ವಿರಾಟ್ ನಾಯಕತ್ವದಲ್ಲಿ ದ್ವಿಪಕ್ಷೀಯ ಸರಣಿಗಳಲ್ಲಿ ಗೆಲುವು

ಮತ್ತೆ ಮತ್ತೆ ಗೆಲುವಿನ ರುಚಿ ಬಯಸೋದು ರೋಹಿತ್​ ಅಭ್ಯಾಸ

ಟ್ರೋಫಿ ಗೆಲ್ಲದ ಮುಂಬೈಗೆ​ ಕಪ್ ತಂದುಕೊಟ್ಟಿದ್ದ ರೋಹಿತ್

ಟೀಮ್ ಇಂಡಿಯಾ ಟಿ20 ವಿಶ್ವಕಪ್​​ ಕಿರೀಟಕ್ಕೆ ಮುತ್ತಿಟ್ಟು 2 ತಿಂಗಳು ಮುಗೀತಾ ಬರ್ತಿದೆ. ಈ 2 ತಿಂಗಳು ತುಂಬುತ್ತಿರುವ ಸಮಯದಲ್ಲೇ ರೋಹಿತ್ ಶರ್ಮಾ, ತನ್ನ ನೆಕ್ಸ್ಟ್​ ಟಾರ್ಗೆಟ್ ಫಿಕ್ಸ್​ ಮಾಡಿದ್ದಾರೆ. ರೋಹಿತ್​ ಶರ್ಮಾ ಕೊಟ್ಟಿರೋ ಓಪನ್​ ಸ್ಟೇಟ್​ಮೆಂಟ್​​ ಎದುರಾಳಿಗಳಿಗೆಲ್ಲಾ ನಡುಕ ಹುಟ್ಟುವಂತೆ ಮಾಡಿದೆ. ರೋಹಿತ್ ಶರ್ಮಾ ಕೊಟ್ಟ ವಾರ್ನಿಂಗ್​ ಏನು?.

ಭಾರತೀಯ ಫ್ಯಾನ್ಸ್​ ರೋಹಿತ್ ಶರ್ಮಾ ಭರವಸೆ

2024 ಜೂನ್ 29.. 17 ವರ್ಷಗಳ ಬಳಿಕ ಟೀಮ್ ಇಂಡಿಯಾ ವಿಶ್ವ ಟಿ20 ಕಿರೀಟಕ್ಕೆ ಮುತ್ತಿಟ್ಟ ದಿನ. ಕೋಟ್ಯಾಂತರ ಭಾರತೀಯರ ಕನಸು ನನಸಾದ ದಿನ. ಇಡೀ ಭಾರತ ಹರ್ಷೋದ್ಗಾರದಲ್ಲಿ ಮಿಂದೆದ ದಿನ. ಆ ದಿನ ಅಂತ್ಯ ಕಂಡು 2 ತಿಂಗಳುಗಳು ಮುಗೀತಾ ಬರ್ತಿದೆ. ಇದೇ ಹೊತ್ತಲ್ಲೇ ಟೀಮ್ ಇಂಡಿಯಾದ ಮಿಷನ್ 2025 ಶುರುವಾಗಿದೆ.

ಇದನ್ನೂ ಓದಿ: IPS ಅಧಿಕಾರಿಗೆ ಸಂಬಳ ಎಷ್ಟು.. ಯಾವ ಪೋಸ್ಟ್​​ಗೆ ಹೆಚ್ಚು ಸ್ಯಾಲರಿ ನೀಡುತ್ತೆ ಸರ್ಕಾರ?

2024ರ ಟಿ20 ವಿಶ್ವಕಪ್ ಮಿಷನ್​ನ ಸಕ್ಸಸ್​ಫುಲ್ ಆಗಿ ಮುಗಿಸಿರೋ ರೋಹಿತ್, ಈಗ ಮುಂಬರೋ 2 ಐಸಿಸಿ ಟ್ರೋಫಿಗಳ ಮೇಲೆ ಕಣ್ಣಿಟ್ಟಿದ್ದಾರೆ. ಮುಂದಿನ 9 ತಿಂಗಳಲ್ಲಿ ಆ 2 ಟ್ರೋಫಿ ಗೆಲ್ಲೋ ಮಹಾ ಶಪಥ ಮಾಡಿದ್ದಾರೆ. ಇದೇ ಶಪಥ ಎದುರಾಳಿ ತಂಡಗಳಲ್ಲಿ ನಡುಕ ಹುಟ್ಟಿಸಿದೆ.

T20 ವಿಶ್ವಕಪ್​​ ಗೆದ್ದಾಯ್ತು.. ಇನ್ನು ರೋಹಿತ್​ನ ತಡೆಯೋಕೆ ಆಗಲ್ಲ.!

ಟೀಮ್ ಇಂಡಿಯಾಗೆ ಟಿ20 ವಿಶ್ವಕಪ್​ ಗೆದ್ದುಕೊಟ್ಟ ರೋಹಿತ್​​ ಶರ್ಮಾ ಇನ್ಮುಂದೆ ಯಾರೂ ತಡೆಯೋಕೆ ಆಗಲ್ಲ. ಇನ್ನೇನಿದ್ದರೂ ರೋಹಿತ್ ನಡೆದಿದ್ದೇ ದಾರಿ. ಯಾಕಂದ್ರೆ ಒಂದು ಬಾರಿ ಗೆಲುವಿನ ರುಚಿ ಕಂಡ್ರೆ, ರೋಹಿತ್​ ಮತ್ತೆ ಮತ್ತೆ ಗೆಲುವನ್ನೇ ಬಯಸೋದು. ಇದಕ್ಕೆ ಬೆಸ್ಟ್​​ ಎಕ್ಸಾಂಪಲ್ ಐಪಿಎಲ್. ರೋಹಿತ್ ನಾಯಕತ್ವದ ಪಟ್ಟಕ್ಕೇರುವ ತನಕ ಒಂದೇ ಒಂದು ಟ್ರೋಫಿ ಗೆಲ್ಲದ ಮುಂಬೈ, ರೋಹಿತ್ ನಾಯಕತ್ವದಲ್ಲಿ ಬರೋಬ್ಬರಿ 5 ಟ್ರೋಫಿಗಳಿಗೆ ಮುತ್ತಿಟ್ಟಿತ್ತು. ಇದೀಗ ಭಾರತ ತಂಡವೂ ಅಷ್ಟೇ ಹಲವು ಕಪ್​ ಗೆಲ್ಲುತ್ತೆ ಅಂತಾ ಭವಿಷ್ಯ ನುಡಿದಿದ್ದಾರೆ ರೋಹಿತ್.

ಗೆಲುವಿನ ರುಚಿ ನಿಲ್ಲಿಸಲ್ಲ.!

ನಾನು 5 ಐಪಿಎಲ್ ಟ್ರೋಫಿ ಗೆದ್ದಿರುವುದಕ್ಕೆ ಕಾರಣವಿದೆ. ಒಮ್ಮೆ ಪಂದ್ಯಗಳನ್ನ ಗೆಲ್ಲುವ ಅಥವಾ ಕಪ್​ ಗೆಲ್ಲವ ರುಚಿಯನ್ನ ಕಂಡರೆ ಅದನ್ನ ನಿಲ್ಲಿಸಲು ಸಾಧ್ಯವಿಲ್ಲ. ತಂಡವಾಗಿ ಗೆಲುವಿಗಾಗಿ ಮುನ್ನುಗ್ಗುತ್ತಲೇ ಇರುತ್ತೇವೆ. ನಾವು ಭವಿಷ್ಯದಲ್ಲಿ ಉತ್ತಮ ವಿಷಯಗಳಿಗಾಗಿ ಪ್ರಯತ್ನಿಸುತ್ತಲೇ ಇರುತ್ತೇವೆ.

ರೋಹಿತ್ ಶರ್ಮಾ, ಟೀಮ್ ಇಂಡಿಯಾ ನಾಯಕ

ಐಪಿಎಲ್​ನಲ್ಲಿ ಗೆದ್ದಿರಬಹುದು ಹಾಗಂತ ಐಪಿಎಲ್​​ಗೂ ಟೀಮ್ ಇಂಡಿಯಾಗೂ ಒಂದೇನಾ ಅನ್ನೋ ಪ್ರಶ್ನೆ ಸಹಜವಾಗೇ ಮೂಡುತ್ತೆ. ಆದ್ರೆ, ಟೀಮ್ ಇಂಡಿಯಾ ಮುಂದಿನ 2 ಐಸಿಸಿ ಟ್ರೋಫಿಗಳಲ್ಲಿ ಗೆಲ್ಲೋ ಚಾನ್ಸ್​ ಅತಿ ಹೆಚ್ಚಿದೆ. ರೋಹಿತ್​ ನಾಯಕತ್ವದಲ್ಲಿ ಟೀಮ್ ಇಂಡಿಯಾ ಅಷ್ಟು ಪಕ್ವವಾಗಿ ರೂಪುಗೊಂಡಿದೆ.

ಇದನ್ನೂ ಓದಿ: ಟೀಮ್ ಇಂಡಿಯಾ ವಿಕೆಟ್​ ಕೀಪರ್ ಸ್ಲಾಟ್​ಗೆ ಬಿಗ್ ಫೈಟ್.. ಬೆಸ್ಟ್​ಗಳ ನಡುವೆ ದಿ ಬೆಸ್ಟ್​ ಯಾರಾಗ್ತಾರೆ..?

ರೋಹಿತ್ ನಾಯಕತ್ವದಲ್ಲಿ ಗೆಲುವೊಂದೆ ಮಂತ್ರ..!

ಧೋನಿ ನಾಯಕತ್ವದ ಬಳಿಕ ಟೀಮ್ ಇಂಡಿಯಾ ಐಸಿಸಿ ಟ್ರೋಫಿಗಳನ್ನ ಗೆಲ್ಲುವಲ್ಲಿ ಫೇಲ್​ ಆಗಿತ್ತು. ವಿರಾಟ್ ನಾಯಕತ್ವದಲ್ಲಿ ದ್ವಿಪಕ್ಷೀಯ ಸರಣಿಗಳನ್ನ ಗೆದ್ದರೂ, ಐಸಿಸಿ ಈವೆಂಟ್ಸ್​ನಲ್ಲಿ ಹೇಳಿಕೊಳ್ಳುವಂತ ಪರ್ಫಾಮೆನ್ಸ್​ ನೀಡಿರಲಿಲ್ಲ. ತಂಡದಲ್ಲಿದ್ದ ಅಂದಿನ ವಾತಾವರಣ ಕೂಡ ಇದಕ್ಕೆ ಕಾರಣ. ಇದೀಗ ರೋಹಿತ್ ನಾಯಕತ್ವದಲ್ಲಿ ಭಿನ್ನ ವಾತಾವರಣವಿದೆ. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​.. ಏಕದಿನ ವಿಶ್ವಕಪ್​​ ಹಾಗೂ ಟಿ20 ವಿಶ್ವಕಪ್​ ಟೂರ್ನಿ.. ಈ ಟೂರ್ನಿಗಳಲ್ಲಿ ಗೆಲುವು ಅನ್ನೋದು ಟೀಮ್ ಇಂಡಿಯಾಗೆ ಸುಲಭವಾತ್ತು. ಇದೇ ಟಿ20 ವಿಶ್ವಕಪ್​ ಗೆಲುವಿಗೆ ಕಾರಣ ಆಯ್ತು.

ಇದನ್ನೂ ಓದಿ: ಟೀಮ್​ ಇಂಡಿಯಾಕ್ಕೆ 9 ಪ್ಲೇಯರ್ಸ್​ ಫಿಕ್ಸ್​​.. ಉಳಿದ 6 ಸ್ಥಾನಕ್ಕೆ ಆಟಗಾರರ ಮಧ್ಯೆ ಬಿಗ್​ ಫೈಟ್​​​!

ಸದ್ಯ ಎಲ್ಲರಲ್ಲೂ ಕಾಡ್ತಿರುವ ಪ್ರಶ್ನೆ ಇದೊಂದೆ. ಮುಂದಿನ 9 ತಿಂಗಳಲ್ಲಿ ಐಸಿಸಿ ಚಾಂಪಿಯನ್ಸ್​ ಟ್ರೋಫಿ, ವಿಶ್ವ ಟೆಸ್ಟ್​ ಚಾಂಪಿಯನ್ ಶಿಪ್​ ಫೈನಲ್​​ ಟೀಮ್ ಇಂಡಿಯಾದ ಮುಂದಿದೆ. ಬಿಸಿಸಿಐ ಕಾರ್ಯದರ್ಶಿ ಜಯ ಶಾ ಎರಡೂ ಟೂರ್ನಿಗಳಲ್ಲಿ ಭಾರತ ಗೆಲ್ಲುತ್ತೆ ಎಂಬ ಭವಿಷ್ಯ ನುಡಿದಿದ್ದಾರೆ. ಈ ಹಿಂದೆ 2024 ಟಿ20 ವಿಶ್ವಕಪ್​ ವೇಳೆ ಜಯ್​ ಶಾ ನುಡಿದಿದ್ದ ಭವಿಷ್ಯವಾಣಿ ನಿಜವಾಯ್ತು. ಇದೀಗ ಈ ಭವಿಷ್ಯವೂ ನಿಜವಾಗಲಿ ಅನ್ನೋದು ಫ್ಯಾನ್ಸ್​ ಆಶಯವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ