ಹಿಂದಿನ ಮುಖ್ಯ ಕೋಚ್, ನಿರ್ದೇಶಕರ ಅವಧಿ ಮುಕ್ತಾಯ..!

ಆರ್​ಸಿಬಿಗೆ ಬಂದ ಹೊಸ ಹೆಡ್​ ಕೋಚ್,​ ಫುಲ್ ಹ್ಯಾಪಿ

ಈ ಹೆಡ್​ ಕೋಚ್​ರನ್ನ ಫ್ಲವರ್​ ಆಫ್​ ಪವರ್​ ಅಂತಾರೆ

ಜಿಂಬಾಬ್ವೆ ಮೂಲದ ಮಾಜಿ ಕ್ರಿಕೆಟರ್​ ಆಂಡಿ ಫ್ಲವರ್​ ಅವರನ್ನು ರಾಯಲ್ ಚಾಲೆಂಜರ್ಸ್​ ಬೆಂಗಳೂರು (RCB) ತಂಡದ ಮುಖ್ಯ ಕೋಚ್​ ಆಗಿ ಫ್ರಾಂಚೈಸಿ ಆಯ್ಕೆ ಮಾಡಿದೆ. ಈ ಹಿಂದೆ ಮುಖ್ಯ ಕೋಚ್​ ಆಗಿದ್ದ ಸಂಜಯ್ ಬಂಗಾರ್, ನಿರ್ದೇಶಕ ಮೈಕ್ ಹೆಸ್ಸನ್​ರನ್ನ ಕೈಬಿಟ್ಟ ಬೆನ್ನಲ್ಲೇ ಹೊಸ ಕೋಚ್​ ಹೆಸರನ್ನು RCB ಫ್ರಾಂಚೈಸಿ ಘೋಷಣೆ ಮಾಡಿದೆ.

ಈ ಬಗ್ಗೆ ಟ್ವೀಟ್ ಮಾಡಿರುವ RCB ಫ್ರಾಂಚೈಸಿ 2024ರ ಐಪಿಎಲ್​ ಟೂರ್ನಿಗೆ ತಯಾರಿ ನಡೆಸಲು ಈಗಾಗಲೇ ಸಿದ್ಧತೆ ನಡೆಸಲಾಗುತ್ತಿದೆ ಎಂದು ಹೇಳಿದೆ. ಆಂಡಿ ಫ್ಲವರ್ 10 ವರ್ಷಗಳ ಕಾಲ ಜಿಂಬಾಬ್ವೆ ತಂಡದ ವಿಕೆಟ್​ ಕೀಪರ್​ ಆಗಿದ್ದು ಉತ್ತಮ ಬ್ಯಾಟ್ಸ್​ಮನ್​ ಕೂಡ ಆಗಿದ್ದಾರೆ. ಅಲ್ಲದೇ 2002ರಲ್ಲಿ ಭಾರತದ ವಿರುದ್ಧ ನಡೆದ ಐಸಿಸಿ ಟ್ರೋಫಿಯಲ್ಲಿ 145 ರನ್​ಗಳು ಬಾರಿಸಿರುವುದು ಇವರ ವೈಯಕ್ತಿಕ ಅಧಿಕ ರನ್​ ಆಗಿದೆ. ​

ಕೋಚ್​ ಆಗಿ ನೇಮಕಗೊಂಡ ಫ್ಲವರ್ ಹೇಳಿದ್ದೇನು..?

ಇಡೀ ಐಪಿಎಲ್​ ಟೂರ್ನಿಯಲ್ಲಿ ಖ್ಯಾತಿ ಪಡೆದಿರುವ ಹಾಗೂ ಹೆಚ್ಚು ಪ್ರೀತಿಸುವ ಅಭಿಮಾನಿಗಳನ್ನು ಹೊಂದಿರುವ ಆರ್​ಸಿಬಿ ತಂಡ ಸೇರುತ್ತಿರುವುದಕ್ಕೆ ತುಂಬಾ ಹೆಮ್ಮೆಯಾಗುತ್ತಿದೆ. 2024ರ ಐಪಿಎಲ್​ ಟೂರ್ನಿಯಲ್ಲಿ ಚಿನ್ನಸ್ವಾಮಿ ಸ್ಟೇಡಿಯಂ ವಾತಾವರಣ ಸವಿಯಲು ಕಾತುರದಿಂದ ಇದ್ದೇನೆ ಎಂದು ಆರ್​ಸಿಬಿಗೆ ಮುಖ್ಯ ಕೋಚ್​ ಆಗಿ ನೇಮಕವಾಗಿರುವ ಆಂಡಿ ಫ್ಲವರ್ ಹೇಳಿದ್ದಾರೆ.

ಈ ಹಿಂದಿನ ಕೋಚ್​ ಮತ್ತು ನಿರ್ದೇಶಕರ ಕೆಲಸವನ್ನು ಗುರುತಿಸಿ ಗೌರವಿಸುತ್ತೇನೆ. ಮುಂದಿನ ದಿನಗಳಲ್ಲಿ ಆರ್​ಸಿಬಿಯ ಕೀರ್ತಿ ಪತಾಕೆಯನ್ನು ಇನ್ನು ಎತ್ತರಕ್ಕೆ ಕೊಂಡೊಯ್ಯಲಾಗುವುದು. ತಂಡದ ಆಟಗಾರರ ಜೊತೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ. ಈ ಅವಕಾಶ ಸಿಕ್ಕಿರುವುದು ನನಗೆ ತುಂಬಾ ಖುಷಿ ಕೊಟ್ಟಿದ್ದು ಜವಾಬ್ದಾರಿಯಿಂದ ಕೆಲಸ ಮಾಡಲಾಗುವುದು. ನನ್ನ ಮುಂದೆ ದೊಡ್ಡ ಚಾಲೆಂಜ್​ ಇದ್ದು ಅದನ್ನು ಸಾಧಿಸಲು ಮುಂದಾಗುತ್ತೇನೆ ಎಂದು ಫ್ಲವರ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

The feeling is mutual, Gaffer! 🤝

We can't wait to get #IPL2024 prep underway! ❤️‍🔥#PlayBold #ನಮ್ಮRCB pic.twitter.com/av7fEPh4zz

— Royal Challengers Bangalore (@RCBTweets) August 4, 2023