ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​

ವರ್ಷದ ಕೊನೆಗೆ ನಡೆಯಲಿರೋ ಐಪಿಎಲ್​​​ ಮೆಗಾ ಆಕ್ಷನ್

ಆರ್​​ಸಿಬಿ ಬಿಗ್​ ಆಫರ್​​ ರಿಜೆಕ್ಟ್​ ಮಾಡಿದ್ದ ಸ್ಟಾರ್ ಪ್ಲೇಯರ್​​​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಆಕ್ಷನ್​ಗೆ ದಿನಗಣನೆ ಶುರುವಾಗಿದೆ. ವರ್ಷದ ಕೊನೆಗೆ ನಡೆಯಲಿರೋ ಮೆಗಾ ಆಕ್ಷನ್​ನಲ್ಲಿ ಯಾರಿಗೆ ಮಣೆ ಹಾಕಬೇಕು ಎಂದು ಆರ್​​ಸಿಬಿ ಪ್ಲಾನ್​ ಮಾಡಿಕೊಂಡಿದೆ. ಈ ಮಧ್ಯೆ ಆರ್​​ಸಿಬಿ ತಂಡದ ಬಿಗ್​ ಆಫರ್​​ ರಿಜೆಕ್ಟ್​ ಮಾಡಿದ್ದ ಸ್ಟಾರ್​ ಆಟಗಾರನ ಬಗ್ಗೆ ಮಾಹಿತಿ ಸಿಕ್ಕಿದೆ.

ಆಸ್ಟ್ರೇಲಿಯಾದ ಮಾಜಿ ಸ್ಟಾರ್ ವೇಗದ ಬೌಲರ್ ನಾಥನ್ ಬ್ರಾಕೆನ್. 2001ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಡೆಬ್ಯೂ ಮಾಡಿದ್ದ ನಾಥನ್ ಬ್ರಾಕೆನ್ ಆಸ್ಟ್ರೇಲಿಯಾ ತಂಡದ ಪ್ರಮುಖ ಬೌಲರ್​​. 2007ರಲ್ಲಿ ಏಕದಿನ ವಿಶ್ವಕಪ್ ವಿಜೇತ ತಂಡದ ಭಾಗವಾಗಿದ್ದ ಇವರು 2009 ರಲ್ಲಿ ತಮ್ಮ ಕೊನೆ ಪಂದ್ಯವಾಡಿದ್ರು.

ಕ್ರಿಕೆಟ್​ನಿಂದಲೇ ದೂರ ಉಳಿದಿದ್ದ ಬ್ರಾಕೆನ್​​

ಬ್ರಾಕೆನ್ 2008ರಲ್ಲಿ ತೀವ್ರವಾಗಿ ಗಾಯಗೊಂಡು ಕ್ರಿಕೆಟ್​ನಿಂದ ದೂರ ಉಳಿದಿದ್ರು. ಸತತ ಗಾಯಗಳಿಂದ ಬಳಲುತ್ತಿದ್ದ ಇವರು ದೀರ್ಘಕಾಲ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಲು ಸಾಧ್ಯವಾಗಲಿಲ್ಲ. ಹಾಗಾಗಿ 2009ರಲ್ಲೇ ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ್ರು. ಎಲ್ಲಾ ಮಾದರಿ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದ ಇವರಿಗೆ ಆರ್​​ಸಿಬಿ ಬಿಗ್​ ಆಫರ್​​ ಕೊಟ್ಟಿತ್ತು. ಬರೋಬ್ಬರಿ 1.3 ಕೋಟಿ ನೀಡಿ ಇವರನ್ನು ಖರೀದಿ ಮಾಡಿತ್ತು. ಆರ್​​​ಸಿಬಿ ನಾಥನ್​​​ ಬ್ರಾಕೆನ್​ ಅವರನ್ನು ತಂಡದ ಪ್ರಮುಖ ಬೌಲರ್​ ಮಾಡಲು ಮುಂದಾಗಿತ್ತು. ಆದರೆ, ಆರ್​​ಸಿಬಿ ಬಿಗ್​ ಆಫರ್​ ತಿರಸ್ಕರಿಸಿದ್ದ ಬ್ರಾಕೆನ್​ ಕ್ರಿಕೆಟ್​​​​ನಿಂದ ದೂರ ಉಳಿದ್ರು.

ಕಂಪನಿಯಲ್ಲಿ ಅಕೌಂಟ್​ ಮ್ಯಾನೇಜರ್​​ ಆಗಿರೋ ಬ್ರಾಕೆನ್​​!

13 ವರ್ಷಗಳ ಹಿಂದೆ ಆರ್‌ಸಿಬಿ ಬಿಗ್ ಆಫರ್ ತಿರಸ್ಕರಿಸಿದ್ದ ಬ್ರಾಕೆನ್ ಈಗ ಸಿಡ್ನಿಯ ಕಂಪನಿ ಒಂದರಲ್ಲಿ ಕೇವಲ ಅಕೌಂಟ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಅಂದು ಆರ್​​​ಸಿಬಿ ಬಿಗ್​ ಆಫರ್​ ಒಪ್ಪಿದ್ರೆ ಇಂದು ಯಾವುದಾದ್ರೂ ಒಂದು ತಂಡದ ಕೋಚ್​​ ಆಗಿರುತ್ತಿದ್ದರು.

ಇದನ್ನೂ ಓದಿ: RCB ತಂಡದ ಬಿಗ್​ ಆಫರ್​ ತಿರಸ್ಕರಿಸಿದ ಸ್ಟಾರ್​​ ಪ್ಲೇಯರ್​​; ಅಸಲಿ ಕಾರಣವೇನು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್