61ರ ಹುಟ್ಟುಹಬ್ಬದಲ್ಲೂ 21ರ ಯುವಕನಂತೆ ಕಾಣುವ ಶಿವಣ್ಣ

ನಾಳೆ ಸೆಂಚುರಿ ಸ್ಟಾರ್ ಎಲ್ಲಿಗೆ ಹೋಗ್ತಾರೆ? ಏನೇನ್ ಮಾಡ್ತಾರೆ?

ಶಿವಣ್ಣನ ಘೋಸ್ಟ್​ ಸಿನಿಮಾದ ಟೀಸರ್​ ಲಾಂಚ್ ಯಾವಾಗ?

ಸೆಂಚುರಿ ಸ್ಟಾರ್, ಹ್ಯಾಟ್ರಿಕ್ ಹೀರೋ ಡಾ.ಶಿವರಾಜ್ ಕುಮಾರ್ ಸ್ಯಾಂಡಲ್​ವುಡ್​ನ ಬಹುಬೇಡಿಕೆ ನಟ. ಸದಾ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿರುವ ಶಿವಣ್ಣ ನಾಳೆ 61ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ ಅಂದರೆ ಯಾರೂ ನಂಬೋದೇ ಇಲ್ಲ. ಯಾಕಂದ್ರೆ ಇನ್ನೂ ಯಂಗ್ & ಎನರ್ಜಿಯಾಗಿ ಶಿವಣ್ಣ ಕಾಣಿಸುತ್ತಿದ್ದಾರೆ. ಸದ್ಯ ಅವರ ಅಭಿಮಾನಿಗಳು ಬರ್ತ್​ಡೇಯನ್ನು ಸಂಭ್ರಮದಿಂದ ಆಚರಣೆ ಮಾಡಲು ತೀರ್ಮಾನ ಮಾಡಿದ್ದಾರೆ. ಅಲ್ಲದೇ ಘೋಷ್ಟ್​ ಸಿನಿಮಾದಲ್ಲಿ ಶಿವಣ್ಣ ನ್ಯೂ ಲುಕ್​ನಲ್ಲಿ ಅಭಿನಯಿಸುತ್ತಿದ್ದು ಚಿತ್ರತಂಡ ಕೂಡ ಶಿವಣ್ಣ ಹುಟ್ಟು ಹಬ್ಬಕ್ಕೆ ಈಗಾಗಲೇ ಭರ್ಜರಿ ತಯಾರಿ ನಡೆಸಿದೆ.

ಜುಲೈ 12 ಅಂದರೆ ನಾಳೆಯೇ ಶಿವರಾಜ್​ ಕುಮಾರ್ ಅವರು 61ನೇ ವಯಸ್ಸಿಗೆ ಕಾಲಿಡುತ್ತಿದ್ದಾರೆ. ಇವರನ್ನು ನೋಡಿದವಱರು ಶಿವಣ್ಣಗೆ 61 ವರ್ಷನಾ..? ಆದರೂ ಎಷ್ಟೊಂದು ಯಂಗ್ ಆಗಿ ಇದ್ದರಲ್ಲ ಎಂದು ಹೇಳುವುದಂತು ಗ್ಯಾರಂಟಿ. ಇನ್ನು ಶಿವಣ್ಣನಿಗೆ ಅಭಿಮಾನ ಬಗಳ ತುಂಬಾ ದೊಡ್ಡದಿದ್ದು ಇಂದು ರಾತ್ರಿ 12 ಗಂಟೆಯಿಂದ ಬರ್ತ್​​ಡೇ ಸಂಭ್ರಮ ಮುಗಿಲು ಮುಟ್ಟಲಿದೆ. ರಾತ್ರಿ ಶಿವಣ್ಣ ಮನೆ ಮುಂದೆ ಪಟಾಕಿ ಸಿಡಿಸಿ, ಕೇಕ್ ಕಟ್ ಮಾಡಲು ಫ್ಯಾನ್ಸ್​ ಪ್ಲಾನ್​ ಮಾಡಿದ್ದಾರೆ.

ಶಿವಣ್ಣನ ನಾಳೆಯ ಕಾರ್ಯಕ್ರಮಗಳು..!

ಇನ್ನು ನಾಳೆ ವಿಶ್​ ಮಾಡಲು ತಮ್ಮ ನಿವಾಸದ ಬಳಿ ಬರುವ ಅಭಿಮಾನಿಗಳನ್ನು ಬೆಳಗ್ಗೆ 7:30 ರಿಂದ 9:30ರ ತನಕ ಹ್ಯಾಟ್ರಿಕ್​ ಹೀರೋ ಭೇಟಿಯಾಗಲಿದ್ದಾರೆ. 9:30ರ ನಂತರ ಮಾನ್ಯತಾ ಟೆಕ್ ಪಾರ್ಕ್​​ನಿಂದ ಡಾ.ರಾಜ್ ಕುಮಾರ್ ಮತ್ತು ಡಾ.ಪುನೀತ್ ರಾಜಕುಮಾರ್ ಅವರ ಸಮಾಧಿಗೆ ತೆರಳಿ ಅಲ್ಲಿ ಪೂಜೆ ಸಲ್ಲಿಸಲಿದ್ದಾರೆ ಎಂದು ಹೇಳಲಾಗಿದೆ.

ಸಂತೋಷ್ ಥಿಯೇಟರ್​ನಲ್ಲಿ ಟೀಸರ್ ಲಾಂಚ್

ತಂದೆ ಮತ್ತು ಸಹೋದರನ ಸಮಾಧಿಗೆ ಪೂಜೆ ಸಲ್ಲಿಸಿದ ಬಳಿಕ 10 ಗಂಟೆಗೆ ನಗರದ ಸಂತೋಷ್ ಥಿಯೇಟರ್​ಗೆ ಆಗಮಿಸಿ ತಮ್ಮ ಹೊಸ ಸಿನಿಮಾ ಘೋಸ್ಟ್ ಚಿತ್ರದ ಟೀಸರ್ ಲಾಂಚ್​ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈಗಾಗಲೇ ಥಿಯೇಟರ್​ ಬಳಿ ಅವರ ಅಭಿಮಾನಿಗಳು ಫ್ಲೆಕ್ಸ್​, ಬ್ಯಾನರ್​ಗಳನ್ನು ಹಾಕಿದ್ದಾರೆ. ಈ ಸಿನಿಮಾದ ಟೀಸರ್​ ಲಾಂಚ್​ ಆಗುತ್ತಿದ್ದಂತೆ 12:30ಕ್ಕೆ ಮತ್ತೆ ತಮ್ಮ ನಿವಾಸಕ್ಕೆ ವಾಪಸ್ ಆಗಲಿದ್ದಾರೆ. ಈ ವೇಳೆ ಫ್ಯಾನ್ಸ್​ಗೆ ಬಿರಿಯಾನಿ ಹಂಚುವ ಪ್ಲಾನ್​ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಒಟ್ಟಿನಲ್ಲಿ ನಾಳೆ ದಿನ ಪೂರ್ತಿ ಶಿವಣ್ಣ ತನ್ನ ಅಭಿಮಾನಿಗಳ ಭೇಟಿಗಾಗಿಯೇ ಮೀಸಲಿರಿಸಲಿದ್ದಾರೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ