18ನೇ ಐಪಿಎಲ್​ಗೆ ಶುರುವಾಯ್ತು ಆರ್​ಸಿಬಿ ಸಿದ್ಧತೆ..!

ಮೆಗಾ ಹರಾಜಿನಲ್ಲಿ ರೆಡ್​​ ಆರ್ಮಿ ಬಿಗ್ ಟಾರ್ಗೆಟ್

ಕರ್ನಾಟಕದ ಚಂಡ ಪ್ರಚಂಡರ ಮೇಲೆ ಹದ್ದಿನ ಕಣ್ಣು

ಐಪಿಎಲ್​ ಮೆಗಾ ಆಕ್ಷನ್​​ ಹತ್ತಿರವಾಗ್ತಿದ್ದಂತೆ ಕ್ಯೂರಿಯಾಸಿಟಿನೂ ಹೆಚ್ಚಾಗ್ತಿದೆ. 17 ವರ್ಷಗಳಿಂದ ಆರ್​ಸಿಬಿಯ ಹೊಸ ಅಧ್ಯಾಯದ ಕನಸು ಈಡೇರಿಲ್ಲ. 18ನೇ ಐಪಿಎಲ್​ನಲ್ಲಿ ಕಪ್​ ಗೆದ್ದು ಟ್ರೋಫಿ ಬರಕ್ಕೆ ಫುಲ್​​ಸ್ಟಾಪ್ ಹಾಕಲು ಆರ್​ಸಿಬಿ ಪಣತೊಟ್ಟಿದೆ. ಅದಕ್ಕಾಗಿ ತ್ರಿಮೂರ್ತಿ ಕನ್ನಡಿಗರ ಮೇಲೆ ಕಣ್ಣಿಟ್ಟಿದೆ. ಈ ಕರುನಾಡ ಕಲಿಗಳು ರೆಡ್​ ಆರ್ಮಿಗೆ ಎಂಟ್ರಿಕೊಟ್ರೆ ಹಳೇ ಅಧ್ಯಾಯ ಕೊನೆಗೊಂಡು, ಹೊಸ ಚರಿತ್ರೆ ಸೃಷ್ಟಿಯಾಗೋದು ಗ್ಯಾರಂಟಿ.

ಚಂಡ ಪ್ರಚಂಡರ ಮೇಲೆ RCB ಹದ್ದಿನ ಕಣ್ಣು
ದೇಶದಲ್ಲಿ ಸೀಸನ್​​​​ 18ನೇ ಐಪಿಎಲ್​​ನ ಮೆಗಾ ಆಕ್ಷನ್​ ಕಾವು ಜೋರಾಗಿದೆ. ಡಿಸೆಂಬರ್​ನಲ್ಲಿ ಆಟಗಾರರ ಹರಾಜು ನಡೆಯಲಿದ್ದು, ಅದಕ್ಕೂ ಮುನ್ನವೇ ರಿಟೇನ್​​​-ರಿಲೀಸ್ ಪ್ರಕ್ರಿಯೆ ಸಖತ್ ಸೌಂಡ್ ಮಾಡ್ತಿದೆ. ಎಸ್ಪೆಶಲಿ ಕರುನಾಡ ಬಾಹುಬಲಿ ಕೆಎಲ್ ರಾಹುಲ್​​ ಆರ್​ಸಿಬಿ ಸೇರ್ತಾರೆ ಅನ್ನೋ ನ್ಯೂಸ್​​​ ಟ್ರೆಂಡಿಂಗ್​ನಲ್ಲಿದೆ. ಆರ್​ಸಿಬಿ ಕನ್ನಡಿಗನನ್ನ ಸೆಳೆದು ಒಂದೇ ಕಲ್ಲಿನಲ್ಲಿ ಎರಡು ಹಕ್ಕಿ ಹೊಡೆಯೋ ಪ್ಲಾನ್ ಮಾಡಿದೆ. ಇನ್ನೊಂದೆಡೆ ಸಂಜೀವ್ ಗೋಯೆಂಕಾ, ರಾಹುಲ್ ​ಲಕ್ನೋ ಫ್ಯಾಮಿಯ ಭಾಗ ಅಂದಿದ್ರೂ, ರಿಟೇನ್ ಬಗ್ಗೆ ಕ್ಲಾರಿಟಿ ಕೊಟ್ಟಿಲ್ಲ. ಹೀಗಾಗಿ ಆರ್​ಸಿಬಿ ತಂಡ ಆಕ್ಷನ್​ನಲ್ಲಿ ರಾಹುಲ್​​​ರನ್ನ ಸೆಳೆದು ಹೊಸ ಅಧ್ಯಾಯ ಸೃಷ್ಟಿಸುವ ತವಕದಲ್ಲಿದೆ.

ಇದನ್ನೂ ಓದಿ:ಪಂತ್​ ವಿರುದ್ಧ ಸಮರ ಸಾರಿದ ಜುರೇಲ್; ಸಿನಿಯರ್ಸ್​​ಗೆ ಕನ್ನಡಿಗ ಪಡಿಕ್ಕಲ್ ಕೂಡ ಚಾಲೇಂಜ್..!

ಬರೀ ರಾಹುಲ್ ಅಷ್ಟೇ ಅಲ್ಲ. ಇನ್ನಿಬ್ಬರು ಚಂಡ, ಪ್ರಚಂಡ ಕನ್ನಡಿಗರ ಮೇಲೂ ಆರ್​ಸಿಬಿ ಫ್ರಾಂಚೈಸಿ ಹದ್ದಿನ ಕಣ್ಣಿಟ್ಟಿದೆ. ಹರಾಜಿನಲ್ಲಿ ಅದೆಷ್ಟೋ ದುಡ್ಡು ಹೋದ್ರು ಸೈ. ಈ ಇಬ್ಬರು ಮ್ಯಾಚ್ ವಿನ್ನರ್​ಗಳನ್ನ ಸೆಳೆದು ಮುಂದಿನ ಸೀಸನ್​ನಲ್ಲಿ ತಂಡವನ್ನ ಹಿಂದೆಂದಿಗಿಂತಲೂ ಬಲಿಷ್ಠಗೊಳಿಸುವ ಚಿಂತನೆಯಲ್ಲಿದೆ. ಅಷ್ಟಕ್ಕೂ ರಾಹುಲ್ ಜೊತೆ ಆರ್​ಸಿಬಿ ಕಣ್ಣಿಟ್ಟಿರೋ ಆ ಮತ್ತಿಬ್ಬರೂ ಪ್ಲೇಯರ್ಸ್​ ಬೇರಾರು ಅಲ್ಲ. ಗಂಡುಗಲಿ ಅಭಿನವ್​ ಮನೋಹರ್​ ಹಾಗೂ ಸಿಡಿಗುಂಡು ಮನೋಜ್​ ಭಾಂಡಗೆ.

ವಿಧ್ವಂಸಕ ಅಭಿನವ್​​​​​​​ ಮನೋಹರ್​​​ಗೆ RCB ಗಾಳ?
ಅಭಿನವ್ ಮನೋಹರ್​​​..! ಪ್ರಸಕ್ತ ಮಹಾರಾಜ ಟ್ರೋಫಿಯಲ್ಲಿ ಮಾಸ್​​ ಆಟದಿಂದ ಎಲ್ಲರನ್ನ ರಂಜಿಸ್ತಾರೆ. ಟೂರ್ನಿ ಆರಂಭದಿಂದ ಲೀಗ್​​​ಹಂತದ ಕೊನೆ ಪಂದ್ಯವರೆಗೂ ರನ್ ಮಳೆಯನ್ನೆ ಸುರಿಸಿದ್ದಾರೆ. ದಂಡಂ ದಶಗುಣಂ ಆಟ.. ಪವರ್​ ಹಿಟ್ಟಿಂಗ್ ಬ್ಯಾಟಿಂಗ್​​​, ಬೌಲರ್ಸ್​ ದಂಡೆತ್ತಿದ ಪರಿಗೆ ಕ್ರಿಕೆಟ್ ಲೋಕವೇ ಮಂತ್ರ ಮುಗ್ಧವಾಗಿದೆ.

ಮಹಾರಾಜ ಟ್ರೋಫಿಯಲ್ಲಿ ಅಭಿನವ್
ಮಹಾರಾಜ ಟ್ರೋಫಿಯಲ್ಲಿ ಶಿವಮೊಗ್ಗ ಲಯನ್ಸ್​​ ತಂಡದ ಅಭಿನವ್ ಮನೋಹರ್​​​ 10 ಪಂದ್ಯಗಳನ್ನ ಆಡಿದ್ದಾರೆ. ಆ ಪೈಕಿ 196.51ರ ಸ್ಟ್ರೈಕ್​ರೇಟ್​ನಲ್ಲಿ ಅತ್ಯಧಿಕ 570 ರನ್ ಸಿಡಿಸಿದ್ದಾರೆ. ಇದ್ರಲ್ಲಿ 6 ಅರ್ಧಶತಕಗಳು ಸೇರಿಕೊಂಡಿವೆ. ಅಭಿನವ್​​ ಹೊಡೆದಿರೋ 507 ರನ್ ಪೈಕಿ ಸಿಕ್ಸರ್​ಗಳಿಂದಲೇ 312 ರನ್ ಗಳಿಸಿದ್ದಾರೆ. ಕರ್ನಾಟಕದ ಈ ಡೇರ್​ಡೆವಿಲ್ ಟೂರ್ನಿಯಲ್ಲಿ ಬರೋಬ್ಬರಿ 52 ಸಿಕ್ಸರ್​ಗಳನ್ನ ಚಚ್ಚಿದ್ದಾರೆ. ಅಭಿನವ್​​ರ ಈ ನಿರ್ಭೀತಿ ಆಟಕ್ಕೆ ಆರ್​ಸಿಬಿ ಇಂಪ್ರೆಸ್ ಆಗಿದೆ. ಹೀಗಾಗಿ ಹರಾಜಿನಲ್ಲಿ ಬಿಗ್​ ಹಿಟ್ಟರ್​​​ಗೆ ಗಾಳ ಹಾಕಲು ಪಕ್ಕಾ ಪ್ಲಾನ್ ಮಾಡಿದೆ.

ಇದನ್ನೂ ಓದಿ:3ನೇ ಇನ್ನಿಂಗ್ಸ್​​​ನಲ್ಲೇ ತ್ರಿಶತಕ.. ಆಮೇಲೆ ಡೋರ್​ ಕ್ಲೋಸ್.. ಕನ್ನಡಿಗನಿಗೆ ಅವಕಾಶ ನೀಡದೇ ಬಿಸಿಸಿಐ ಮೋಸ

RCB ಗೆ ಮನೋಹರ್​​​​​ ಮೇಲೆ ಒಲವೇಕೆ..?

• ಸ್ಪೋಟಕ ಅಟವಾಡಿ ಎದುರಾಳಿ ಮೇಲೆ ಒತ್ತಡ
• ವೀಕ್ ಮಿಡಲ್ ಆರ್ಡರ್ ಬಲಿಷ್ಠಗೊಳ್ಳಲಿದೆ
• ಡಿಕೆಯ ಫಿನಿಶಿಂಗ್ ಸ್ಥಾನ ತುಂಬಬಲ್ಲರು
• ಆಲ್​ರೌಂಡರ್ ಪ್ರದರ್ಶನ ತಂಡಕ್ಕೆ ವರದಾನ
• ಸಣ್ಣ ಗ್ರೌಂಡ್​​​​​ನಲ್ಲಿ ಸಿಕ್ಸರ್​ಗಳ ಸುರಿಮಳೆ ಸುರಿಸಬಹುದು

ಅಭಿನವ್​​​ ಮನೋಹರ್​ ಸ್ಫೋಟಕ ಆಟಕ್ಕೆ ಹೆಸರುವಾಸಿ. ಅದೆಂಥಾ ಸ್ಟ್ರಾಂಗ್​ ಬೌಲರ್​​ ಇದ್ರೂ ನಿರ್ದಯವಾಗಿ ದಂಡಿಸಬಲ್ಲರು. ಕನ್ನಡಿಗ ಆಗಮಿಸಿದ್ರೆ ಆರ್​ಸಿಬಿಯ ಮಿಡಲ್​ ಆರ್ಡರ್ ಸ್ಟ್ರಾಂಗ್ ಆಗಲಿದೆ. ಅಭಿನವ್​ಗೆ ಡಿಕೆಯ ಫಿನಿಶಿಂಗ್​​ ಸ್ಥಾನ ತುಂಬುವ ಸಾಮರ್ಥ್ಯವಿದೆ. ಬ್ಯಾಟಿಂಗ್ ಅಷ್ಟೇ ಅಲ್ಲದೇ, ಬೌಲಿಂಗ್​ ಮೂಲಕ ತಂಡಕ್ಕೆ ನೆರವಾಗಬಲ್ಲರು. ಚಿನ್ನಸ್ವಾಮಿ ಮೈದಾನ ಸಿಕ್ಕದಿದೆ. ದೊಡ್ಡ ಹೊಡೆತಗಳ ಮೂಲಕ ಲೋಕಲ್ ಬಾಯ್​ ಇದರ ಲಾಭ ಪಡೆಯಬಹುದು.

ಮನೋಜ್ ಭಾಂಡಗೆ ಸೆಳೆದು ಬ್ಯಾಂಡ್​ ಬಜಾಯಿಸೋ ಪ್ಲಾನ್​
ಮೈಸೂರು ವಾರಿಯರ್ಸ್​ ತಂಡ ಮನೋಜ್ ಭಾಂಡಗೆ ಕೂಡ ಮಹಾರಾಜ ಟ್ರೋಫಿಯಲ್ಲಿ ಧೂಳೆಬ್ಬಿಸಿದ್ದಾರೆ. ಆಡಿದ 10 ಪಂದ್ಯಗಳಲ್ಲಿ 196.46 ಸ್ಟ್ರೈಕ್​ರೇಟ್​ನಲ್ಲಿ 222 ರನ್​ ಚಚ್ಚಿದ್ದಾರೆ. 3 ಅರ್ಧಶತಕ ಕೂಡ ಬಾರಿಸಿದ್ದಾರೆ. ಬ್ಯಾಟಿಂಗ್ ಅಷ್ಟೇ ಅಲ್ಲದೇ ಬೌಲಿಂಗ್​ನಲ್ಲಿ 8 ವಿಕೆಟ್ ಕಬಳಿಸಿ ಆಲ್​ರೌಂಡರ್ ಪ್ರದರ್ಶನ ನೀಡ್ತಿದ್ದಾರೆ. ಈ ಆಲ್​ರೌಂಡರ್ ಮೇಲೆ ಆರ್​ಸಿಬಿಯ ಕಣ್ಣು ಬಿದ್ದಿದೆ. ಹರಾಜಿನಲ್ಲಿ ಫೈರಿ ಲೆಫ್ಟಿ ಬ್ಯಾಟರ್​ನನ್ನ ಬುಟ್ಟಿಗೆ ಹಾಕಿಕೊಳ್ಳಲು ಎದುರು ನೋಡ್ತಿದೆ.

ಮನೋಜ್​​ ಭಾಂಡ RCBಗೆ ಬಂದ್ರೆ ಲಾಭವೇನು?

• ಕೆಳಕ್ರಮಾಂಕದ ಬ್ಯಾಟಿಂಗ್​​​ಗೆ ಶಕ್ತಿ
• ಸ್ಪಿನ್ ವಿಭಾಗ ಸುಧಾರಣೆಗೊಳ್ಳಲಿದೆ
• ಫಿನಿಶಿಂಗ್​​​ ರೋಲ್​ ಪ್ಲೇ ಮಾಡಬಲ್ಲರು
• ಬ್ಯಾಟಿಂಗ್ ಹಾಗೂ ಬೌಲಿಂಗ್​ನಲ್ಲಿ ನೆರವು

ಸದ್ಯಕ್ಕಂತೂ ಆರ್​ಸಿಬಿ ಈ ಮೂವರನ್ನ ಟಾರ್ಗೆಟ್ ಮಾಡಿದೆ. ಹರಾಜಿನಲ್ಲಿ ಬಿಡ್​ ಮಾಡುವ ಕುರಿತ ಪಕ್ಕಾ ಸ್ಟ್ರಾಟಜಿ ರೂಪಿಸಿದೆ. ಹಾಗೊಂದು ವೇಳೆ ಆರ್​ಸಿಬಿ ಪ್ಲಾನ್ ವರ್ಕ್​ ಆಗಿದ್ದೆ ಆದ್ರೆ 2025ನೇ ಐಪಿಎಲ್​ನಲ್ಲಿ ಆರ್​ಸಿಬಿ ತಂಡದಲ್ಲಿ ಮೂವರು ಕರುನಾಡಿ ಕಲಿಗಳ ಬ್ಯಾಟಿಂಗ್ ಅಬ್ಬರವನ್ನ ಅನ್ನ ಕಣ್ತುಂಬಿಕೊಳ್ಳಬಹುದು.

ಇದನ್ನೂ ಓದಿ:ಕ್ರಿಕೆಟ್ ಜಗತ್ತಿಗೆ ಜಯ್ ಶಾ ಬಾಸ್.. ತೆರವಾದ BCCI ಕಾರ್ಯಾಧ್ಯಕ್ಷ ಸ್ಥಾನದ ರೇಸ್​​ನಲ್ಲಿ ಮೂವರು..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್