ಸಚಿನ್ ಸಕ್ಸಸ್​ ಹಿಂದಿನ ಸಿಕ್ರೇಟ್​​ ಪತ್ನಿ ಅಂಜಲಿ ತೆಂಡೂಲ್ಕರ್

ಇವರಿಬ್ಬರ ಕ್ಯೂಟ್​ ಲವ್​ ಸ್ಟೋರಿ ಯಾವ ಸಿನಿಮಾ ಕಥೆಗೂ ಕಡಿಮೆಯಿಲ್ಲ

ವಾರೆಗಣ್ಣಲ್ಲಿ ಅಂಜಲಿಯನ್ನ ಗಮನಿಸಿದ್ರು ಸಚಿನ್​ ತೆಂಡೂಲ್ಕರ್​

ಸಚಿನ್ ತೆಂಡೂಲ್ಕರ್. ಕ್ರಿಕೆಟ್ ಐಕಾನ್. ಗಾಡ್ ಆಫ್ ಕ್ರಿಕೆಟ್. ಕ್ರಿಕೆಟ್​​​​ಗೆ ಅಪಾರವಾದ ಕೊಡುಗೆ ನೀಡಿರುವ ಸಚಿನ್ ಸಕ್ಸಸ್​ ಹಿಂದಿನ ಸಿಕ್ರೇಟ್​​ ಪತ್ನಿ ಅಂಜಲಿ ತೆಂಡೂಲ್ಕರ್!. ಪ್ರೀತಿಸಿ ಮದುವೆಯಾದ ಇವರಿಬ್ಬರ ಪ್ರೇಮಕಥೆ ಯಾವ ಸಿನಿಮಾ ಕಥೆಗಿಂತ ಕಡಿಮೆಯಿಲ್ಲ.

1990ರಲ್ಲಿ ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿದ್ದ ಅಂಜಲಿಗೆ ಕಂಡಿದ್ದು ಗುಂಗುರು ಕೂದಲಿನ ಯುವಕ ಸಚಿನ್​​. ಇಂಟ್ರೆಸ್ಟಿಂಗ್ ವಿಚಾರ ಅಂದ್ರೆ, ಮೊದಲ ಬಾರಿ ನೋಡಿದಾಗ 17 ವರ್ಷದ ಚಿಗುರು ಮೀಸೆಯ ಕ್ಯೂಟ್ ಹುಡುಗ ಯಾರು ಅನ್ನೋದೇ ಅಂಜಲಿಗೆ ಗೊತ್ತಿರಲಿಲ್ಲ. ಆದರೆ, ಅವರ ಪಕ್ಕದಲ್ಲಿದ್ದ ಸ್ನೇಹಿತೆ ಅಪರ್ಣಾ, ಸಚಿನ್​ಗೆ ಬಗ್ಗೆ ಗುಣಗಾನ ಮಾಡಿದ್ರು. ಟೀಮ್ ಇಂಡಿಯಾದ ವಂಡರ್ ಭಾಯ್ ಅಂತೆಲ್ಲಾ ಹೇಳಿದ್ಲು. ಆತ ಟೀಮ್ ಇಂಡಿಯಾ ಪರ ಶತಕ ಸಿಡಿಸಿದ ಯಂಗೆಸ್ಟ್​ ಬಾಯ್ ಅಂತೆಲ್ಲಾ ತಿಳಿಸಿದ್ಲು. ಇದರಿಂದ ಕ್ಲೀನ್​ ಬೋಲ್ಡ್​ ಆಗಿದ್ದರು ಅಂಜಲಿ.

ಅದಾಗಿ ಕೆಲ ದಿನಗಳ ಬಳಿಕ ಅಮ್ಮನ ಜೊತೆ ವಿಮಾನ ನಿಲ್ದಾಣಕ್ಕೆ ಬಂದಿದ್ದ ಅಂಜಲಿಗೆ ಮತ್ತೆ ಕಂಡಿದ್ದು ಸಚಿನ್​. ಆಗ ಜೊತೆಯಲ್ಲಿದ್ದ ಅಮ್ಮನನ್ನೇ ಮರೆತಿದ್ದ ಅಂಜಲಿ, ಸಚಿನ್ ಸಚಿನ್ ಎಂದು ಹಿಂದೆ ಓಡಿದ್ದಳು. ಈ ವೇಳೆ ನಾಚಿ ನೀರಾಗಿದ್ದ ಸಚಿನ್, ಅಂಜಲಿ ಮುಖ ನೋಡದೆ ಕಾರು ಹತ್ತಿದ್ದರು.

ಆದರೂ, ವಾರೆಗಣ್ಣಲ್ಲಿ ಅಂಜಲಿ ಧರಿಸಿದ್ದ ಆರೆಂಜ್​ ಟಿ-ಶರ್ಟ್​ ಗಮನಿಸಿದ್ದರು. ಮರುದಿನ ಸಚಿನ್​ ನಂಬರ್​ ಪಡೆದು ಕಾಲ್​ ಮಾಡಿದ್ದ ಅಂಜಲಿ, ತಮ್ಮನ್ನ ಪರಿಚಯಿಸಿಕೊಳ್ಳಲು ಮುಂದಾಗ್ತಾರೆ. ಈ ವೇಳೆ ನೀವು ಗೊತ್ತು ಎಂದಿದ್ದ ಸಚಿನ್​, ಅಂಜಲಿ ಧರಿಸಿದ್ದ ಡ್ರೆಸ್ ಕಲರ್ ಸಹಿತ ಹೇಳ್ತಾರೆ. ಇಲ್ಲಿಂದ ಶುರುವಾದ ಇವರಿಬ್ಬರ ಡೇಟಿಂಗ್, ಮೀಟಿಂಗ್ ಮದುವೆಯಲ್ಲಿ ಎಂಡ್ ಆಗುತ್ತೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ