ವಿಶ್ವಕಪ್​ನಲ್ಲಿ ಹಳೇ ದಾಖಲೆಗಳಲ್ಲಿ ಪುಡಿಪುಡಿ

ನಿನ್ನೆ ಸ್ಮರಣೀಯ ದಾಖಲೆ ಬರೆದ ರೋಹಿತ್ ಶರ್ಮಾ

ಎಬಿಡಿ ಮಾಡಿದ್ದ ದಾಖಲೆ ಮುರಿಯಲು ಬೇಕಿದೆ ಒಂದೇ ಸಿಕ್ಸ್

ಈಡನ್​ ಗಾರ್ಡನ್​ನಲ್ಲಿ ನಿನ್ನೆ ನಡೆದ ಪಂದ್ಯದಲ್ಲಿ ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮಾ ಸ್ಮರಣೀಯ ದಾಖಲೆ ಬರೆದಿದ್ದಾರೆ. ಪಂದ್ಯದಲ್ಲಿ 2 ಸಿಕ್ಸರ್​ ಸಿಡಿಸಿದ ಹಿಟ್​ಮ್ಯಾನ್,​ ಈ ವರ್ಷದಲ್ಲಿ ಒಟ್ಟು 58 ಸಿಕ್ಸರ್​​ ಪೂರೈಸಿದರು.

ಈ ಮೂಲಕ ಬಹು ಕಾಲದಿಂದ ಎಬಿ ಡಿವಿಲಿಯರ್ಸ್​ ಹೆಸರಲ್ಲಿದ್ದ ದಾಖಲೆಯನ್ನ ಸರಿಗಟ್ಟಿದ್ರು. 2015ರಲ್ಲಿ ಎಬಿಡಿ 58 ಸಿಕ್ಸರ್​ಗಳನ್ನು ಬಾರಿಸಿ ತಮ್ಮ ಹೆಸರಲ್ಲಿ ದಾಖಲೆಗಳನ್ನು ಬರೆದುಕೊಂಡಿದ್ದರು. ರೋಹಿತ್​ ಈ ದಾಖಲೆ ಮುರಿದ ವೇಳೆ ಎಬಿಡಿ ಕೂಡ ಅದೇ ಮೈದಾನದಲ್ಲಿದ್ದಿದ್ದು ವಿಶೇಷ. ನಿನ್ನೆಯ ಪಂದ್ಯದಲ್ಲಿ ಎಬಿಡಿ ಕಾಮೆಂಟೆಟರ್​​ ಆಗಿ ಕಾರ್ಯ ನಿರ್ವಹಿಸಿದ್ದರು.

ಕ್ರಿಸ್ ಗೇಲ್ 2019ರಲ್ಲಿ ಏಕದಿನ ಪಂದ್ಯಗಳಲ್ಲಿ 56 ಸಿಕ್ಸರ್​ಗಳನ್ನು ಬಾರಿಸಿ ಆ ವರ್ಷದ ಕ್ಯಾಲೆಂಡರ್​ನಲ್ಲಿ ತಮ್ಮ ಹೆಸರನ್ನು ಅಧಿಕೃತಗೊಳಿಸಿದ್ದರು. ಶಾಹಿದ್ ಅಫ್ರಿದಿ 2002ರಲ್ಲಿ 48 ಸಿಕ್ಸರ್​ಗಳನ್ನು ಬಾರಿಸುವ ಮೂಲಕ ಪಾಕಿಸ್ತಾನದ ಶಾಹಿದ್ ಅಫ್ರಿದಿ ಈ ಸಾಧನೆ ಮಾಡಿದ್ದರು. ವಿಶೇಷ ಅಂದರೆ 2023ರಲ್ಲಿ ಯುಎಇ ಆಟಗಾರ ಮೊಹ್ಮದ್ ವಾಸೀಮ್ ಕೂಡ 47 ಸಿಕ್ಸರ್​ಗಳನ್ನು ಬಾರಿಸಿ ಗಮನ ಸೆಳೆದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ