ಬೂಮ್ರಾ ಮುಂದಿರೋ ರಿಯಲ್ ಸವಾಲುಗಳೇನು ?

ಕ್ಯಾಂಪ್​ಗೆ ಎಂಟ್ರಿಕೊಟ್ಟ ಸ್ಟಾರ್ ವೇಗಿ ಬೂಮ್ರಾ

ಏಷ್ಯಾ ಕದನದಲ್ಲಿ ನಿರ್ಧಾರವಾಗಲಿದೆ ಭವಿಷ್ಯ

ಸ್ಟಾರ್ ವೇಗಿ ಜಸ್​ಪ್ರೀತ್ ಬೂಮ್ರಾ ಐರ್ಲೆಂಡ್​ ಸರಣಿಯಲ್ಲಿ ಕಮ್​ಬ್ಯಾಕ್​​ ಮಾಡಿದ್ರು ನಿಜ. ಆದ್ರೆ ಅಸಲಿ ಕಮ್​ಬ್ಯಾಕ್​ನ​​​ ಚಾಲೆಂಜ್​ ಇರೋದೇ ಈಗ. ಏಷ್ಯಾಕಪ್​​ ಬ್ಯಾಟಲ್​​ನಲ್ಲಿ ಡೆತ್ ಓವರ್ ಸ್ಪೆಷಲಿಸ್ಟ್​ಗೆ ರಿಯಲ್​​​ ಚಾಲೆಂಜ್​​ ಎದುರಾಗಿದೆ. ಅಷ್ಟಕ್ಕೂ ಬೂಮ್ರಾ ಯಾವೆಲ್ಲಾ ಸವಾಲಿನ ಚಕ್ರವ್ಯೂಹ ಬೇಧಿಸಬೇಕಿದೆ ಅನ್ನೋದರ ವಿವರ ಇಲ್ಲಿದೆ.

ತನ್ನ ಶರವೇಗದ ಅಸ್ತ್ರದಿಂದಲೇ ಬ್ಯಾಟ್ಸ್​​ಮನ್​ಗಳನ್ನ ಹೆಡೆಮುರಿ ಕಟ್ಟುವ ವೆರಿ ಶಾರ್ಪ್​ ಆ್ಯಂಡ್​​ ಡೇಂಜರಸ್ ವೆಪನ್​​​. ಕೊಂಚ ಯಾಮಾರಿದರೂ ಎದುರಾಳಿ ಪಡೆ ಈ ವೆಪನ್ ಮುಂದೆ ಉಡೀಸ್ ಆಗುತ್ತದೆ. ಇಂತಹ ವೆಪನ್​ ಈಗ ಟೀಮ್ ಇಂಡಿಯಾ ಸೇರಿಕೊಂಡಿದೆ. ಅಷ್ಟಕ್ಕೂ ಆ ಶಾರ್ಪ್​ ಆ್ಯಂಡ್​ ಡೆಡ್ಲಿ ವೆಪನ್​ ಮತ್ಯಾವುದು ಅಲ್ಲ, ಅವರೇ ಡೆತ್ ಓವರ್ ಪಂಟರ್​​ ಜಸ್​ಪ್ರೀತ್​ ಬೂಮ್ರಾ.

ಏಷ್ಯಾಕಪ್​ನಲ್ಲಿ ಬೂಮ್ರಾಗೆ ರಿಯಲ್​ ‘ಟೆಸ್ಟ್​’.!

ಬೆಂಗಳೂರಿನ ಆಲೂರಿನಲ್ಲಿ ನಡೀತಿರೋ ಕ್ಯಾಂಪ್​​ ಇನ್ನೆರಡು ದಿನ ಬಾಕಿ ಉಳಿದಿದೆ. ಇದಕ್ಕೂ ಮುನ್ನ ಮ್ಯಾಚ್ ವಿನ್ನರ್​ ಜಸ್​ಪ್ರೀತ್ ಬೂಮ್ರಾ ನಿನ್ನೆ ಟೀಮ್ ಇಂಡಿಯಾ ಕ್ಯಾಂಪ್​​ ಸೇರಿಕೊಂಡಿದ್ದಾರೆ. ಒಂದೆಡೆ ಬೂಮ್ರಾ ಎಂಟ್ರಿ ಸಂತೋಷದ ವಿಚಾರವಾದ್ರೂ ಏಷ್ಯಾಕಪ್​​ ಬೂಮ್ರಾ ಪಾಲಿಗೆ ಕಬ್ಬಿಣದ ಕಡಲೆಯಾಗಿದೆ. ಅಸಲಿಗೆ ಐರ್ಲೆಂಡ್​ ಟೂರ್​​​​​​ನಲ್ಲಿ ಕಮ್​ಬ್ಯಾಕ್ ಮಾಡಿದ್ರೂ ನಿಜವಾದ ರಿಯಲ್ ಟೆಸ್ಟ್​​​​ ಏಷ್ಯನ್ ದಂಗಲ್​​ನಲ್ಲಿ ಎದುರಾಗಲಿದೆ.

ಏಷ್ಯಾಕಪ್​​ನಲ್ಲಿ 10 ಓವರ್ ಬೌಲಿಂಗ್​

11 ತಿಂಗಳ ಬಳಿಕ ತಂಡಕ್ಕೆ ಕಮ್​ಬ್ಯಾಕ್ ಮಾಡಿದ ಬೂಮ್ರಾ ಐರ್ಲೆಂಡ್​ ವಿರುದ್ಧ ಕೇವಲ 48 ಎಸೆತ ಬೌಲಿಂಗ್ ಮಾಡಿದ್ರು. 2 ಟಿ20 ಪಂದ್ಯ ಸೇರಿ 4 ವಿಕೆಟ್ ಕಬಳಿಸಿದ್ರು. ಇಷ್ಟಕ್ಕೆ ಖುಷಿಪಡಬೇಕಿಲ್ಲ. ಯಾಕಂದ್ರೆ ಮುಂಬರೋ ಏಷ್ಯಾಕಪ್​​ನಲ್ಲಿ ಅವರು 10 ಓವರ್​ ಬೌಲಿಂಗ್ ಮಾಡಬೇಕಿದೆ. ವಿಥ್​ ರಿದಮ್​​ ಜೊತೆ. ಅಲ್ಲದೇ 50 ಓವರ್ ಫೀಲ್ಡಿಂಗ್​​ ಬೇರೆ. ಬೆನ್ನುನೋವಿನ ಸರ್ಜರಿ ಬಳಿಕ ತಂಡಕ್ಕೆ ಮರಳಿರೋ ಬೂಮ್ರಾ ಅಸಲಿ ಫಿಟ್ನೆಸ್​ ಹಕೀಕತ್ ಈ​ 50 ಓವರ್ ಗೇಮ್​​ನಲ್ಲಿ ತಿಳಿಯಲಿದೆ.

13 ತಿಂಗಳ ಬಳಿಕ ಏಕದಿನ ತಂಡಕ್ಕೆ ಕಮ್​ಬ್ಯಾಕ್​​

ಸ್ಟಾರ್ ವೇಗಿ ಕೊನೆ ಏಕದಿನ ಪಂದ್ಯ ಆಡಿದ್ದು ಜುಲೈ 2022ರಲ್ಲಿ. ಆ ಬಳಿಕ ಬ್ಯಾಕ್​​ ಇಂಜುರಿ ಆಗಿ ತಂಡದಿಂದ ಹೊರಬಿದ್ರು. ಬರೋಬ್ಬರಿ 13 ತಿಂಗಳ ಬಳಿಕ ಮತ್ತೆ ಒನ್ಡೇ ತಂಡಕ್ಕೆ ಎಂಟ್ರಿಕೊಟ್ಟಿದ್ದಾರೆ. ಮುಂಚೂಣಿ ಬೌಲರ್ ಆಗಿರೋ ಬೂಮ್ರಾ ಮೇಲೆ ಬೆಟ್ಟದಷ್ಟು ನಿರೀಕ್ಷೆಗಳಿವೆ. ಟೀಮ್ ಇಂಡಿಯಾ ಏಷ್ಯಾಕಪ್​​​ ಗೆಲ್ಲಬೇಕಾದ್ರೆ ಕೀ ಬೌಲರ್​ ನಿಂದ ಇಂಪ್ರೆಸ್ಸಿವ್ ಪರ್ಫಾಮೆನ್ಸ್​​​ ಮೂಡಿಬರಲೇಬೇಕಿದೆ.
ಬೂಮ್ರಾ ಹಳೇ ಖದರ್ ಸ್ಕಿಲ್​​​ ಏನು ಅನ್ನೋದು ಏಷ್ಯಾಕಪ್​ನಲ್ಲಿ ಗೊತ್ತಾಗಲಿದೆ. ಈ ಹಿಂದೆ ಡೆತ್ ಓವರ್ ಸ್ಪೆಷಲಿಸ್ಟ್​​ ಟೀಮ್ ಇಂಡಿಯಾದ ನಂಬಿಗಸ್ಥ ಬೌಲರ್​​ ಆಗಿದ್ದರು. ಎಂತಹ ಟಫ್​​​ ಸಿಚುವೇಶನ್​ನಲ್ಲೂ ದೃತಿಗೆಡದೇ ಪಂದ್ಯ ಗೆಲ್ಲಿಸಿಕೊಡಬಲ್ಲ ಕೆಪಾಸಿಟಿ ಇದೆ ಅನ್ನೋ ನಂಬಿಕೆ ಇತ್ತು. ಇಂಜುರಿ ಬಳಿಕ ತಂಡಕ್ಕೆ ಮರಳಿರೋ ಬೂಮ್ರಾ ಮತ್ತೆ ಅದೇ ರಿದಮ್​ನಲ್ಲಿ ಬೌಲಿಂಗ್ ನಡೆಸೋದು ನಿಜಕ್ಕೂ ಸವಾಲಿನ ಕೆಲಸ. ಇದರ ಜೊತೆ ಫಿಟ್ನೆಸ್​​ ಕೂಡ ಕಾಯ್ದುಕೊಳ್ಳಬೇಕಾದ ಒತ್ತಡ ಬೂಮ್ರಾ ಮೇಲಿದೆ.

ಏಷ್ಯಾಕಪ್ ಚಾಲೆಂಜ್ ಗೆದ್ದರೆ ವಿಶ್ವಕಪ್ ದಾರಿ ಸುಲಭ..!

ಬೂಮ್ರಾ ಮುಂದಿರೋದು ಜಸ್ಟ್​ ಒಂದೇ ಚಾನ್ಸ್​​. ಅದುವೇ ಏಷ್ಯಾಕಪ್​​. ಈ ಹೈ ಪ್ರೊಫೈಲ್ ಟೂರ್ನಿಯಲ್ಲಿ ಅಸಲಿ ತಾಕತ್ತು ಅನಾವರಣಗೊಳ್ಳಬೇಕು. ಫಿಟ್ನೆಸ್​ ಜೊತೆ ಫಾರ್ಮ್​ನಲ್ಲಿ ಮ್ಯಾಜಿಕ್ ಮಾಡೋದು ಅತ್ಯಗತ್ಯ. ಏಷ್ಯಾ ಸವಾಲು ಮೀರಿ ನಿಂತರಷ್ಟೇ ಏಕದಿನ ವಿಶ್ವಕಪ್​ ಹಾದಿ ಸುಲಭವಾಗಲಿದೆ.

ಒಟ್ಟಿನಲ್ಲಿ ಐರ್ಲೆಂಡ್​ ಟೂರ್​ನಲ್ಲಿ ಬುಮ್ರಾ 145 ಕಿ.ಮೀ ಸ್ಲೀಡ್​​ ಬೌಲಿಂಗ್​​ ಮಾಡಿದ್ದರು. ರೈಟ್​​​ ಲೈನ್​ ಅಂಡ್ ಲೆಂಥ್​​​​ ಮೂಲಕ ಎದುರಾಳಿ ಕಂಗೆಡಿಸಿದ್ದರು. ಆದರೆ ಅದು ಟಿ20 ಆಟ. ಈಗ ಆಡಬೇಕಿರೋದು ಏಕದಿನ ಪಂದ್ಯ. ಇಲ್ಲೂ ಕೂಡ ಬೂಮ್ರಾ ಇದೇ ಖದರ್ ಮುಂದುವರೆಸಿದ್ರೆ ಟೀಮ್​ ಇಂಡಿಯಾವನ್ನು ತಡೆಯೋದು ಉಳಿದವರಿಗೆ ಕಷ್ಟ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ