ನ್ಯಾಯಬೇಕೆಂದು ಆಗ್ರಹಿಸಿ ಫಿಲಂ ಚೇಂಬರ್​ ಎದುರು ಕುಮಾರ್ ಧರಣಿ

ಫಸ್ಟ್​ ಪ್ರತಿಭಟನೆ ಮಾಡುವುದು ಕೈಬಿಡಬೇಕು, ಕುಳಿತು ಮಾತಾಡೋಣ

ಸುದೀಪ್​ನ ಇಲ್ಲಿಗೆ ಕರೆಸೋದಿಲ್ಲ, ನಾನೇ ಅವರ ಬಳಿ ಹೋಗುತ್ತೇನೆ..!

ಸ್ಯಾಂಡಲ್​ವುಡ್​ನಲ್ಲಿ ಭುಗಿಲೆದ್ದಿರುವ ನಿರ್ಮಾಪಕ ಹಾಗೂ ಕಿಚ್ಚ ಸುದೀಪ್ ಅವ್ರ ಜಟಾಪಟಿ ಮುಂದುವರಿದಿದೆ. ಸುದೀಪ್ ಅವರ ವಿಷ್ಯದಲ್ಲಿ ನ್ಯಾಯ ಬೇಕು ಅಂತ ಆಗ್ರಹಿಸಿ ಫಿಲಂ ಚೇಂಬರ್​ ಎದುರು ಧರಣಿ ಕೂತಿದ್ದ ಎನ್ ಕುಮಾರ್​ಗೆ ಹಿರಿಯ ನಿರ್ಮಾಪಕ ಸಾರಾ ಗೋವಿಂದ್, ಯೋಗಿ ದ್ವಾರಕೀಶ್​ ಸೇರಿ ಮತ್ತಷ್ಟು ನಿರ್ಮಾಪಕರು ಸಾಥ್ ಕೊಟ್ಟರು.

ರಾಜಾಜಿನಗರದಲ್ಲಿರುವ ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ನಿವಾಸಕ್ಕೆ ಭೇಟಿ ನೀಡಿದ ನಿರ್ಮಾಪಕರ ನಿಯೋಗ, ಈ ಸಮಸ್ಯೆ ಬಗೆಹರಿಸುವಂತೆ ಕನಸುಗಾರನಲ್ಲಿ ಮನವಿ ಮಾಡಿದರು. ಈ ವೇಳೆ ನಿರ್ಮಾಪಕರ ಜೊತೆ ಕೆಲ ಸಮಯ ಚರ್ಚೆ ನಡೆಸಿದ ರವಿಚಂದ್ರನ್, ಸದ್ಯಕ್ಕೆ ಪ್ರೊಟೆಸ್ಟ್​ ಮಾಡೋದನ್ನ ಬಿಟ್ಟು ಸಮಾಧಾನವಾಗಿರಿ ಅಂತ ಸಲಹೆ ನೀಡಿದ್ದಾರಂತೆ.

ಇದಾದ ನಂತರ ಪ್ರತಿಕ್ರಿಯೆ ನೀಡಿದ ಕ್ರೇಜಿಸ್ಟಾರ್, ಪರಿಸ್ಥಿತಿ ಸರಿಯಿಲ್ಲ ಅಂದ್ರೆ ಮನಸ್ಥಿತಿನೂ ಸರಿ ಇರಲ್ಲ. ಈ ವಿಷ್ಯದಲ್ಲಿ ಸುದೀಪ್ ಅವರಿಗೆ ನೋವಾಗಿರೋದು ನಿಜ. ನಮಗೆ ಏನು ಸ್ಟೋರಿ ಅಂತ ಗೊತ್ತಿಲ್ಲ, ಅವ್ರು ಇವ್ರು ಹೇಳಿದ್ದನ್ನ ನಾನು ಕೇಳಲ್ಲ, ನನಗೆ ದಾಖಲೆಗಳು ಕೊಡಬೇಕು ಅಂತ ಹೇಳಿದರು.

‘ಎದ್ದೇಳು ಕುಮಾರ’

ಎನ್​ ಕುಮಾರ್​ದು ತಪ್ಪು ಆದರೆ ಇಲ್ಲೇ ಈ ಸ್ಥಳದಲ್ಲೇ ಬೈದಾಕಿಬಿಡುತ್ತೇನೆ. ನಟ ಸುದೀಪ್​ ಅವರನ್ನು ಕರೆದು ಮಾತನಾಡಬೇಕು ಎಂದರೆ ನಾನೇ ಹೋಗಿ ಮಾತನಾಡುತ್ತೇನೆ. ಸುದೀಪ್​ರನ್ನು ಇಲ್ಲಿಗೆ ಕರೆಸೋದಿಲ್ಲ. ನಾನೇ ಹೋಗಿ ಮಾತನಾಡುತ್ತೇನೆ. ನಾನು ಪ್ರೀತಿಯಿಂದ ಮಗ ಎಂದರೂ ಇಲ್ಲಿಗೆ ಬಾ ಎಂದು ಕರೆಯಲ್ಲ. ನಾನೇ ಹೋಗಿ ಮಾತನಾಡಿಕೊಂಡು ಬರುತ್ತೇನೆ.

‘ಆದ್ರೆ ವಿಲನ್ ಆಗ್ತೀನಿ’

ಹೀರೋ ಆಗಿ ಪಾತ್ರ ಮಾಡುತ್ತಿದ್ದೇನೆ ಅಂದರೆ ಫಸ್ಟ್​ ಎಲ್ಲರಿಗೂ ನಾನು ಆಗೋದೆ ವಿಲನ್​. ನನ್ನ ರೂಲ್ಸ್​ ಆಗಲಿ, ಕಟ್ಟುನಿಟ್ಟಾಗಲಿ ಸ್ಟ್ರಿಕ್ಟ್​ ಆಗಿ ಹಾಕುತ್ತೇನೆ. ಯಾರ ಮುಖನೂ ನೋಡಲ್ಲ. ಒಂದು ಅಸೋಷಿಯೇಷನ್​ ಹೇಗೆ ನಡೆಸಬೇಕು ಎಂದು 30 ವರ್ಷಗಳ ಹಿಂದೇನೇ ಒಂದು ಪುಸ್ತಕ ಮಾಡಿಕೊಟ್ಟವನು ನಾನು.

ರವಿಚಂದ್ರನ್, ನಟ-ನಿರ್ದೇಶಕ

ಸದ್ಯಕ್ಕೆ ಸುದೀಪ್ ಮತ್ತು ಎನ್ ಕುಮಾರ್ ಅವರ ವಿವಾದವನ್ನ ಕೂತು ಬಗೆಹರಿಸಿಕೊಳ್ಳೋಣ ಎಂದು ಆಶ್ವಾಸನೆ ನೀಡಿರುವ ರವಿಚಂದ್ರನ್, ಬಾಲ್​ ಅನ್ನ ಶಿವಣ್ಣ ಅವ್ರ ಕೋರ್ಟ್​ಗೆ ಹಾಕಿದ್ದಾರೆ. ಶಿವಣ್ಣ ಅವ್ರನ್ನ ಒಮ್ಮೆ ಭೇಟಿ ಮಾಡಿ, ಆಮೇಲೆ ಏನು ಮಾಡೋದು ಅಂತ ನೋಡೋಣ ಎಂದಿದ್ದಾರೆ. ಹಾಗಾಗಿ, ನಾಳೆ ಅಥವಾ ನಾಡಿದ್ದು ನಿರ್ಮಾಪಕರ ಬಗಳ ಸೆಂಚುರಿಸ್ಟಾರ್​ ಭೇಟಿ ಮಾಡಿ ಮನವಿ ಮಾಡೋ ತೀರ್ಮಾನಕ್ಕೆ ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ