಗೆ ಲಿಂಕ್ ಮಾಡುತ್ತಿರುವ ನೆಟ್ಟಿಗರು ಇದು ಕೆಜಿಎಫ್​ ಸೀಕ್ವೆಲ್​ ಅಂತಿದ್ದಾರೆ. ಕೆಜಿಎಫ್ ಚಿತ್ರದ ಕ್ಲೈಮ್ಯಾಕ್ಸ್​ನಲ್ಲಿ ರಾಕಿ ಭಾಯ್​ ಸಮುದ್ರದಲ್ಲಿ ಧುಮುಕೋದು ಬೆಳಗ್ಗೆ 5.12 ನಿಮಿಷಕ್ಕೆ. ಈಗ ಅದೇ ಟೈಮ್​ನಲ್ಲಿ ಸಲಾರ್ ಟೀಸರ್​ ಬರ್ತಿದೆ. ಹಾಗಾಗಿ ಕೆಜಿಎಫ್​ಗೂ ಸಲಾರ್​ಗೂ ನಂಟಿದೆ ಎನ್ನುವ ಚರ್ಚೆ ನಡೆಯುತ್ತಿದೆ.

ಸಲ್ಮಾನ್ ಖಾನ್​ಗಾಗಿ ರಾಖಿ ಸಾವಂತ್ ಶಪಥ

ಸಲ್ಮಾನ್ ಖಾನ್ ಮದುವೆ ಮಾಡಿಕೊಳ್ಳುವವರೆಗೂ ನಾನು ಬರಿಗಾಲಿನಲ್ಲಿ ನಡೆಯುತ್ತೇನೆ ಅಂತಾ ಹೇಳಿ ಗಮನ ಸೆಳೆದಿದ್ದಾರೆ ರಾಖಿ ಸಾವಂತ್. ಇತ್ತೀಚೆಗಷ್ಟೆ ಮುಂಬೈ ಏರ್​ಪೋರ್ಟ್​ನಲ್ಲಿ ಕಾಣಿಸಿಕೊಂಡ ರಾಖಿ, ಬರಿಗಾಲಲ್ಲಿ ನಡೆದು ಬರ್ತಿದ್ರು. ಯಾಕೆ ಅಂತ ಕೇಳಿದ್ದಕ್ಕೆ ನಮ್ಮ ಸಲ್ಲು ಭಾಯ್​ ಮದುವೆ ಆಗೋವರೆಗೂ ನಾನು ಬರಿಗಾಲಲ್ಲೇ ಇರ್ತೇನೆ ಎಂದಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದೆ.

68ನೇ ಚಿತ್ರದ ಆದ್ಮೇಲೆ ಬ್ರೇಕ್!

ತಮಿಳು ನಟ ವಿಜಯ್ ಚಿತ್ರರಂಗದಿಂದ ಬ್ರೇಕ್ ತೆಗೆದುಕೊಳ್ಳಲಿದ್ದಾರಂತೆ. 2026ರಲ್ಲಿ ತಮಿಳುನಾಡು ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಈ ಹಿನ್ನೆಲೆ ಸಿನಿಮಾ ಮಾಡೋದನ್ನ ನಿಲ್ಲಿಸಿ ರಾಜಕೀಯ ತಯಾರಿ ಆರಂಭಿಸಲಿದ್ದಾರಂತೆ. ಸದ್ಯ ಲೋಕೇಶ್ ಕನಕರಾಜ್ ಜೊತೆ 67ನೇ ಸಿನಿಮಾ ಮಾಡ್ತಿದ್ದು, ಅದಾದ ಬಳಿಕ ನಿರ್ದೇಶಕ ವೆಂಕಟ್ ಪ್ರಭು ಜೊತೆ ಮಾಡ್ತಿರುವ 68ನೇ ಸಿನಿಮಾ ಕೊನೆಯ ಚಿತ್ರ ಎನ್ನಲಾಗ್ತಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ