ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್..!

ವರ್ಷದ ಕೊನೆಗೆ ನಡೆಯಲಿರೋ ಮೆಗಾ ಐಪಿಎಲ್​ ಹರಾಜು

ಸಮಿತ್​ ಡ್ರಾವಿಡ್​ ಖರೀದಿಸಲು ಆರ್​​ಸಿಬಿ ಮಾಸ್ಟರ್​​​ ಪ್ಲಾನ್

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ಗೆ ಈಗಿನಿಂದಲೇ ಭರ್ಜರಿ ತಯಾರಿ ನಡೆಯುತ್ತಿದೆ. ಯಾರನ್ನು ರಿಲೀಸ್​ ಮಾಡಬೇಕು? ಯಾರನ್ನು ರೀಟೈನ್​​ ಮಾಡಿಕೊಳ್ಳಬೇಕು? ಎಂದು ಐಪಿಎಲ್​ ತಂಡಗಳ ಮಾಲೀಕರು ಪ್ಲಾನ್​ ಮಾಡುತ್ತಿದ್ದಾರೆ. ಇದರ ಮಧ್ಯೆ ಸದ್ಯದಲ್ಲೇ ಮೆಗಾ ಹರಾಜು ನಡೆಯಲಿದ್ದು, ಯಾವ ಅನ್​ಕ್ಯಾಪ್ಡ್​​ ಪ್ಲೇಯರ್ಸ್​​ಗೆ ಮಣೆ ಹಾಕಬೇಕು? ಎಂಬ ಚರ್ಚೆ ಜೋರಾಗಿದೆ. ಹರಾಜಿಗೆ ಬಂದರೆ ಸಮಿತ್​ ಡ್ರಾವಿಡ್​ ಅವರನ್ನು ಖರೀದಿಸಬೇಕು ಅನ್ನೋದು ಆರ್​​ಸಿಬಿ ಪ್ಲಾನ್​​.

ಟೀಮ್​ ಇಂಡಿಯಾದ ಮಾಜಿ ಮುಖ್ಯ ಕೋಚ್​​ ರಾಹುಲ್​ ದ್ರಾವಿಡ್​​. ಇವರ ಪುತ್ರ ಸಮಿತ್ ದ್ರಾವಿಡ್ ಇತ್ತೀಚೆಗೆ ಭಾರೀ ಸದ್ದು ಮಾಡುತ್ತಿದ್ದಾರೆ. ಮಹಾರಾಜ ಟ್ರೋಫಿ ಟೂರ್ನಿಯಲ್ಲಿ ಮೈಸೂರು ವಾರಿಯರ್ಸ್‌ ಪರ ಅದ್ಭುತ ಪ್ರರ್ದಶನ ನೀಡುತ್ತಲೇ ಇದ್ದಾರೆ.

ಇನ್ನು, ದೇಶೀಯ ಕ್ರಿಕೆಟ್​​ನಲ್ಲಿ ಅಮೋಘ ಪ್ರದರ್ಶನ ನೀಡುತ್ತಿರೋ ಸಮಿತ್​ ದ್ರಾವಿಡ್ ಆಸ್ಟ್ರೇಲಿಯಾ ವಿರುದ್ಧದ ಸರಣಿಗಾಗಿ ಭಾರತ ಅಂಡರ್-19 ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಹಾಗಾಗಿ ಇವರು ಹರಾಜಿಗೆ ಬಂದರೆ ಐಪಿಎಲ್​ ತಂಡಗಳು ಮುಗಿಬೀಳಬಹುದು.

ಸಮಿತ್​ ಮೇಲೆ ಆರ್​​ಸಿಬಿ ಕಣ್ಣು

ರೈಟ್​ ಹ್ಯಾಂಡ್​ ಬ್ಯಾಟರ್​ ಆಗಿರೋ ಸಮಿತ್ ದ್ರಾವಿಡ್ ಬೌಲರ್​ ಕೂಡ ಹೌದು. ಇವರು ಜನಿಸಿದ್ದು 2005ರ ನವೆಂಬರ್​​ 10ನೇ ತಾರೀಕಿನಂದು. ಮುಂದಿನ 2 ತಿಂಗಳಲ್ಲಿ ಸಮಿತ್​ 19 ವರ್ಷಕ್ಕೆ ಕಾಲಿಡಲಿದ್ದಾರೆ. ಹಾಗಾಗಿ ಇವರು ಐಪಿಎಲ್​ಗೆ ಹರಾಜಿಗೆ ತಮ್ಮ ಹೆಸರು ರಿಜಿಸ್ಟರ್​ ಮಾಡಿಕೊಳ್ಳಬಹುದು.

ಇದನ್ನೂ ಓದಿ: ಟೀಮ್​ ಇಂಡಿಯಾಗೆ ಆಯ್ಕೆಯಾದ ಬೆನ್ನಲ್ಲೇ ಬಿಸಿಸಿಐಗೆ ಬಿಗ್​​ ಶಾಕ್​ ಕೊಟ್ಟ ದ್ರಾವಿಡ್​ ಪುತ್ರ; ಏನಾಯ್ತು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ