ತಂಡದಲ್ಲಿ ಯಾರು ಯಾರು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ..?

ತವರಿನಲ್ಲಿ ಭಾರತ-ಬಾಂಗ್ಲಾ ನಡುವೆ ನಡೆಯಲಿದೆ ಟಿ20 ಸರಣಿ

ರಿಂಕು ಸಿಂಗ್​ಗೆ ಟೆಸ್ಟ್​, ಏಕದಿನದಲ್ಲಿ ಯಾಕೆ ಚಾನ್ಸ್ ಸಿಗುತ್ತಿಲ್ಲ?

ಯಂಗ್​ಸ್ಟರ್ಸ್​ಗೆ ಟ್ಯಾಟೂ ಎಂದರೆ ಎಲ್ಲಿಲ್ಲದ ಪ್ರೀತಿ. ದೇಹದ ತುಂಬಾ ಟ್ಯಾಟೂ ಹಾಕಿಸಿಕೊಳ್ಳುವುದು ಈಗೀಗ ಯುವಕರಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ. ಇದು ಕ್ರಿಕೆಟ್​ ಕ್ಷೇತ್ರದಲ್ಲೂ ಗಾಡವಾಗಿ ಹಬ್ಬಿದ್ದು ವಿರಾಟ್​ ಕೊಹ್ಲಿ, ಕೆಎಲ್​ ರಾಹುಲ್, ಶಿಖರ್ ಧವನ್, ಶ್ರೇಯಸ್ ಅಯ್ಯರ್ ಸೇರಿದಂತೆ ಭಾರತದ ಆಟಗಾರರು ಟ್ಯಾಟೂಗಳನ್ನು ದೇಹದಲ್ಲೆಲ್ಲ ಹಾಕಿಸಿಕೊಂಡಿದ್ದಾರೆ. ಸದ್ಯ ಇದೀಗ ಇವರ ಸಾಲಿಗೆ ಮತ್ತೊಬ್ಬ ಕ್ರಿಕೆಟ್ ಪ್ಲೇಯರ್ ರಿಂಕು ಸಿಂಗ್ ಕೂಡ ಸೇರಿಕೊಂಡಿದ್ದಾರೆ.

ಇದನ್ನೂ ಓದಿ: KL ರಾಹುಲ್​​ 8 ವರ್ಷದಿಂದ ಸೆಂಚುರಿ ಸಿಡಿಸಿಲ್ವಾ..? ಕಾನ್ಪುರದ​ ಟೆಸ್ಟ್ ಮೇಲೆ ಕನ್ನಡಿಗನ ಭವಿಷ್ಯ!

ಭಾರತದ ಹಾಗೂ ಬಾಂಗ್ಲಾ ನಡುವಿನ ಟಿ20 ಸರಣಿಗೂ ಮೊದಲೇ ರಿಂಕು ಸಿಂಗ್ ಹೊಸ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಎಡಗೈ ಬ್ಯಾಟ್ಸ್​ಮ್ಯಾನ್ ಆಗಿರುವ ರಿಂಕು ಸಿಂಗ್ ತನ್ನ ಎಡಗೈ ಮೇಲೆ GOD’S PLAN (ದೇವರ ಯೋಜನೆ) ಎಂದು ಟ್ಯಾಟೂ ಇಳಿಸಿಕೊಂಡಿದ್ದಾರೆ. ಸದ್ಯ ಈ ಟ್ಯಾಟೂ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು ನೆಟ್ಟಿಗರು ಕಮೆಂಟ್ಸ್ ಮಾಡುತ್ತಿದ್ದಾರೆ.

ರಿಂಕು ಸಿಂಗ್ ಐಪಿಎಲ್​​ನಲ್ಲಿ ಕೋಲ್ಕತ್ತ ನೈಟ್​ ರೈಡರ್ಸ್ ತಂಡದಲ್ಲಿದ್ದು ಒಂದು ಓವರ್​​ನಲ್ಲಿ ಸತತ 5 ಸಿಕ್ಸರ್​ ಬಾರಿಸಿ ತಂಡವನ್ನು ಗೆಲ್ಲಿಸಿ ರಾತ್ರೋರಾತ್ರಿ ಖ್ಯಾತಿ ಪಡೆದವರು. ಏಕದಿನ ಹಾಗೂ ಟೆಸ್ಟ್​​ನಲ್ಲಿ ರಿಂಕುಗೆ ಕೆಲವೇ ಕೆಲವು ಅವಕಾಶಗಳು ಮಾತ್ರ ಸಿಕ್ಕಿದ್ದು ಒಮ್ಮೆಯೂ ರಿಂಕು ಟೆಸ್ಟ್​ಗೆ ಆಯ್ಕೆಯಾಗಿಲ್ಲ. ಇತ್ತೀಚೆಗೆ ನಡೆದ ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿ ಮತ್ತು ಬಾಂಗ್ಲಾ ವಿರುದ್ಧದ ಟೆಸ್ಟ್ ಸರಣಿಗೂ ಆಯ್ಕೆಯಾಗಿಲ್ಲ. ಇನ್ನು ಅಕ್ಟೋಬರ್​ 6ರಿಂದ ನಡೆಯುವ ಬಾಂಗ್ಲಾ ವಿರುದ್ಧದ ಟಿ20 ಸರಣಿಗೆ ರಿಂಕು ಸಿಂಗ್ ಆಯ್ಕೆ ಆಗುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಅಮ್ಮನ ಜೊತೆ ಭಾರೀ ಮೊತ್ತದ ಅಪಾರ್ಟ್​​ಮೆಂಟ್ ಖರೀದಿಸಿದ ಸ್ಟಾರ್ ಕ್ರಿಕೆಟರ್.. ಎಷ್ಟು ಕೋಟಿ?

Rinku Singh’s new Tattoo 🔥

God’s Plan💪 pic.twitter.com/1CkmnmqZBe

— Brendon Mishra 🇮🇳🔥 (@KKRKaFan) September 24, 2024

ಭಾರತ ತಂಡದಲ್ಲಿ 23 ಟಿ20 ಪಂದ್ಯಗಳನ್ನು ಆಡಿರುವ ಯುವ ಆಟಗಾರ ಒಟ್ಟು 418 ರನ್​ಗಳನ್ನು ಗಳಿಸಿದ್ದಾರೆ. ಸ್ಟ್ರೈಕ್​ರೇಟ್ 174.16 ಇದೆ. ಅಲ್ಲದೇ 2 ವಿಕೆಟ್​ಗಳನ್ನು ಪಡೆದಿದ್ದಾರೆ. ರಿಂಕು ಇದುವರೆಗೆ ಎರಡು ಏಕದಿನ ಪಂದ್ಯಗಳನ್ನು ಆಡಿದ್ದು ಕೇವಲ 55 ರನ್​ಗಳನ್ನು ಗಳಸಿ ಒಂದು ವಿಕೆಟ್ ಕಬಳಿಸಿದ್ದಾರೆ. ರಿಂಕು ಹಾಕಿಸಿಕೊಂಡಿರುವ GOD’S PLAN ಎಂಬುವುದು ಅವರ ಇತ್ತೀಚಿನ ಸಕ್ಸಸ್ ಅನ್ನು ತೋರಿಸುತ್ತದೆ ಎಂದು ಹೇಳಲಾಗುತ್ತದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ