ಪ್ರೀತಿಸಿ ಮದುವೆಯಾಗಿದ್ದ ರೌಡಿ​​​ ಶೀಟರ್​​

ಹೊಸ ಜೀವನ ಕಟ್ಟಿಕೊಳ್ಳಬೇಕು ಎಂದಿದ್ದ

ಕೊನೆಗೂ ಹಾಡಹಗಲೇ ಬೀದಿ ಹೆಣವಾದ

ಬೆಂಗಳೂರು: ಅಂಡರ್ ವರ್ಲ್ಡ್ ಪಟ್ಟಕ್ಕೆ ಬೆಂಗಳೂರಿನಲ್ಲಿ ಈಗಿನಿಂದಲೇ ಜಿದ್ದಾ ಜಿದ್ದಿ. ಜಯರಾಜ್ ಕಾಲದಿಂದಲೂ ರೌಡಿಸಂನಲ್ಲಿ ಹವಾ ಮಾಡಬೇಕು, ಹೆಸರು ಮಾಡಬೇಕು ಎಂದು ರೌಡಿಗಳು ಹುಟ್ಟಿಕೊಳ್ಳುತ್ತಲೇ ಇದ್ದಾರೆ. ಒಬ್ಬ ಬೆಳೆದರೆ, ಮತ್ತೊಬ್ಬ ತುಳಿಯುತ್ತಾನೆ. ಹಾಗೆಯೇ ಅಂಡರ್​​ ವರ್ಲ್ಡ್​​ ಕೂಡ. ಹೀಗೆ ಮೆರೆಯುತ್ತಿದ್ದ ರೌಡಿ ಶೀಟರ್​​​ ರಾತ್ರೋ ರಾತ್ರಿ ಕೊಲೆಯಾಗಿದ್ದಾನೆ.

ಕೋರ್ಟ್​​ನಲ್ಲಿ ಲಾಯರ್ ವೇಷ ಹಾಕಿಕೊಂಡು ಬಂದು ಅರೆಸ್ಟ್​ ಆದ ರೌಡಿ ಶೀಟರ್ ಕಥೆ ನಿಮಗೆ ಗೊತ್ತೇ ಇದೆ. ಬನಶಂಕರಿ ಬಳಿ ಹಾಡಹಗಲೇ ಮಚ್ಚುಲಾಂಗು ಝಳಪಿಸಿ ಫೈನಾನ್ಶಿಯರ್ ಮದನ್‌​ ಕೊಲೆ ಮಾಡಿದ್ದ ಸಿದ್ದಾಪುರ ಮಹೇಶ್​ ಅಂಡ್​ ಗ್ಯಾಂಗ್​ ಇದು. ಈ ಗ್ಯಾಂಗ್​ ಲೀಡರ್​ ಮಹೇಶ್​ ಶುಕ್ರವಾರ ರಾತ್ರಿ ಜಾಮೀನಿನ ಮೇಲೆ ಬಿಡುಗಡೆಯಾಗಿ ಬರುವಾಗ ನಡು ರಸ್ತೆಯಲ್ಲಿ ಕಗ್ಗೊಲೆಯಾಗಿ ಹೋಗಿದ್ದಾನೆ.

ಮುಖದ ಗುರುತೇ ಸಿಗದಂತೆ ಕೊಲೆ ಮಾಡಿರೋ ಆರೋಪಿಗಳಿಗೆ ಪೊಲೀಸರು 4 ತಂಡಗಳನ್ನ ರಚಿಸಿ ಹುಡುಕಾಟ ಶುರು ಮಾಡಿದ್ದಾರೆ. ಇನ್ನು ಕೊಲೆ ನಡೆದ ಸ್ಥಳಕ್ಕೆ ಕಮಿಷನರ್​ ದಯಾನಂದ್​ ಮತ್ತು ಜಂಟಿ ಪೊಲೀಸ್ ಆಯುಕ್ತ ಶರಣಪ್ಪ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ರು. ಪ್ರಕರಣದ ತನಿಖೆ ನಡೆಸ್ತಿರೋ ಪೊಲೀಸರು ಸದ್ಯ ರಾತ್ರಿ ಮಹೇಶ್​ನ ಕಾರಿನಲ್ಲಿದ್ದ ಚಾಲಕ ಮತ್ತು ಕಿರಣ್ ಎಂಬಾತನನ್ನ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ವಿಲ್ಸನ್​​ ಗಾರ್ಡನ್​​ ನಾಗನ ಗ್ಯಾಂಗ್​​ ವಿರುದ್ಧ ದೂರು

ತನ್ನ ಗಂಡನ ಕೊಲೆಗೆ ವಿಲ್ಸನ್​ ಗಾರ್ಡನ್​ ನಾಗ ಮತ್ತವನ ಶಿಷ್ಯಂದಿರೇ ಕಾರಣ ಎಂದು ಆರೋಪಿಸಿ ಸಿದ್ದಾಪುರ ಮಹೇಶ್​ನ ಪತ್ನಿ ಪರಪ್ಪನ ಅಗ್ರಹಾರ ಪೊಲೀಸ್​ ಠಾಣೆಯಲ್ಲಿ ದೂರು ಕೊಟ್ಟಿದ್ದಾರೆ. ಪೊಲೀಸರು ಕೂಡಾ ಸಿಸಿಟಿವಿ ಮತ್ತು ಪ್ರತ್ಯಕ್ಷವಾಗಿ ಕಂಡವರ ವಿಚಾರಣೆ ಶುರು ಮಾಡಿದ್ದು ಶೀಘ್ರದಲ್ಲೇ ಆರೋಪಿಗಳನ್ನ ಬಂಧಿಸುವುದಾಗಿ ತಿಳಿಸಿದ್ದಾರೆ.

ಎರಡು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದ. ಪ್ರೇಮ ಪಾಶಕ್ಕೆ ಸಿಲುಕಿ ಈ ಪಾತಕ ಲೋಕವನ್ನ ಬಿಟ್ಟು ದೂರ ಹೋಗಿ ಜೀವನ ಕಟ್ಟಿಕೊಳ್ಳೋ ಪ್ರಯತ್ನದಲ್ಲಿ ಇದ್ದವನು ಹೀಗೆ ಬೀದಿ ಹೆಣವಾಗಿದ್ದು ದುರಂತ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ