ಬಹುನಿರೀಕ್ಷಿತ 2023ರ ಏಕದಿನ ವಿಶ್ವಕಪ್​​ ಟೂರ್ನಿ

ನವೆಂಬರ್​ 5ಕ್ಕೆ ಸೌತ್​ ಆಫ್ರಿಕಾ VS ಟೀಂ ಇಂಡಿಯಾ

ಅಂದು ಟೀಂ ಇಂಡಿಯಾದ ದಿಗ್ಗಜ ಕೊಹ್ಲಿ ಬರ್ತ್​ಡೇ!

ಸದ್ಯ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್‌ನಲ್ಲಿ ಟೀಮ್​ ಇಂಡಿಯಾ ಅದ್ಭುತ ಪ್ರದರ್ಶನ ನೀಡುತ್ತಿದೆ. ಬ್ಯಾಕ್​ ಟು ಬ್ಯಾಕ್​​​ 6ಕ್ಕೆ ಆರು ಪಂದ್ಯ ಗೆದ್ದು ಪಾಯಿಂಟ್ಸ್​ ಟೇಬಲ್​ನಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದೆ. ಭಾರತ ತಂಡದ ಈ ಪ್ರದರ್ಶನಕ್ಕೆ ಸ್ಟಾರ್​ ಬ್ಯಾಟರ್​​ ವಿರಾಟ್​​ ಕೊಹ್ಲಿ ಉತ್ತಮ ಫಾರ್ಮ್​ನಲ್ಲಿರೋದೇ ಕಾರಣ.

ಇನ್ನು, ವಿರಾಟ್​​ ಕೊಹ್ಲಿ 49ನೇ ಶತಕಕ್ಕಾಗಿ ಇಡೀ ಕ್ರೀಡಾ ಜಗತ್ತೇ ಕಾಯುತ್ತಿದೆ. ಕೊಹ್ಲಿ ಇನ್ನೊಂದು ಶತಕ ಸಿಡಿಸಿದ್ರೆ ಸಚಿನ್​ ದಾಖಲೆಯನ್ನು ಸರಿಗಟ್ಟಲಿದ್ದಾರೆ. ಸಾರ್ವಕಾಲಿಕ ವಿಶ್ವ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಏಕದಿನ ಶತಕ ದಾಖಲಿಸಿದ ಏಕೈಕ ಆಟಗಾರ ಎನಿಸಿಕೊಳ್ಳಲು ಕೊಹ್ಲಿಗೆ ಬೇಕಿರುವುದು ಇನ್ನೆರಡೇ ಸೆಂಚೂರಿ.

ನವೆಂಬರ್​ 5ನೇ ತಾರೀಕು ಕೊಹ್ಲಿ ಬರ್ತ್​ಡೇ. ಅಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ ಸ್ಟೇಡಿಯಮ್​ನಲ್ಲಿ ಸೌತ್​ ಆಫ್ರಿಕಾ ವಿರುದ್ಧ ಟೀಂ ಇಂಡಿಯಾ ಸೆಣಸಲಿದೆ. ಜನ್ಮದಿನದ ಪ್ರಯುಕ್ತ ಕೊಹ್ಲಿ 49ನೇ ಏಕದಿನ ಶತಕವನ್ನು ಗಳಿಸುತ್ತಾರೆ ಎಂದು ನಾನು ನಂಬಿದ್ದೇನೆ ಎಂದು ಪಾಕ್​ ಸ್ಟಾರ್​ ಕ್ರಿಕೆಟರ್​​ ಮೊಹಮ್ಮದ್ ರಿಜ್ವಾನ್ ಹೇಳಿದ್ದಾರೆ.

ಕೊಹ್ಲಿ ಅವರಿಗೆ ಜನ್ಮದಿನದ ಶುಭಾಶಯಗಳು. ಅಂದು ಕೊಹ್ಲಿಗೆ ಎಲ್ಲಾ ರೀತಿಯ ಶ್ರೇಷ್ಠತೆ ಸಿಗಲೆಂದು ಹಾರೈಸುತ್ತೇನೆ. ಅವರು ತಮ್ಮ 49ನೇ ಏಕದಿನ ಶತಕ ಗಳಿಸುತ್ತಾರೆ ಎಂದು ಭಾವಿಸುತ್ತೇನೆ. ಜತೆಗೆ ಈ ಟೂರ್ನಿಯಲ್ಲೇ ತಮ್ಮ 50ನೇ ಏಕದಿನ ಶತಕವನ್ನು ಕೂಡ ಬಾರಿಸಲಿದ್ದಾರೆ ಎಂದು ಬಯಸುತ್ತೇನೆ ಎಂದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ