ದೈತ್ಯ ಕ್ರಿಸ್ ಗೇಲ್​​ಗೆ ಪಂಚ್​​​​ ಕೊಡಲು ಹಿಟ್​ಮ್ಯಾನ್​ ರೆಡಿ

ಏಷ್ಯಾಕಪ್​​ನಲ್ಲಿ ನನಸಾಗುತ್ತಾ ಮುಂಬೈಕರ್​ ಮಹಾದಾಸೆ..?

ರೋಹಿತ್​ ಕಣ್ಣಿಟ್ಟಿರೋ ಆ ಬಿಗ್​ ರೆಕಾರ್ಡ್​ ಯಾವುದು..?

ದಾಖಲೆಗಳ ವಿಚಾರದಲ್ಲಿ ರೋಹಿತ್ ಶರ್ಮಾ ಒಂದೇ ಹೆಜ್ಜೆ ಮುಂದೆ ಇರ್ತಾರೆ. ಲೆಕ್ಕವಿಲ್ಲದಷ್ಟು ರೆಕಾರ್ಡ್ಸ್ ಹಿಟ್​​ಮ್ಯಾನ್ ಹೆಸರಿನಲ್ಲಿವೆ. ಇಷ್ಟಾದ್ರು ರೋಹಿತ್​​ಗೆ ದಾಖಲೆಗಳ ಮೇಲಿನ ದಾಹ ಮಾತ್ರ ಕಮ್ಮಿ ಆಗಿಲ್ಲ. ಈಗ ಯಾರೂ ಮಾಡಿರದ ವಿಶ್ವ ದಾಖಲೆ ಮೇಲೆ ಕಣ್ಣಿಟ್ಟಿದ್ದಾರೆ.

ರೋಹಿತ್ ಶರ್ಮಾ..! ಆಟದ ವಿಚಾರಕ್ಕೆ ಹಿಟ್​ಮ್ಯಾನ್ ವೆರಿ ಡೇಂಜರಸ್​​. ಅಂದೆಂಥಾ ಬೌಲರ್ ಆಗಿರಲಿ, ಕಂಡೀಷನ್ ಯಾವುದೇ ಆಗಿರಲಿ. ರೋಹಿತ್ ರೋರಿಂಗ್ ನಡೆಯೊದು ಪಕ್ಕಾ. ಒಟ್ಟಾರೆ 446 ಪಂದ್ಯ, 17,452 ರನ್​​​​​​ ಮುಂಬೈಕರ್​ ಆರ್ಭಟಕ್ಕೆ ಹಿಡಿದ ಕೈಗನ್ನಡಿ. ಸಾಲದೆಂಬಂತೆ 3 ವಿಶ್ವದಾಖಲೆಯ ದ್ವಿಶತಕ. ಲೆಕ್ಕವಿಲ್ಲದಷ್ಟು ದಾಖಲೆ. ಓರ್ವ ಸಕ್ಸಸ್​​ಫುಲ್​​ ಕ್ರಿಕೆಟರ್​​ಗೆ ಇದಕ್ಕಿಂತಾ ಇನ್ನೇನು ಬೇಕು ಹೇಳಿ? ಆದ್ರೆ, ಇಷ್ಟೆಲ್ಲಾ ಸಾಧಿಸಿ ಜಗಮಗಿಸಿದ್ರು, ರೋಹಿತ್​ರಲ್ಲಿ ಸಾಧನೆ ಹಸಿವು ಮಾತ್ರ ಇನ್ನೂ ಕಮ್ಮಿಯಾಗಿಲ್ಲ. ಆ ಒಂದು ವಿಶ್ವದಾಖಲೆಗಾಗಿ ಮುಂಬೈಕರ್​ ಮನಸು ಈಗಲೂ ಹಪಾಹಪಿಸ್ತಿದೆ.

‘ಸಿಕ್ಸರ್ ಕಿಂಗ್’​ ಪಟ್ಟದ ಮೇಲೆ ರೋಹಿತ್ ಕಣ್ಣು..!

ಸಿಕ್ಸ್​​​.. ಈ ಪದ ಕೇಳಿದ್ರೆ ಸಾಕು ದೈತ್ಯ ಕ್ರಿಸ್​​ಗೇಲ್​​ ಥಟ್ಟನೇ ನೆನಪಾಗ್ತಾರೆ. ಸಿಕ್ಸ್ ಬಾರಿಸೋ ವಿಚಾರಕ್ಕೆ ಬಂದ್ರೆ ಯೂನಿವರ್ಸಲ್​​​ ಬಾಸ್​​​ರನ್ನ ಮೀರಿಸೋರೆ ಇಲ್ಲ. ಡೆಡ್ಲಿ ಬ್ಯಾಟರ್​​​​​ನಿಂದ ಸಿಡಿಯುವ ಸಿಕ್ಸ್​​ಗಾಗಿಯೇ ಅಭಿಮಾನಿಗಳ​​ ಸಮೂಹವೇ ಹುಟ್ಟಿಕೊಂಡಿತ್ತು. ನಿಜಕ್ಕೂ ಗೇಲ್,​ ಜಂಟಲ್​​ಮ್ಯಾನ್​ ಗೇಮನ್​​ನ ರಿಯಲ್​ ಸಿಕ್ಸರ್​​​ ಪಂಟರ್​.!

ಈಗ ಈ ಸಿಕ್ಸರ್​​ ಸುಲ್ತಾನ್​​​ಗೆ ಮಾಂಜ ಕೊಡಲು ಡಬಲ್​ ಸೆಂಚುರಿ ಸ್ಪೆಶಲಿಸ್ಟ್​ ರೋಹಿತ್ ಸಜ್ಜಾಗಿದ್ದಾರೆ. ಸಿಕ್ಸರ್​ಗೇ ನಾನೇ ರಾಜ, ನನ್ನನ್ನ ಓಟರ್​​ ಟೇಕ್ ಮಾಡೋರೆ ಇಲ್ಲ ಅಂತ ಬೀಗ್ತಿದ್ದ ಗೇಲ್​ ಸಿಕ್ಸ್​ ಸಾಮ್ರಾಜ್ಯ ಸದ್ಯದಲ್ಲೇ ಪತನವಾಗೋದು ಗ್ಯಾರಂಟಿ. ಲೆಜೆಂಡ್ರಿ ರೋಹಿತ್​​​, ಗೇಲ್​ ಟೆರಿಟರಿಯನ್ನ ಕಬ್ಜಾ ಮಾಡಲು ಹೊರಟಿದ್ದಾರೆ.

14 ಸಿಕ್ಸ್​​ ಸಿಡಿಸಿದ್ರೆ ರೋಹಿತ್​ ‘ಸಿಕ್ಸರ್ ಕಿಂಗ್’

ಮನಮೋಹಕ ಸಿಕ್ಸ್ ಸಿಡಿಸೋದಕ್ಕೆ ಹೆಸರುವಾಸಿಯಾದ ರೋಹಿತ್ ಈಗ ವಿಶ್ವದಾಖಲೆಯ ಸನಿಹದಲ್ಲಿದ್ದಾರೆ. ಇನ್ನೂ ಜಸ್ಟ್​ 14 ಸಿಕ್ಸರ್​ ಹೊಡೆದು ಬಿಟ್ರೆ ಮೂರು ಮಾದರಿಯಲ್ಲಿ ಅತಿ ಹೆಚ್ಚು ಸಿಕ್ಸರ್​​ ಹೊಡೆದ ವಿಶ್ವದ ಮೊದಲಿಗ ಅನ್ನಿಸಿಕೊಳ್ಳಲಿದ್ದಾರೆ. ಡಬಲ್​ ಸೆಂಚುರಿ ಸ್ಪೆಷಲಿಸ್ಟ್​​ ಜೊತೆ ಸಿಕ್ಸರ್ ಕಿಂಗ್ ಅನ್ನೋ ಪಟ್ಟವೂ ರೋಹಿತ್​ಗೆ ದಕ್ಕಲಿದೆ.

ಮಾದರಿಯಲ್ಲಿ ಅತಿ ಹೆಚ್ಚು ಸಿಕ್ಸರ್

ವೈಸ್ ​​​ಇಂಡೀಸ್​​ ತಂಡದ ಕ್ರಿಸ್ ಗೇಲ್ ಮೂರು ಮಾದರಿ ಕ್ರಿಕೆಟ್​ನಲ್ಲಿ ಆಡಿದ 483 ಪಂದ್ಯಗಳಿಂದ 553 ಸಿಕ್ಸ್ ಸಿಡಿಸಿ ಅಗ್ರಸ್ಥಾನದಲ್ಲಿದ್ದಾರೆ. ಇನ್ನು ರೋಹಿತ್ ಶರ್ಮಾ 446 ಪಂದ್ಯಗಳಿಂದ 539 ಸಿಕ್ಸ್​ ಬಾರಿಸಿ ಗೇಲ್​ ನಂತರದ ಸ್ಥಾನದಲ್ಲಿದ್ದಾರೆ.

ಏಷ್ಯಾಕಪ್ ನಲ್ಲೇ ಸಿಕ್ಸರ್​ ಕಿಂಗ್​ ಪಟ್ಟ ಒಲಿಯುತ್ತಾ..?

ಏಷ್ಯಾಕಪ್​​​​​ ಸೂಪರ್​​​​-4 ಹಂತಕ್ಕೆ ಪ್ರವೇಶಿಸಿರೋ ಭಾರತ ತಂಡ 3 ಪಂದ್ಯಗಳನ್ನ ಆಡಲಿದೆ. ಒಂದು ವೇಳೆ ಫೈನಲ್ ಆಡಿದ್ರೆ ಆ ಸಂಖ್ಯೆ 4ಕ್ಕೇರಲಿದೆ. ರೋಹಿತ್​ ಮನಸ್ಸು ಮಾಡಿದ್ರೆ, ಏಷ್ಯಾಕಪ್​​ನಲ್ಲಿ 14 ಸಿಕ್ಸ್ ಸಿಡಿಸಿ ಸಿಕ್ಸರ್​​ ರಾಜ ಅನ್ನಿಸಿಕೊಳ್ಳಬಹುದು. ಒಂದು ವೇಳೆ ಆಗದಿದ್ರೆ ಆಸಿಸ್ ವಿರುದ್ಧ ಏಕದಿನ ಸರಣಿಯಲ್ಲಿ ಈ ಸಾಧನೆ ನಿರ್ಮಿಸುವ ನಿರೀಕ್ಷೆ ಇದೆ.

ಯುನಿಕ್ ಸಾಧನೆಗೆ ದ್ವಿಶತಕ ಸರದಾರ ಉತ್ಸುಕ

ಇನ್ನು ಗೇಲ್ ದಾಖಲೆ ಮುರಿಯುವ ಸನಿಹದಲ್ಲಿರೋ ರೋಹಿತ್​ ಶರ್ಮಾ ಆ ಬಗ್ಗೆ ಉತ್ಸುಕ ರಾಗಿದ್ದಾರೆ. ಇಷ್ಟೇ ಅಲ್ಲ.. ನಿಜಕ್ಕೂ ಇದೊಂದು ವಿಭಿನ್ನ ರೆಕಾರ್ಡ್​ ಆಗಿರಲಿದೆ ಎಂದು ಹೇಳಿಕೊಂಡಿದ್ದಾರೆ.

ಇದೊಂದು ವಿಭಿನ್ನ ರೆಕಾರ್ಡ್​ ಆಗಿರಲಿದೆ. ಯಾಕಂದ್ರೆ ನಾನು ಕ್ರಿಸ್ ಗೇಲ್​ರ ಸಿಕ್ಸ್​ ರೆಕಾರ್ಡ್​ ಮುರಿಯುತ್ತೇನೆ ಎಂದು ಕನಸಲ್ಲೂ ಯೋಚಿಸಿರಲಿಲ್ಲ. ನಿಜಕ್ಕೂ ಇದು ಫನ್ನಿಯಾಗಿರಲಿದೆ ಎಂದರು ರೋಹಿತ್​ ಶರ್ಮಾ.

ಇನ್ನು ಗೇಲ್​ ತೋಳ್ಬಲ ತಾಕತ್ತಿನಿಂದಲೇ ಮನಮೋಹಕ ಸಿಕ್ಸರ್ ಸಿಡಿಸುತ್ತಿದ್ದರು. ಆದ್ರೆ ಹಿಟ್​ಮ್ಯಾನ್​​ಗೆ ಸ್ಟ್ರಾಂಗ್​​ ಮಸಲ್​​​ ಇಲ್ಲ. ಆದರೂ ಇದು ಸಾಧ್ಯವಾಗಿದ್ದೇಗೆ ಅನ್ನೊದನ್ನ ಹಿಟ್​ಮ್ಯಾನ್​ ಬಾಯಲ್ಲೆ ಕೇಳಿ.

ನಾನು ಬಲಿಷ್ಠ ತೋಳುಗಳನ್ನ ಹೊಂದಿಲ್ಲ. ಆದರೆ ಬಾಲ್​​ ನೋಡಿ ಹೊಡೆಯಲು ಇಷ್ಟಪಡುತ್ತೇನೆ. ಕ್ರಿಕೆಟ್ ಆರಂಭದಲ್ಲಿ ನನ್ನ ಕೋಚ್​​​ ಸಮಯ ತುಂಬಾ ಮಹತ್ವ ಎಂದು ಹೇಳುತ್ತಿದ್ದರು. ಅದನ್ನ ಫಾಲೋ ಮಾಡಿದೆ ಎಂದರು ರೋಹಿತ್​​.

ಎನಿವೇ ಹಿಟ್​ಮ್ಯಾನ್​ ರೋಹಿತ್​ ಸದ್ಯ ಯುನಿಕ್​ ರೆಕಾರ್ಡ್​ ಸನಿಹದಲ್ಲಿದ್ದಾರೆ. ಕೆಲವೇ ದಿನಗಳಲ್ಲಿ ಆ ದಾಖಲೆಯನ್ನ ಕಬ್ಜಾ ಮಾಡೋದ್ರಲ್ಲೂ ಯಾವುದೆ ಅನುಮಾನವೇ ಬೇಡ. ಆದಷ್ಟು ಬೇಗನೆ 14 ಸಿಕ್ಸರ್ ಸಿಡಿಸಲಿ. ವಿಶ್ವ ಕ್ರಿಕೆಟ್​​ನ ಸಿಕ್ಸರ್ ಕಿಂಗ್ ಆಗಿ ಮೆರೆದಾಡುವಂತಾಗಲಿ ಅನ್ನೋದೆ ಅಭಿಮಾನಿಗಳ ಆಶಯ.