ಬಿಗ್​ಬಾಸ್​ ಮನೆಗೆ ಗ್ರ್ಯಾಂಡ್​ ಆಗಿ ಎಂಟ್ರಿ ಕೊಟ್ಟಿದ್ದ ಸಂಗೀತಾ ಶೃಂಗೇರಿ

ಬಿಗ್​ಬಾಸ್​ ರೂಲ್​ ಬುಕ್​ ಇಡಲು​​​ ಸ್ಟೋರ್​ ರೂಮ್​ಗೆ ಹೋಗಿದ್ದಾಗ ಆಗಿದ್ಧೇನು?

ಸ್ಟೋರ್​ ರೂಮ್​ನಲ್ಲಿ ಒಬ್ಬೊಬ್ಬರೇ ಮಾತಾಡಿಕೊಂಡ 777 ಚಾರ್ಲಿ ನಟಿ ಸಂಗೀತಾ

ಕನ್ನಡದ ಬಿಗ್​​ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್ 10 ಶುರುವಾಗಿ ಮೂರು ವಾರ ಕಳೆಯುತ್ತಿದೆ. ಬಾದ್ಶಾ ಕಿಚ್ಚ ನಿರೂಪಣೆಯ ಬಿಗ್​ ಬಾಸ್​ ಸೀಸನ್​ 10 ಭರ್ಜರಿಯಾಗಿ ಮೂಡಿಬರುತ್ತಿದೆ. 777 ಚಾರ್ಲಿ ಸಿನಿಮಾದ ಮೂಲಕ ಖ್ಯಾತಿ ಪಡೆದಿರೋ ನಟಿ ಸಂಗೀತಾ ಶೃಂಗೇರಿ ಅವರು ಬಿಗ್​ಬಾಸ್​​ ಸ್ಪರ್ಧಿಯಾಗಿದ್ದಾರೆ.

ಇನ್ನೂ, ಬಿಗ್​ಬಾಸ್​​ ಮನೆಗೆ ಎಂಟ್ರಿ ಕೊಟ್ಟ ಸಂಗೀತಾ ಶೃಂಗೇರಿ ಅವರು ತಮ್ಮದೇಯಾದ ಅಭಿಮಾನಿಗಳನ್ನು ಗಳಿಸಿಕೊಂಡಿದ್ದಾರೆ. ಬಿಗ್​ಬಾಸ್​​ ಕೊಟ್ಟ ಟಾಸ್ಕ್​​ಗಳನ್ನು ಚೆನ್ನಾಗಿ ಆಡುತ್ತಿದ್ದಾರೆ. ಆಗಾಗ ಮನೆಯಲ್ಲಿ ಗಲಾಟೆ ಸಹ ಮಾಡಿಕೊಳ್ಳುತ್ತಾ ಇರುತ್ತಾರೆ. ಇದರ ಮಧ್ಯೆ ಸಂಗೀತಾ ಶೃಂಗೇರಿ ಅವರು ಕೆಲಕಾಲ ಬಿಗ್​ಬಾಸ್​ ಸ್ಟೋರ್​ ರೂಮ್​ನಲ್ಲೇ ಲಾಕ್​​ ಆಗಿದ್ದರು. ಹೌದು, ಸಂಗೀತಾ ಅವರು ಬಿಗ್​ಬಾಸ್​ ರೂಲ್​ ಬುಕ್​ ಇಡಲು​​​ ಸ್ಟೋರ್​ ರೂಮ್​ಗೆ ಹೋಗುತ್ತಾರೆ. ಆಗ ಬಿಗ್​ಬಾಸ್​ ಬಳಿ ಮಾತಾಡುತ್ತಾ ಬಾಗಿಲಿನ ಬಳಿ ಬರುತ್ತಾರೆ. ಆಗ ಸ್ಟೋರ್​ ರೂಮ್ ಡೋರ್​ ತೆಗೆಯಲು ನೋಡುತ್ತಾರೆ.

ಅದೇ ವೇಳೆ ಏಕಾಏಕಿ ಸ್ಟೋರ್​ ರೂಮ್ ಡೋರ್​ ಲಾಕ್​ ಆಗುತ್ತೆ. ಆ ಬಾಗಿಲನ್ನು ತೆಗೆಯಲು ಹರಸಾಹಸ ಪಡುತ್ತಾರೆ. ಬಳಿಕ ಕ್ಯಾಮೆರಾ ಕಡೆ ಮುಖ ಮಾಡಿ ಲಾಕ್​ ಓಪನ್​ ಮಾಡಿ ಬಿಗ್​ಬಾಸ್​​ ಪ್ಲೀಸ್​ ಎನ್ನುತ್ತಾರೆ. ನಗುತ್ತಾ ನನಗೆ ಭಯಾ ಆಗೋದಿಲ್ಲ. ನನಗೆ ಭಯ ಪಡಿಸೋಕೆ ನೋಡುತ್ತಿದ್ದೀರಾ ಎಂದು ಹೇಳುತ್ತಾ ಅಲ್ಲೇ ಕುಳಿತುಕೊಳ್ಳುತ್ತಾರೆ. ಆಮೇಲೆ ಆಕಡೆ ಈಕಡೆ ನೋಡುತ್ತಾ ಓಹೋ ನನ್ನನ್ನು ಯಾರಾದರೂ ಹುಡುಕುತ್ತಾರೆ ಅಂತಾ ಲಾಕ್​ ಮಾಡಿದ್ದೀರಾ ಅಂತಾರೆ. ಬಿಗ್​ಬಾಸ್​ ನೀವು ಬರೀ ನಮ್ರತಾ ಅವರನ್ನೇ ಮಾತನಾಡಿಸುತ್ತೀರಾ. ನನ್ನ ಯಾರು ಹುಡುಕುವುದಿಲ್ಲ. ಯಾರಿಗೂ ನನ್ನ ಮೇಲೆ ಪ್ರೀತಿ ಇಲ್ಲ ಎಂದು ಹೇಳುತ್ತಾರೆ. ಆಗ ದಿಢೀರ್​ ಸ್ಟೋರ್​ ರೂಮ್ ಡೋರ್ ಲಾಕ್​ ಓಪನ್​ ಆಗುತ್ತೆ. ಆಗ ಹೊರಗಡೆ ಹೋಗುತ್ತಿದ್ದಂತೆ ಅಲ್ಲೇ ಕುಳಿತುಕೊಂಡಿದ್ದ ಕಾರ್ತಿಕ್​ಗೆ ಸಂಗೀತಾ ಬೈತಾರೆ. ಆಗಿನಿಂದ ಡೋರ್​ ಬಾರಿಸುತ್ತಿದ್ದೇನೆ ಯಾರು ಬಂದೇ ಇಲ್ಲ ಎಂದು ಹೇಳುತ್ತಾ ಹೋಗುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ