ನೆಚ್ಚಿನ ಸ್ಥಳಕ್ಕೆ ಭೇಟಿಕೊಟ್ಟ ನಟ ಡಾಲಿ ಧನಂಜಯ್

​ಶೂಟಿಂಗ್​ನಿಂದ ಬಿಡುವು.. ಫುಲ್​ ಟೈಮ್​ ಪಾಸ್​..!

ತಂದೆ, ಸ್ನೇಹಿತರ ಜೊತೆ ಡಾಲಿ ಫೋಟೋಗೆ ಫೋಸ್

ಸ್ಯಾಂಡಲ್‌ವುಡ್​ನ ಡಾಲಿ ಧನಂಜಯ್ ಸದ್ಯ ಸಿನಿಮಾ ಶೂಟಿಂಗ್​ನಲ್ಲಿ ಫುಲ್​ ಬ್ಯುಸಿಯಾಗಿರುವ ನಟ. ಅಪಾರ ಸಂಖ್ಯೆಯ ಅಭಿಮಾನಿಗಳ ಬಳಗ ಹೊಂದಿರುವ ಇವರು, ನವರಸ ನಾಯಕ ನಟ ಜಗ್ಗೇಶ್ ಜೊತೆ ತೋತಾಪುರಿ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಡಾಲಿ ಇದೇ ಸಿನಿಮಾದ ಭಾಗ- 2ರಲ್ಲೂ ಇದ್ದಾರೆ.

ಈಗಾಗಲೇ ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ. ಸದ್ಯ ಇದೆಲ್ಲದರ ನಡುವೆ ನೆಚ್ಚಿನ ಸ್ಥಳಕ್ಕೆ ಡಾಲಿ ತಮ್ಮ ಅಪ್ಪ ಹಾಗೂ ಸ್ನೇಹಿತರೊಂದಿಗೆ ಭೇಟಿಕೊಟ್ಟಿದ್ದಾರೆ.

ಹೌದು, ಧನಂಜಯ್‌ ಸಿನಿಮಾ ಕೆಲಸಗಳಿಂದ ಬಿಡುವು ಪಡೆದುಕೊಂಡು ತನ್ನ ಹುಟ್ಟೂರಿನಲ್ಲಿ ಟೈಮ್​ ಪಾಸ್ ಮಾಡ್ತಿದ್ದಾರೆ. ಈ ಬಗ್ಗೆ ತಮ್ಮ ಟ್ವಿಟರ್​ ಅಕೌಂಟ್​ನಲ್ಲಿ ಫೋಟೋಗಳನ್ನು ಶೇರ್​ ಮಾಡಿರುವ ಡಾಲಿ ಧನಂಜಯ್​, ತಮ್ಮ ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ನಾನು ಚಿಕ್ಕವನಿದ್ದಾಗ ಆಡಿ ಬೆಳೆದ ಜಾಗ ಈ ಅರಸೀಕೆರೆಯ ಯಾದಾಪುರದ ಶ್ರೀಜೇನುಕಲ್ಲು ಸಿದ್ದಪ್ಪನ ಬೆಟ್ಟ ಎಂದು ಟ್ವಿಟರ್​ನಲ್ಲಿ ಬರೆದುಕೊಂಡಿದ್ದಾರೆ.

ಶ್ರೀಜೇನುಕಲ್ಲು ಸಿದ್ದಪ್ಪ ದೇವರ ಆಶೀರ್ವಾದ ಪಡೆದಿರುವ ಡಾಲಿಗೆ ದೇವಾಲಯದ ಪೂಜಾರಿ ಊವಿನ ಹಾರ ಹಾಕಿ ಶುಭ ಹಾರೈಸಿದ್ದಾರೆ. ಕೆಲ ಸಮಯ ಬೆಟ್ಟದಲ್ಲೇ ಕಳೆದಿದ್ದಾರೆ. ಬಳಿಕ ತಂದೆ ಹಾಗೂ ಸ್ನೇಹಿತರೊಂದಿಗೆ ಫೋಟೋಗಳಿಗೆ ಫೋಸ್​ ಕೊಟ್ಟಿದ್ದಾರೆ. ಇನ್ನು ಡಾಲಿ ಪಿಕ್ಚರ್ಸ್ ಬ್ಯಾನರ್ ಅಡಿ ಬರುತ್ತಿರುವ ಟಗರು ಪಲ್ಯ ಸಿನಿಮಾದ ಶೂಟಿಂಗ್​ ಮುಕ್ತಾಯ ಆಗಿದ್ದು ಆಗಸ್ಟ್​ 7 ರಂದು ಫಸ್ಟ್​ ಲುಕ್​ ರಿಲೀಸ್ ಮಾಡಲಾಗುವುದು ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ

ಚಿಕ್ಕಂದಿನಿಂದ ಆಡಿ ಬೆಳೆದ ಜಾಗ, ನಮ್ಮ ಅರಸೀಕೆರೆಯ, ಯಾದಾಪುರದ ಶ್ರೀ ಜೇನುಕಲ್ಲು ಸಿದ್ದಪ್ಪನ ಬೆಟ್ಟದಲ್ಲಿ🙏 pic.twitter.com/MXLRM5ByVH

— Dhananjaya (@Dhananjayaka) August 4, 2023