ಸ್ಯಾಂಡಲ್​ವುಡ್​ನಲ್ಲಿ ಸೆನ್ಸೇಷನ್​ ಸೃಷ್ಟಿಸಿದ ಅಪರೂಪದ ದೃಶ್ಯ

ದರ್ಶನ್-ಸುದೀಪ್ ಅಭಿಮಾನಿಗಳಿಗೆ ಹಬ್ಬದ ಸಂಭ್ರಮ

ಸುದೀಪ್​-ದರ್ಶನ್​ ಮುನಿಸಿಗೆ ಮದ್ದೆರೆದ್ರಾ ಸಂಸದೆ ಸುಮಲತಾ?

ಸತತ 6 ವರ್ಷಗಳು ಆಗಿತ್ತು.. ಒಬ್ಬರ ಮುಖವನ್ನು ಒಬ್ಬರು ನೋಡಿ.. ಕುಚುಕು ಗೆಳೆಯರಂತಿದ್ದವರು ಮುನಿಸಿಕೊಂಡು ಮಾತುಬಿಟ್ಟಿದ್ದನ್ನು ಕಂಡು, ಇಡೀ ಸ್ಯಾಂಡಲ್​ವುಡ್​ ಪ್ರೇಮಿಗಳು ಆಘಾತಕೊಳ್ಳಗಾಗಿದ್ರು. ದೂರಾದ ದೋಸ್ತಿಗಳು ಆದಷ್ಟು ಬೇಗ ಒಂದಾಗಲಿ ಎಂದು ಫ್ಯಾನ್ಸ್​ಗಳು ದಿನ ಬೆಳಗಾದ್ರೆ ಸಾಕು ದೇವರಲ್ಲಿ ಬೇಡಿಕೊಳ್ತಿದ್ರು. ಇದೀಗ ಆ ಶುಭಘಳಿಗೆ ಹತ್ತಿರವಾದಂತೆ ಕಾಣ್ತಿದೆ.

ಸುಮಲತಾ ಬರ್ತ್​ಡೇ ಪಾರ್ಟಿಯಲ್ಲಿ ದಚ್ಚು-ಕಿಚ್ಚ ಪ್ರತ್ಯಕ್ಷ..!

ಸ್ಯಾಂಡಲ್​ವುಡ್​ನ ದಿಗ್ಗಜರು ಎಂದೇ ಖ್ಯಾತರಾಗಿದ್ದ ಅಂಬರೀಶ್​, ವಿಷ್ಣುವರ್ದನ್​ ಅವರ ಗೆಳೆತನ ದಂತೆಯೇ ದರ್ಶನ್​ ಮತ್ತು ಸುದೀಪ್​ ಕೂಡ ಕುಚುಕು ದೋಸ್ತಿಗಳಾಗಿದ್ರು. ಹಲವು ಬಾರಿ ಇಬ್ಬರು ಕೂಡ ಜೊತೆ ಜೊತೆಗೇ ಟ್ರಿಪ್​ ಹೋಗಿದ್ದಾರೆ. ಕ್ರಿಕೆಟ್​ ಕೂಡ ಆಡಿ ಎಂಜಾಯ್​ ಮಾಡಿದ್ದಾರೆ. ವೇದಿಕೆ ಮೇಲೆ ಕುಚಿಕು ಕುಚಿಕು ಅಂತಾ ಸ್ಟೆಪ್ಸ್​ ಹಾಕಿದ್ದಾರೆ. ರಿಯಲ್​ ಲೈಫ್​ನಲ್ಲೂ ಕುಚಿಕುಗಳಾಗಿದ್ದ ಇವರ ಮೇಲೆ ಅದ್ಯಾವ ಕಣ್ಣು ಬಿತ್ತೋ ಗೊತ್ತಿಲ್ಲ. ಯಾವುದೋ ಒಂದು ಕೆಟ್ಟ ಘಳಿಗೆಯೋ.. ಇಲ್ಲ ಅಪಾರ್ಥದ ಮಾತಿನಿಂದಲೋ ಗೊತ್ತಿಲ್ಲ. ಕುಚಿಕು ಗೆಳೆಯರಂತೆ ಇದ್ದವರು ಮಾತು ಬಿಟ್ಟು ದೂರ ಆಗಿದ್ದರು.

ಸ್ಯಾಂಡಲ್​ವುಡ್​ನ ಯಾವುದೇ ಕಾರ್ಯಕ್ರಮಗಳಿದ್ದರೂ, ಇಬ್ಬರೂ ಒಂದೇ ಸಮಯದಲ್ಲಿ ಕಾಣಿಸಿಕೊಳ್ತಿರಲಿಲ್ಲ. ದರ್ಶನ್​ ಇದ್ದ ಕಾರ್ಯಕ್ರಮಕ್ಕೆ ಸುದೀಪ್​ ಬರ್ತಿರಲಿಲ್ಲ.. ಸುದೀಪ್​ ಇದ್ದ ಕಾರ್ಯಕ್ರಮಕ್ಕೆ ದರ್ಶನ ಕೂಡ ಹೋಗ್ತಿರಲಿಲ್ಲ. ನಾನೊಂದು ತೀರ. ನೀನೊಂದು ತೀರ ಎಂಬಂತೆ ನಡೆದುಕೊಳ್ತಿದ್ರು. ದಿವಂಗತ ನಟ ಅಂಬರೀಷ್​ ಪತ್ನಿ.. ಸಂಸದೆ ಸುಮಲತಾರ ಬರ್ತ್​ಡೇ ಕಾರ್ಯಕ್ರಮ ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾಗಿದೆ. 6 ವರ್ಷಗಳ ಬಳಿಕ ಒಂದೇ ದಚ್ಚು-ಕಿಚ್ಚ ಪ್ರತ್ಯಕ್ಷವಾಗಿದ್ದಾರೆ. ಒಂದೇ ವೇದಿಕೆಯಲ್ಲಿ ಮುಖಾಮುಖಿಯಾಗಿದ್ದಾರೆ.

ಹಳೆ ಗೆಳೆಯನ ನೋಡಿ ಮುಗುಳು ನಗೆ ಬೀರಿದ್ರಾ ‘ಚಕ್ರವರ್ತಿ’?

ಈ ದೃಶ್ಯವನ್ನು ಒಮ್ಮೆ ಸೂಕ್ಷವಾಗಿ ಗಮನಿಸಿ.. ವೇದಿಕೆ ಮೇಲಿದ್ದ ಅಭಿನಯ ಚಕ್ರವರ್ತಿ ಸುದೀಪ್​, ಸುಮಲತಾ ಅವರಿಗೆ ವಿಷ್​ ಮಾಡಿ, ಹೋಗಿ ಬರ್ತೀನಿ ಎಂದು ಹೊರುಡುತ್ತಾರೆ. ಅದೇ ಕ್ಷಣದಲ್ಲಿ ಚಕ್ರವರ್ತಿ ಕೂಡ ವೇದಿಕೆಯತ್ತ ಬರಲು ಮುಂದಾಗಿದ್ದಾರೆ. ಈ ವೇಳೆ ನಟ ಸುದೀಪ್​ ಇರೋದು ದರ್ಶನ್​ ದಚ್ಚು ಗಮನಕ್ಕೆ ಬಂದಿದೆ ಅನ್ಸುತ್ತೆ. ವೇದಿಕೆಯತ್ತ ನೋಡುತ್ತ ಒಂದು ಕ್ಷಣ ಅಲ್ಲೆ ನಿಂತ ದರ್ಶನ್​ ಮುಖದಲ್ಲಿ ಸಣ್ಣದೊಂದು ಮಂದಹಾಸ ಮೂಡಿದೆ. ಈ ಅಪರೂಪ ದೃಶ್ಯವನ್ನು ಕಾರ್ಯಕ್ರಮದಲ್ಲಿ ಭಾಗಿಯಾದವರು ತಮ್ಮ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದಾರೆ.

ಸುದೀಪ್​-ದರ್ಶನ್​ ಮುನಿಸಿಗೆ ಮದ್ದು ನೀಡಿದ್ರಾ ಸುಮಲತಾ?

ಓ ಗೆಳೆಯ ಜೀವದ್​ ಗೆಳೆಯ.. ನಿಂಗೆ ಶಾನೇ ಕೋಪಕಣೋ ಅದರೂ ಒಂದು ಕೈ ಪ್ರೀತಿ ಜಾಸ್ತಿ ಕಣೋ ಎಂಬ ಹಾಡಿನಂತೆ ನಟ ದರ್ಶನ್​ ಮತ್ತು ಸುದೀಪ್​ ಗೆಳೆತನವಿತ್ತು. ಇಬ್ಬರ ಮಧ್ಯೆ ಮಾತು ನಿಂತ ಬಳಿಕ ಸೂರ್ಯ ಮತ್ತು ಚಂದ್ರನಂತೆ ವಿರುದ್ಧ ದಿಕ್ಕಿಗೆ ಮುಖ ಮಾಡಿದ್ರು. ಆದ್ರೆ, ಸಂಸದೆ ಸುಮಲತಾ ಅವರ ಬರ್ತ್​ಡೇ ಕಾರ್ಯಕ್ರಮದಲ್ಲಿ ಹಳೆ ದೋಸ್ತಿಗಳು ಎದುರು ಬದುರಾಗಿದ್ದಾರೆ. ಇದನ್ನ ಸೂಕ್ಷ್ಮವಾಗಿ ಗಮನಿಸಿದ್ರೆ, ದರ್ಶನ್​ ಮತ್ತು ಸುದೀಪ್​ ನಡುವಿನ ಮುನಿಸು ದೂರ ಮಾಡಲು ಸಂಸದೆ ಸುಮಲತಾ ಮಧ್ಯಸ್ಥಿಕೆ ವಹಿಸಿದ್ರಾ ಎಂಬ ಮಾತುಗಳು ಸಿನಿರಂಗದಲ್ಲಿ ಕೇಳಿ ಬರ್ತಿವೆ.

ಒಂದೇ ಪ್ರೋಗ್ರಾಂನಲ್ಲಿ ಕಾಣಿಸಿಕೊಂಡ ಸ್ಯಾಂಡಲ್​ವುಡ್​ನ ಚಾಲೆಂಜಿಂಗ್​ ಸ್ಟಾರ್​ ದರ್ಶನ್ ಮತ್ತು ಕಿಚ್ಚ ಸುದೀಪ್. ಇಬ್ಬರು ಒಂದಾದ್ರಾ, ಪರಸ್ಪರ ಥ್ಯಾಂಕ್ಸ್​ ಕೊಟ್ರಾ, ಮಾತನಾಡಿದ್ರಾ..? #Darshan #ChallengingStarDarshan #KichchaSudeep pic.twitter.com/BapOUyKKIV

— NewsFirst Kannada (@NewsFirstKan) August 27, 2023

ಅದೇನೆ ಇರಲಿ.. ದೂರ ಆಗಿದ್ದ ಇಬ್ಬರು ಬಿಗ್​ಸ್ಟಾರ್​ಗಳು ತುಂಬಾ ವರ್ಷಗಳ ಬಳಿಕ ಒಂದೇ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿರುವುದು ಹಲವು ಚರ್ಚೆಯನ್ನು ಹುಟ್ಟಿಹಾಕಿದೆ. ದಚ್ಚು-ಕಿಚ್ಚ ಫ್ಯಾನ್ಸ್​ಗಳಿಗೆ ಇದೊಂದು ದೃಶ್ಯ, ಹಬ್ಬದ ವಾತಾವರಣವನ್ನೇ ಸೃಷ್ಟಿ ಮಾಡಿದೆ. ಸುಮಲತಾರ ಬರ್ತ್​ಡೇ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡ ದಚ್ಚು ಮತ್ತು ಕಿಚ್ಚ, ಅದಷ್ಟು ಬೇಗ. ಜೊತೆಜೊತೆಯಾಗಿ ಕಾಣಿಸಿಕೊಳ್ಳಲಿ ಅನ್ನೋದೇ ಕೋಟ್ಯಂತರ ಕನ್ನಡ ಸಿನಿ ರಸಿಕರ ಆಸೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ