ಟೀಮ್​ ಇಂಡಿಯಾದ ಸ್ಟಾರ್​ ಕ್ರಿಕೆಟರ್​​ ಕನ್ನಡಿಗ ಕೆ.ಎಲ್​ ರಾಹುಲ್​ಗೆ ಮತ್ತೆ ಮೋಸ

ಐಪಿಎಲ್​ನಲ್ಲೂ ರಾಹುಲ್​ ಅವಕಾಶ ಕಿತ್ತುಕೊಂಡ ಕ್ಯಾಪ್ಟನ್​ ರೋಹಿತ್​ ಶರ್ಮಾ..!

ರಾಹುಲ್​ಗೆ ಪದೇ ಪದೇ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಅಡ್ಡಿಯಾಗುತ್ತಿರುವುದು ಏಕೆ?

ಇತ್ತೀಚೆಗಷ್ಟೇ ಲಕ್ನೋ ಸೂಪರ್​ ಜೈಂಟ್ಸ್​ ತಂಡದ ಮಾಲೀಕ ಸಂಜೀವ್​ ಗೋಯೆಂಕಾ ಅವರು ಕೆ.ಎಲ್​ ರಾಹುಲ್​ ಅವರನ್ನು ಭೇಟಿ ಮಾಡಿದ್ದಾಗಿ ಹೇಳಿದ್ರು. ಜತೆಗೆ ನಾನು ಕೆ.ಎಲ್​ ರಾಹುಲ್​ ಅವರನ್ನು ಭೇಟಿ ಮಾಡಿದ ವಿಚಾರ ಯಾಕಿಷ್ಟು ಚರ್ಚೆ ಆಗುತ್ತಿದೆ ಎಂದು ಗೊತ್ತಿಲ್ಲ. ನಾವು ಯಾವಾಗಲೂ ಸಿಗುತ್ತಲೇ ಇರುತ್ತೇವೆ. ಕೆ.ಎಲ್​ ರಾಹುಲ್​​ ನಮ್ಮ ಕುಟುಂಬದ ಸದಸ್ಯರು ಇದ್ದಂತೆ. ಹಾಗಾಗಿ ಅವರನ್ನು ಬಿಟ್ಟು ಕೊಡುವ ಮಾತೇ ಇಲ್ಲ ಎಂದಿದ್ದರು.

ಇದೇ ಸಂದರ್ಭದಲ್ಲಿ ಲಕ್ನೋ ತಂಡದ ಕ್ಯಾಪ್ಟನ್​​ ಯಾರು? ಯಾರನ್ನು ಖರೀದಿ ಮಾಡಬೇಕು? ಎಂಬ ನಿರ್ಧಾರ ಮಾಡಲು ಇನ್ನೂ ಸಮಯ ಇದೆ ಎನ್ನುವ ಅಚ್ಚರಿ ಹೇಳಿಕೆ ಕೊಟ್ಟಿದ್ದರು ಸಂಜೀವ್​​. ಈ ಮೂಲಕ ಕೆ.ಎಲ್​ ರಾಹುಲ್​​ ಮುಂದಿನ ಸೀಸನ್​ಗೆ ಕ್ಯಾಪ್ಟನ್​ ಅಲ್ಲ ಅನ್ನೋದು ಪರೋಕ್ಷವಾಗಿ ಕನ್ಫರ್ಮ್​​​ ಮಾಡಿದ್ರು. ಆದ್ರೆ, ಕೆ.ಎಲ್​ ರಾಹುಲ್​ ನಮ್ಮ ಕುಟುಂಬದ ಸದಸ್ಯರು ಎಂದು ಬೀಸೋ ದೊಣ್ಣೆಯಿಂದ ತಪ್ಪಿಸಿಕೊಂಡರು.

ಕನ್ನಡಿಗ ರಾಹುಲ್​ಗೆ ಶಾಕ್​ ಕೊಟ್ಟ ರೋಹಿತ್​​!

ಸದ್ಯ ಕೆ.ಎಲ್​ ರಾಹುಲ್​ಗಿಂತಲೂ ಒಳ್ಳೆಯ ನಾಯಕ ಲಕ್ನೋ ತಂಡಕ್ಕೆ ಸಿಕ್ಕಿದ್ದಾರೆ. ರೋಹಿತ್​ ಶರ್ಮಾ ಲಕ್ನೋ ತಂಡಕ್ಕೆ ಬರುವುದು ಬಹುತೇಕ ಖಚಿತವಾಗಿದೆ. ಹಾಗಾಗಿ ಮುಂಬೈ ಇಂಡಿಯನ್ಸ್​ ತಂಡ ತೊರೆದು ಜಹೀರ್​ ಖಾನ್​​ ಲಕ್ನೋ ತಂಡದ ಮೆಂಟರ್​ ಆಗಿದ್ದಾರೆ. ರೋಹಿತ್​ ಅವರೇ ಜಹೀರ್​ ಖಾನ್​ ಅವರನ್ನು ಲಕ್ನೋ ತಂಡಕ್ಕೆ ಕಳಿಸಿದ್ದು, ಇವರು ಕ್ಯಾಪ್ಟನ್​ ಆಗೋದು ಗ್ಯಾರಂಟಿ ಎಂದು ವರದಿಯಾಗಿದೆ. ಇದು ಕೆ.ಎಲ್​ ರಾಹುಲ್​ ಅವರಿಗೆ ಬಿಗ್​ ಶಾಕ್​​ ಆಗಿದೆ.

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​ ಸೀಸನ್​​ಗೆ ಭರ್ಜರಿ ತಯಾರಿ ನಡೆಯುತ್ತಿದೆ. 6 ತಿಂಗಳ ನಂತರ ನಡೆಯಲಿರೋ ಐಪಿಎಲ್​​ ಲೀಗ್​​​ ಈಗಿನಿಂದಲೇ ರೋಚಕತೆ ಹುಟ್ಟಿಸಿದೆ. ವರ್ಷದ ಕೊನೆಗೆ ಮೆಗಾ ಹರಾಜು ನಡೆಯಲಿದ್ದು, ಟೀಮ್ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಯಾವ ತಂಡಕ್ಕೆ ಸೇಲ್ ಆಗಲಿದ್ದಾರೆ ಅನ್ನೋ ಕುತೂಹಲ ಮನೆ ಮಾಡಿತ್ತು. ಇದಕ್ಕೆ ಉತ್ತರ ಕೊನೆಗೂ ಸಿಕ್ಕಿದ್ದು, ರೋಹಿತ್​ ಮೇಲೆ ಲಕ್ನೋ ಹದ್ದಿನ ಕಣ್ಣಿಟ್ಟಿದೆ.

ಇದನ್ನೂ ಓದಿ: KL ರಾಹುಲ್​​​ ಆರ್​​ಸಿಬಿ ಎಂಟ್ರಿಗೆ ಟ್ವಿಸ್ಟ್​​ ಮೇಲೆ ಟ್ವಿಸ್ಟ್​​; ದೊಡ್ಡ ಹಿಂಟ್​ ಕೊಟ್ಟ LSG ಮಾಲೀಕ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ