ಕರ್ಮ ಹಿಟ್ಸ್​​​ ಬ್ಯಾಕ್​​​​...ಮಾಡಿದುಣ್ಣೋ ಮಹಾರಾಯ

ಸ್ವೀಟ್ ಮ್ಯಾಂಗೋಬಾಯ್​​ಗೆ ಹಿಗ್ಗಾಮುಗ್ಗಾ ಜಾಡಿಸಿದ ಫ್ಯಾನ್ಸ್​​​..!

ಅಪ್ಘನ್ ಬೌಲರ್​​ಗೆ ಮುಂಬೈ ಪ್ಲೇಯರ್ಸ್​ ಕೊಟ್ರು 'ಪಂಚ್​​​'

ಇಲ್ಲದೇ ಇರುವೆ ಬಿಟ್ಟುಕೊಳ್ಳೋದು ಅಂದ್ರೆ ಇದೆ ಇರಬೇಕು. ನವೀನ್ ಉಲ್​​​ ಹಕ್​​ ತಾನಾಯ್ತು ತನ್ನ ಕೆಲಸ ಆಯ್ತು ಅಂತ ಸುಮ್ಮನಿದ್ದಿದ್ರೆ ಎಲ್ಲವೂ ಸರಿಯಾಗಿರೋದು. ಆದ್ರೆ ಪ್ಲೇ ಆಫ್​​​​ ಪ್ರವೇಶಿಸಿದ ಹುಮ್ಮಸ್ಸಿನಲ್ಲಿ ಈ ಮಹಾಶಯ ಆರ್​ಸಿಬಿಯನ್ನ ಅಣಿಕಿಸಿದ್ರು. ಈಗ ಯಾಕಾದ್ರು ಆರ್​ಸಿಬಿಯನ್ನ ಕೆಣಕಿದ್ನಪ್ಪ ಅಂತ ಪಶ್ವಾತ್ತಾಪ ಪಡ್ತಿದ್ದಾರೆ.

ಆಡು ಭಾಷೆಯಲ್ಲಿ ಹೇಳ್ತಾರಲ್ಲ, ನಗುವವರ ಮುಂದೆ ನಗ್ಗೇಡಿ ಆದ ಅನ್ನುವ ತರ. ಈ ಅಪ್ಘನ್ ಆಟಗಾರ ನವೀನ್​ ಉಲ್​ ಹಕ್​ ಈ ಸಲ ಆಡಿದ್ದು ಮೊದಲ ಐಪಿಎಲ್​​​. ಚೊಚ್ಚಲ ಆವೃತ್ತಿಯಲ್ಲಿ ರೈಟಿ ಬೌಲರ್​ ಪರ್ಫಾಮೆನ್ಸ್​ಗಿಂತ ಹೆಚ್ಚು ಸುದ್ದಿಯಾಗಿದ್ದು ಕಿರಿಕ್​​ ಮತ್ತು ಕಾಲೆಳೆಯೋದ್ರಿಂದಲೇ.

ಕರ್ಮ ಹಿಟ್ಸ್​​​ ಬ್ಯಾಕ್​​​​…ಮಾಡಿದುಣ್ಣೋ ಮಹಾರಾಯ

ಕರ್ಮ ಹಿಟ್ಸ್ ಬ್ಯಾಕ್ ಅನ್ನೋದು ಇದಕ್ಕೆ. ಹಿಂದೊಂದು ಕಾಲವಿತ್ತು. ನಾವು ಮಾಡಿದ್ದ ಪಾಪ ನಮ್ಮ ಮಕ್ಕಳಿಗೆ ತಟ್ಟುತ್ತೆ ಅಂತಿದ್ರು. ಆದ್ರೀಗ ಹಾಗಿಲ್ಲ. ನಾವು ಮಾಡಿದ್ದನ್ನ ನಾವು ಅನುಭವಿಸಬೇಕು. ಆ ವಿಚಾರದಲ್ಲಿ ನವೀನ್​​​ ಉಲ್ ಹಕ್​ ಮಾಡಿದ ಅತಿರೇಕದ ವರ್ತನೆಗೆ ತಕ್ಕ ಶಾಸ್ತಿಯಾಗಿದೆ.

ಅಬ್ಬಬ್ಬಾ, ಕೊಹ್ಲಿ ಜೊತೆಗಿನ ಕಿರಿಕ್ ಬಳಿಕ ನವೀನ್​​ ಉಲ್​​ ಹಕ್​​​ ಆರ್​ಸಿಬಿ ಬಗ್ಗೆ ಲೇವಡಿ ಮಾಡಿದ್ದೇ ಮಾಡಿದ್ದು. ಮಾತೆತ್ತಿದ್ರೆ ಕುಹಕ. ಸೋಷಿಯಲ್ ಮೀಡಿಯಾದಲ್ಲಿ ಹಾಕ್ತಿದ್ದ ಪ್ರತಿಪೋಸ್ಟ್​​ನಲ್ಲಿ ಕಿಂಗ್ ಕೊಹ್ಲಿಯನ್ನೇ ಟಾರ್ಗೆಟ್ ಮಾಡ್ತಿದ್ರು. ಬಿಟ್ರೆ ಆರ್​ಸಿಬಿ ಟೀಮ್​​​. ಆ ಮೂಲಕ ರೆಡ್ ಆರ್ಮಿಯನ್ನ  ಬಿಟ್ಟುಬಿಡದೇ ಕೆಣಕಿದ್ರು. ಈಗ ಆರ್​ಸಿಬಿ ಫ್ಯಾನ್ಸ್​ ಎಲ್ಲದಕ್ಕೂ ಲೆಕ್ಕ ಚುಕ್ತಾ ಮಾಡಿದ್ದಾರೆ.

ಸ್ವೀಟ್ ಮ್ಯಾಂಗೋಬಾಯ್​​ಗೆ ಹಿಗ್ಗಾಮುಗ್ಗಾ ಜಾಡಿಸಿದ ಫ್ಯಾನ್ಸ್​​​..!

ಉಪ್ಪು ತಿಂದವ ನೀರು ಕುಡಿಬೇಕು ಅಲ್ವಾ? ಹಾಗೇ ಪರ್ಸನಲಿ ಕಿಂಗ್ ಕೊಹ್ಲಿಯನ್ನ ಕೆಣಕಿ, ಸೋಷಿಯಲ್ ಮೀಡಿಯಾದಲ್ಲಿ ಹೀರೋ ಆಗಿದ್ದ ನವೀನ್​ ಉಲ್​​​​ ಹಕ್​​​ ಫುಲ್ ಈಗ ಫುಲ್ ಟ್ರೋಲ್ ಆಗ್ತಿದ್ದಾನೆ. ಎಲಿಮಿನೇಟರ್ ಮ್ಯಾಚ್​​ನಲ್ಲಿ ಲಕ್ನೋ ಮುಂಬೈ ವಿರುದ್ಧ ಸೋತಿದ್ದೇ ತಡ, ಆರ್​ಸಿಬಿ ಫ್ಯಾನ್ಸ್​​​ ಅಪ್ಘನ್​​ ಬೌಲರ್​​ಗೆ ಹಿಗ್ಗಾಮುಗ್ಗಾ ಜಾಡಿಸ್ತಿದ್ದಾರೆ. ಎಡಿಟೆಡ್​ ವಿಡಿಯೋಸ್​​​ ಮತ್ತು ಪೋಸ್ಟರ್​​​ಗಳನ್ನ ಹಾಕಿ ಸಖತ್ ಕೌಂಟರ್​​​ ಕೊಟ್ಟಿದ್ದಾರೆ.

ನೋಡಿದ್ರಾ ವೀಕ್ಷಕರೇ,,ಸ್ವೀಟ್​​​ ಮ್ಯಾಂಗೋ ಬಾಯ್​​​​​ಗೆ ಆರ್​ಸಿಬಿ ಫ್ಯಾನ್ಸ್​​​​ ಹೇಗೆಲ್ಲಾ ಖಾರವಾಗಿ ಕೌಂಟರ್ ಕೊಟ್ಟಿದ್ದಾರೆ ಅನ್ನೋದನ್ನ.ಇವುಗಳನ್ನೆನ್ನಾದ್ರು ಕಿರಿಕ್​​ಮ್ಯಾನ್​​​​ ನೋಡಿಬಿಟ್ರೆ ಯಾಕಾದ್ರು ವಿರಾಟ್ ಕೊಹ್ಲಿಯನ್ನ ಎದುರು ಹಾಕಿಕೊಂಡೇ  ಅಂತ ಮನಸ್ಸಲ್ಲಿ ಅನ್ನದಿರಲ್ಲ.

ಅಪ್ಘನ್ ಬೌಲರ್​​ಗೆ ಮುಂಬೈ ಪ್ಲೇಯರ್ಸ್​ ಕೊಟ್ರು ‘ಪಂಚ್​​​‘

ಆರ್​ಸಿಬಿ ತಂಡ ಮುಂಬೈ ವಿರುದ್ಧ ಸೋತ ಬೆನ್ನಲ್ಲೇ ನವೀನ್​​​​ ಮ್ಯಾಂಗೋ ಪೋಸ್ಟ್​​​​ವೊಂದನ್ನ ಹಾಕಿದ್ರು. ಅದ್ರಲ್ಲಿ ನಾನು ಈವರೆಗೆ ಇಂತಹ ಮ್ಯಾಂಗೋವನ್ನ ತಿಂದೇ ಇಲ್ಲ..ತುಂಬಾ ಸ್ವೀಟ್ ಆಗಿವೆ ಬರೆದುಕೊಂಡಿದ್ರು. ಆ ಮೂಲಕ ಆರ್​​​ಸಿಬಿ ಸೋಲನ್ನ ಸಂಭ್ರಮಿಸಿದ್ರು..ಈಗ ಇದೇ ಅವರಿಗೆ ತಿರುಗು ಬಾಣವಾಗಿದೆ. ಮುಂಬೈ ತಂಡ ಕ್ವಾಲಿಫಯರ್​​​-2ಗೆ  ಎಂಟ್ರಿಕೊಟ್ಟ ಬೆನ್ನಲ್ಲೇ ಸಂದೀಪ್ ವಾರಿಯರ್​​ ಈ ಸೀಸನ್​​​​ನ ಮಾವಿಹಣ್ಣು ಸ್ವೀಟಾಗಿದೆ ಎಂದು ನವೀನ್​ ಉಲ್​ ಹಕ್​​ಗೆ ಸಖತ್ತಾಗೆ ಟಾಂಗ್​ ಕೊಟ್ಟಿದ್ದಾರೆ.

ನವೀನ್ ಕಂಡಾಗಲೆಲ್ಲಾ ಕೊಹ್ಲಿ, ಕೊಹ್ಲಿ ಚಾಂಟ್ಸ್​​..!

ಯಾವಾಗ ನವೀನ್ ಉಲ್​​​ ಹಕ್​ ಕೊಹ್ಲಿಯನ್ನ ಕೆಣಕಿದ್ರೋ ಆಗಿನಿಂದಲೇ ಅಪ್ಘನ್​ ಬೌಲರ್​​​ಗೆ ಕೆಟ್ಟಕಾಲ ಶುರುವಾಗಿತ್ತು. ಕಿರಿಕ್ ಬೌಲರ್​ನನ್ನ ಕಂಡಾಗಗೆಲ್ಲಾ ಅಭಿಮಾನಿಗಳು ಕೊಹ್ಲಿ, ಕೊಹ್ಲಿ ಎಂದು ಚಾಂಟ್​ ಮಾಡ್ತಿದ್ರು..ಇದನ್ನೆಲ್ಲಾ ನೋಡಿ ಯಾಕಾದ್ರು ವಿಶ್ವದ ನಂ.1 ಬ್ಯಾಟ್ಸ್​​ಮನ್​​​​ನನ್ನ ಕೆಣಕಿದ್ವೋ ಅಂತ ಪಶ್ವಾತ್ತಾಪಪಟ್ಟಿರದೇ ಇರಲ್ಲ.

ಆರಂಭದಲ್ಲೇ ಹೇಳಿದಂತೆ ಇರಲಾರದೇ ಇರುವೆ ಬಿಟ್ಟುಕೊಂಡು ನವೀನ್​ ಉಲ್ ಹಕ್​​​ ಕಚ್ಚಿಸಿಕೊಂಡಿದ್ದಾರೆ..ಇನ್ನಾದ್ರು ಕಿಂಗ್ ಕೊಹ್ಲಿ ತಂಟೆಗೆ ಹೋಗುವ ಮುನ್ನ ಎಚ್ಚರವಾಗಿರಲಿ. ಇಲ್ಲವಾದ್ರೆ ಸ್ವೀಟ್​​ ಮ್ಯಾಂಗೋ ತಿನ್ನಬೇಕಾದವನು, ಖಾರದ ರುಚಿಯನ್ನೇ ನೋಡಬೇಕಾದೀತು..

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ