BCCI, ಸೆಲೆಕ್ಟರ್ಸ್​​ ವಿರುದ್ಧ ತೊಡೆ ತಟ್ಟಿದ ರೋಹಿತ್

ವಿಂಡೀಸ್​​ ವಿರುದ್ಧ ಯಂಗ್​ಸ್ಟರ್​ಗಳ ಪ್ಲಾಫ್​ ಶೋ

ಟಿ20ಯಲ್ಲಿ ರೋಹಿತ್​-ಕೊಹ್ಲಿ ಸೂಪರ್ ಆಟ

ಟೀಮ್​ ಇಂಡಿಯಾ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಸೆಲೆಕ್ಟರ್ಸ್​ ಹಾಗೂ ಬಿಸಿಸಿಐ ವಿರುದ್ಧ ತೊಡೆ ತಟ್ಟಿದ್ದಾರೆ. ಸ್ಟ್ರೇಟ್​ ಹಿಟ್​ ಬಾರಿಸಿರೋ ಹಿಟ್​ಮ್ಯಾನ್​​, ಬಿಸಿಸಿಐ ಬಾಸ್​​ಗಳ ಆಟಕ್ಕೆ ಬಹಿರಂಗವಾಗಿ ಸವಾಲೆಸೆದಿದ್ದಾರೆ. ಕ್ಯಾಪ್ಟನ್​​ ರೋಹಿತ್​ ಆಡಿದ ಖಡಕ್​​ ಮಾತುಗಳ ಕಂಪ್ಲೀಟ್​​ ರಿಪೋರ್ಟ್​​​ ಇಲ್ಲಿದೆ

ಭಾರತೀಯ ಕ್ರಿಕೆಟ್​​ನಲ್ಲಿರೋ ಕಮ್ಯೂನಿಕೇಶನ್​​ನ ಗ್ಯಾಪ್​ ಮತ್ತೆ ಬಟಾಬಯಲಾಗಿದೆ. ಕ್ಯಾಪ್ಟನ್​ ರೋಹಿತ್​ ಶರ್ಮಾ ಒಂದು ಮಾತು ಹೇಳುತ್ತಿದ್ರೆ ಬಿಸಿಸಿಐ ಹಾಗೂ ಸೆಲೆಕ್ಟರ್ಸ್​ ವಲಯದ ಮಾತೇ ಬೇರೆಯಿದೆ. ಈ ತದ್ವಿರುದ್ಧ ಮಾತುಗಳು ಈಗ ಅಭಿಮಾನಿಗಳನ್ನ ಗೊಂದಲಕ್ಕೆ ತಳ್ಳಿವೆ.

ಏಕದಿನ ವಿಶ್ವಕಪ್​ ಟೂರ್ನಿಗೆ ಕೌಂಟ್​ಡೌನ್​ ಶುರುವಾಗಿದೆ. ಈಗಲೇ ಟೀಮ್​ ಇಂಡಿಯಾ ಗೊಂದಲ ಗೂಡಾಗಿದೆ. ಇದ್ರ ನಡುವೆ ರೋಹಿತ್​ ಶರ್ಮಾ ವರ್ಸಸ್ ಸೆಲೆಕ್ಟರ್ಸ್​ & ಬಿಸಿಸಿಐ ಬಾಸ್​ಗಳ ನಡುವೆ ಇದೇನಪ್ಪಾ ಹೊಸ ಸಮಸ್ಯೆ ಅನ್ಕೋಬೇಡಿ. ಇದು ಮುಂಬರೋ ಏಕದಿನ ವಿಶ್ವಕಪ್​ ವಿಚಾರವಲ್ಲ. 2024ರಲ್ಲಿ ನಡೆಯೋ ಟಿ20 ವಿಶ್ವಕಪ್​ ಕಾ ಬಾತ್​.

ಬಿಸಿಸಿಐ ಬಾಸ್​ಗಳಿಗೆ ಹಿಟ್​ಮ್ಯಾನ್​ ಸ್ಟ್ರೇಟ್​ಹಿಟ್

ಕಳೆದ ಟಿ20 ವಿಶ್ವಕಪ್​​ ಟೂರ್ನಿಯ ಹೀನಾಯ ನಿರ್ಗಮನದ ಬಳಿಕ ಟಫ್​ ಕಾಲ್​ ತೆಗೆದುಕೊಂಡಿರೋ ಬಿಸಿಸಿಐ ಬಾಸ್​ಗಳು, ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾರನ್ನ ಚುಟುಕು ಫಾರ್ಮೆಟ್​ನಿಂದ ಕೈಬಿಟ್ಟಿದ್ದಾರೆ. ಅಲ್ಲಿಂದ ಈವರೆಗೆ ಟಿ-20 ಸೆಟಪ್​ನಿಂದ ರೋಹಿತ್​, ಕೊಹ್ಲಿ ದೂರವಾಗಿದ್ದಾರೆ. ಭವಿಷ್ಯದಲ್ಲೂ ಇವರಿಬ್ಬರಿಗೆ ಟಿ20 ತಂಡದಲ್ಲಿ ಸ್ಥಾನ ಇಲ್ಲ ಅನ್ನೋದು ಬಿಸಿಸಿಐ ಹಾಗೂ ಸೆಲೆಕ್ಟರ್ಸ್​​ ವಲಯದ ನಿರ್ಧಾರ. ಈಗ ನೋಡಿದ್ರೆ ಅಗ್ರೆಸ್ಸಿವ್​ ಆಟವಾಡ್ತಿದ್ದ ಬಾಸ್​​ಗಳಿಗೆ ಹಿಟ್​​ಮ್ಯಾನ್​ ಸ್ಟ್ರೇಟ್​ ಹಿಟ್​ ಬಾರಿಸಿದ್ದಾರೆ.

2024ರ ಟಿ20 ವಿಶ್ವಕಪ್​ನಲ್ಲಿ ನಾನ್​ ಆಡ್ತೀನಿ

ವೆಸ್ಟ್​​ ಇಂಡೀಸ್​​ ಹಾಗೂ ಯುಎಸ್​ಎನಲ್ಲಿ 2024ರ ಟಿ20 ವಿಶ್ವಕಪ್​ ಟೂರ್ನಿ ನಡೆಯಲಿದೆ. ಯುಎಸ್​ಎ ಪ್ರವಾಸದಲ್ಲಿರೋ ರೋಹಿತ್​, ಮೆಗಾ ಟೂರ್ನಿ ನಡೆಯೋ ಜಾಗದಲ್ಲೇ ನಿಂತು ನಾನು ಟಿ20 ವಿಶ್ವಕಪ್​ ಆಡ್ತೀನಿ ಅನ್ನೋ ಮಾತನ್ನಾಡಿದ್ದಾರೆ. ಮುಂಬೈಕರ್​ ಅಮೆರಿಕಾದಲ್ಲಿ ಆಡಿರೋ ಈ ಮಾತು, ಬಿಸಿಸಿಐ ಲೆಕ್ಕಾಚಾರವನ್ನ ತಲೆಕೆಳಗಾಗಿಸಿದೆ.

ನಾನು ಎಂಜಾಯ್​ ಮಾಡ್ತಿದ್ದೀನಿ. ಇಲ್ಲಿಗೆ ಬರಲು ಮತ್ತೊಂದು ಕಾರಣವಿದೆ. ಯಾಕಂದ್ರೆ ವಿಶ್ವಕಪ್​ ಬರ್ತಿದೆ. ಜೂನ್​ನಲ್ಲಿ ಟಿ20 ವಿಶ್ವಕಪ್​ ನಡೆಯಲಿದೆ. ನನಗೆ ಗೊತ್ತು ಎಲ್ಲರೂ ಎಕ್ಸೈಟ್​ ಆಗಿದ್ದೀರಿ. ನಾವು ಅದನ್ನ ಎದುರು ನೋಡ್ತಾ ಇದ್ದೀವಿ-ರೋಹಿತ್ ಶರ್ಮಾ, ಟೀಂ ಇಂಡಿಯಾ ಕ್ಯಾಪ್ಟನ್

ವಿಂಡೀಸ್​​ ವಿರುದ್ಧ ಯಂಗ್​ಸ್ಟರ್​ಗಳ ಪ್ಲಾಫ್​ ಶೋ..!

ಸದ್ಯ ನಡೀತಿರೋ ವೆಸ್ಟ್​ ಇಂಡೀಸ್​ ವಿರುದ್ಧದ ಟಿ-20 ಸರಣಿಯಲ್ಲಿ ಬಿಸಿಸಿಐ ಹಾಗೂ ಸೆಲೆಕ್ಟರ್ಸ್​ ಪ್ಲಾನ್​ ಮಕಾಡೆ ಮಲಗಿದೆ. ಸೀನಿಯರ್ಸ್​ ಅಲಭ್ಯತೆಯಲ್ಲಿ ಯಂಗ್​​ಸ್ಟರ್ಸ್​​ ಪ್ಲಾಫ್​ ಶೋ ನೀಡ್ತಿದ್ದಾರೆ. ಮ್ಯಾಚ್​ ಸಿಚ್ಯವೇಶನ್​ ಅರ್ಥ ಮಾಡಿಕೊಳ್ಳದೆ ಬೇಜವಾಬ್ದಾರಿಯುತ ಶಾಟ್​ಗೆ ಕೈ ಹಾಕಿ ಫೇಲ್​ ಆಗ್ತಿದ್ದಾರೆ. ಇದನ್ನು ನೋಡಿದವರೆಲ್ಲರೂ ಸೀನಿಯರ್ಸ್​ ತಂಡಕ್ಕೆ ಬೇಕು ಎಂದೇ ಹೇಳ್ತಿದ್ದಾರೆ. ಈಗಲಾದ್ರೂ ಬಿಸಿಸಿಐ ಬಾಸ್​​ಗಳು ನಿರ್ಧಾರ ಬದಲಿಸಿಕೊಳ್ಳಬೇಕಿದೆ.

ಟಿ20 ಯಲ್ಲಿ ರೋಹಿತ್​-ಕೊಹ್ಲಿ ಸೂಪರ್ ಆಟ

ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಟಿ20 ಫಾರ್ಮೆಟ್​​ನ ಪರ್ಫೆಕ್ಟ್​ ಪ್ಲೇಯರ್ಸ್​ ಅನ್ನೋದನ್ನ ಇತಿಹಾಸವೇ ಹೇಳುತ್ತೆ. ಹಾಗಿದ್ರೂ ಬಿಸಿಸಿಐ ತೆಗೆದುಕೊಂಡ ನಿರ್ಧಾರ ನಿಜಕ್ಕೂ ಒಪ್ಪುವಂತದಲ್ಲ. ರೋಹಿತ್​ ಶರ್ಮಾ ಪಾರ್ಮ್​ ಸಮಸ್ಯೆ ಎದುರಿಸ್ತಿರಬಹದು. ಆದ್ರೆ ವಿರಾಟ್​ ಕೊಹ್ಲಿ ಚುಟುಕು ಫಾರ್ಮೆಟ್​ನಲ್ಲಿ ಸಾಲಿಡ್​ ಫಾರ್ಮ್​ನಲ್ಲಿದ್ದಾರೆ. ಟಿ-20 ವಿಶ್ವಕಪ್​ ಟೂರ್ನಿ ಹಾಗೂ ಐಪಿಎಲ್​ನಲ್ಲಿ ಕಿಂಗ್​ ಕೊಹ್ಲಿ ಧಮಾಕಾ ಸೃಷ್ಟಿಸಿದ್ರು. ಹಾಗಿದ್ರೂ ಬಿಸಿಸಿಐ ಟಿ20 ಫಾರ್ಮೆಟ್​ನಿಂದ ಹೊರಗಿಡೋ ನಿರ್ಧಾರ ಮಾಡಿರೋದು ನಿಜಕ್ಕೂ ವಿಪರ್ಯಾಸವೇ ಸರಿ.

2024ರ ವಿಶ್ವಕಪ್​ಗೆ ಈಗಲೇ ಸಿದ್ಧತೆ ಆರಂಭಿಸಿರೋ ಆಸ್ಟ್ರೇಲಿಯಾ ಅನುಭವಿ ಸ್ಟೀವ್​ ಸ್ಮಿತ್​ ಓಪನರ್​ ಆಗಿ ಆಡಿಸೋ ಸ್ಟ್ರಾಟರ್ಜಿ ಮಾಡ್ತಿದೆ. ಆದ್ರೆ ಟೀಮ್​ ಇಂಡಿಯಾದಲ್ಲಿ ಅನುಭವಿಗಳಿಗೆ ಕೊಕ್​​ ಕೊಡೋ ಪ್ಲಾನ್​ ನಡೆಯುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್