ಸ್ಯಾಮ್ಸನ್​ ಮೇಲೆ ಕಣ್ಣಿಟ್ಟ IPLನ ಬಲಿಷ್ಠ ತಂಡ

​ ಸ್ಯಾಮ್ಸನ್​ಗೆ ಗಾಳ ಹಾಕಿದ ಫ್ರಾಂಚೈಸಿ ಯಾವುದು?

ಹರಾಜಿಗೂ ಮೊದಲೇ ಚಾಂಪಿಯನ್​ ತಂಡ ಸೇರಲು ಡೀಲ್..!

ಐಪಿಎಲ್​ ಮೆಗಾ ಆಕ್ಷನ್ ಸಮೀಪಿಸಿದ ಬೆನ್ನಲ್ಲೆ ಫ್ರಾಂಚೈಸಿಗಳು ಫುಲ್​ ಆಕ್ಟಿವ್ ಆಗಿವೆ. ಸ್ಟಾರ್​ ಕ್ರಿಕೆಟಿಗರಿಗೆ ಗಾಳ ಹಾಕೋ ಪ್ರಯತ್ನಕ್ಕೆ ಈಗಿನಿಂದಲೇ ಮುಂದಾಗಿವೆ. ಇದೇ ವಿಚಾರವಾಗಿ ಬಿಗ್​​​ ಅಪ್​ಡೇಟ್​ ನ್ಯೂಸ್ ಹೊರಬಿದ್ದಿದೆ. ಟೀಮ್ ಇಂಡಿಯಾದ ಸ್ಟಾರ್ ಕ್ರಿಕೆಟರ್​ ಹಾಗೂ ಐಪಿಎಲ್​​​ನ ಬಿಗ್​​ ಹಿಟ್ಟರ್ ಸಂಜು ಸ್ಯಾಮ್ಸನ್​​​ಗೆ ಚೆನ್ನೈ ಸೂಪರ್​​​​​​ ಕಿಂಗ್ಸ್​ ತಂಡ ಗಾಳ ಹಾಕಿದೆ.

ಐಪಿಎಲ್ ಅಂದ್ರೆನೇ ಕ್ರೇಜ್​. ಐಪಿಎಲ್ ಅಂದ್ರೆನೆ ಎಕ್ಸೈಟ್​ಮೆಂಟ್​​. ಈ ಕಲರ್​ಫುಲ್​ ಟೂರ್ನಿಗೆ ಎಷ್ಟು ಕೌತುಕತೆ ಇರುತ್ತೋ, ಐಪಿಎಲ್ ಆಕ್ಷನ್​​ ವಿಚಾರದಲ್ಲೂ ಅಷ್ಟೇ ಕುತೂಹಲ ಮನೆ ಮಾಡಿರುತ್ತೆ. ಡಿಸೆಂಬರ್​​​ನಲ್ಲಿ ಐಪಿಎಲ್ ಮೆಗಾ ಆಕ್ಷನ್ ನಡೆಯಲಿದ್ದು, ಇದಕ್ಕೆ ಈಗಿನಿಂದಲೇ ಎಲ್ಲಾ ಫ್ರಾಂಚೈಸಿಗಳು ಸಿದ್ಧತೆ ಆರಂಭಿಸಿವೆ. ಇದ್ರಿಂದ ಐಪಿಎಲ್​​​​​​​ ಭೀಷ್ಮ ಅಂತ ಕರೆಸಿಕೊಳ್ಳುವ ಸಿಎಸ್​ಕೆ ಟೀಮ್​ ಕೂಡ ಹೊರತಾಗಿಲ್ಲ. ಆಟಗಾರರ ಹರಾಜು ಪ್ರಕ್ರಿಯೆ ಆರಂಭಕ್ಕೂ ಮುನ್ನವೇ ಯೆಲ್ಲೋ ಆರ್ಮಿ ಬಿಗ್​ ಫಿಶ್​ಗೆ ಗಾಳ ಹಾಕಿದ್ದು, ಕ್ರಿಕೆಟ್ ಲೋಕದಲ್ಲಿ ಹಲ್​​ಚಲ್ ಎಬ್ಬಿಸಿದೆ.

ಇದನ್ನೂ ಓದಿ:ಕೊಹ್ಲಿ, ರೋಹಿತ್​​ಗೆ ಮಾತ್ರ ವಾರ್ನಿಂಗ್.. ಬುಮ್ರಾ ವಿಚಾರದಲ್ಲಿ ಸೈಲೆಂಟ್.. BCCI ಅಸಲಿ ಕತೆ ರಿವೀಲ್..!

ಪವರ್​ ಹಿಟ್ಟರ್​ ಸಂಜು ಸ್ಯಾಮ್ಸನ್​ಗೆ ಸಿಎಸ್​ಕೆ ಗಾಳ?
ಮಸಲ್​ಮ್ಯಾನ್​​​, ಪವರ್​ ಹಿಟ್ಟರ್​​​ ಹಾಗೂ ಡಿಸ್ಟ್ರಕ್ಟಿವ್​​ ಬ್ಯಾಟರ್ ಅಂತೆಲ್ಲಾ ಕರೆಸಿಕೊಳ್ಳುವ ಸಂಜು ಸ್ಯಾಮ್ಸನ್​​​ಗೆ ಗಾಳ ಹಾಕಲು ಚೆನ್ನೈ ಮುಂದಾಗಿದೆ. ರಾಜಸ್ಥಾನ ರಾಯಲ್ಸ್​ ತಂಡದ ಕ್ಯಾಪ್ಟನ್​ ಕಮ್​ ವಿಕೆಟ್​​ಕೀಪರ್​​ ಆಗಿರೋ ಸಂಜು ಸ್ಯಾಮ್ಸನ್​​ನ ಚೆನ್ನೈ ತೆಕ್ಕೆಗೆ ತೆಗೆದುಕೊಳ್ಳಲು ಪ್ಲಾನ್​ ರೂಪಿಸಿದ್ಯಂತೆ. ಆಕ್ಷನ್​ನಲ್ಲಿ ಸಂಜುಗಾಗಿ ಬಹುಕೋಟಿ ವ್ಯಯಿಸಲು ಮ್ಯಾನೇಜ್​ಮೆಂಟ್​ ಪ್ಲಾನ್​ ಮಾಡಿದ್ಯಂತೆ.
ಅಂದ ಹಾಗೇ ಚೆನ್ನೈ ತಂಡ ಏಕಾಏಕಿ ಸ್ಯಾಮ್ಸನ್​ಗೆ ಬಲೆ ಬೀಸಿಲ್ಲ. ಎರಡು ತಿಂಗಳ ಹಿಂದಿನಿಂದಲೇ ಇದಕ್ಕಾಗಿ ಪ್ಲಾನ್ ಮಾಡಿತ್ತು. ಸಿಎಸ್​ಕೆ ಸಿಇಒ ಕಾಸಿ ವಿಶ್ವನಾಥನ್​​ ಬೆಸ್ಟ್ ವಿಕೆಟ್​ ಕೀಪರ್​​ನನ್ನ ತಂಡಕ್ಕೆ ಕರೆ ತರುತ್ತೇವೆ ಎಂಬ ಸ್ಟೇಟ್​ಮೆಂಟ್ ಕೊಟ್ಟಿದ್ರು. ಸದ್ಯದ ಬೆಳವಣಿಗೆ ಅಂದು ಕೊಟ್ಟಿದ್ದ ಸ್ಟೇಟ್​ಮೆಂಟ್​​ಗೆ ಉತ್ತರ ನೀಡ್ತಿದೆ.

ಸ್ಯಾಮ್ಸನ್​​​​, ತಲಾ ಧೋನಿಗೆ ಸಮರ್ಥ ಉತ್ತರಾಧಿಕಾರಿ..!
ಸಿಎಸ್​ಕೆ ಮಾಜಿ ಕ್ಯಾಪ್ಟನ್ ಧೋನಿ ನಿವೃತ್ತಿ ಅಂಚಿನಲ್ಲಿದ್ದಾರೆ. 2025ನೇ ಐಪಿಎಲ್ ಆಡುವ ಬಗ್ಗೆ ಇಲ್ಲಿ ತನಕ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಯಾವುದೇ ಕ್ಷಣದಲ್ಲಿ ಐಪಿಎಲ್​​ಗೆ ಗುಡ್​ಬೈ ಹೇಳಬಹುದು. ಹೀಗಾಗಿ ಚೆನ್ನೈ, ಸ್ಯಾಮ್ಸನ್​ನ​ ಸೆಳೆಯಲು ಮುಂದಾಗಿದೆ. ಸ್ಯಾಮ್ಸನ್​ ಕೂಡ ಮಾಹಿಯಂತೆ ಕೂಲ್​​ ಅಂಡ್ ಕಾಮ್ ಕ್ರಿಕೆಟರ್​. ವಿಕೆಟ್ ಕೀಪಿಂಗ್​ ಜೊತೆ ಚತುರ ನಾಯಕ. ಮಾಹಿ ಸ್ಥಾನ ತುಂಬಬಲ್ಲ ಎಲ್ಲಾ ಸಾಮರ್ಥ್ಯ ಹೊಂದಿದ್ದಾರೆ.

ಇದನ್ನೂ ಓದಿ:KL ರಾಹುಲ್ ಆರ್ಭಟದ ಮುಂದೆ ಮಂಕಾಗಿದ್ದ ಧವನ್; ‘ರಾಹುಲ್​​ ವಿಲನ್ ಆದರು’ ಎಂದ ಫ್ಯಾನ್ಸ್..!

ಶೀಘ್ರದಲ್ಲೇ ರಾಜಸ್ಥಾನ ತಂಡಕ್ಕೆ ಸ್ಯಾಮ್ಸನ್​ ಗುಡ್​ಬೈ..!
ಒಂದೆಡೆ ಚೆನ್ನೈ ತಂಡ ಸ್ಯಾಮ್ಸನ್​ನ ಸೆಳೆಯಲು ಸಜ್ಜಾಗಿದೆ ಅನ್ನೋ ಸುದ್ದಿಯ ನಡುವೆ, ಇನ್ನೊಂದೆಡೆ ರಾಜಸ್ಥಾನ ರಾಯಲ್ಸ್​​​​ ತಂಡ ಒಂದು ಕ್ರಿಪ್ಟಿಕ್​​ ಪೋಸ್ಟ್ ಹಾಕಿದೆ. ಎಕ್ಸ್​ ಖಾತೆಯಲ್ಲಿ ಸಂಜು ಸ್ಯಾಮ್ಸನ್​ರ ವಿಡಿಯೋ ಹಾಕಿ ಮೇಜರ್​ ಮಿಸ್ಸಿಂಗ್ ಅನ್ನೋ ಕ್ಯಾಪ್ಷನ್ ನೀಡಿದೆ. ಇದು ಸ್ಯಾಮ್ಸನ್​​ ರಾಜಸ್ಥಾನ ತಂಡವನ್ನ ತೊರೆಯಲಿದ್ದಾರಾ ಅನ್ನೋ ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ.

10 ವರ್ಷಗಳ ರಾಜಸ್ಥಾನ ಜತೆಗಿನ ಸಂಬಂಧ ಕೊನೆ?
ಸ್ಯಾಮ್ಸನ್​ ಇಂದು ಏನೇ ಆಗಿದ್ರೂ ಅದಕ್ಕೆ ಐಪಿಎಲ್​​​ನ ರಾಜಸ್ಥಾನ ರಾಯಲ್ಸ್​ ತಂಡವೇ ಕಾರಣ. ನೇಮ್ ಅಂಡ್ ಫೇಮ್ ಎಲ್ಲವನ್ನ ಕೊಟ್ಟಿದೆ. ತನ್ನ 12 ವರ್ಷಗಳ ಐಪಿಎಲ್ ಜರ್ನಿಯಲ್ಲಿ 10 ವರ್ಷ ರಾಜಸ್ಥಾನದ ಪರವೇ ಆಡಿದ್ದಾರೆ. ಆಟಗಾರನಾಗಿ ಜರ್ನಿ ಶುರು ಮಾಡಿ ನಾಯಕನ ಪಟ್ಟಕ್ಕೇರಿದ್ದಾರೆ. ಸಣ್ಣ ಅವಧಿಯಲ್ಲೆ ತಂಡವನ್ನ ಯಶಸ್ವಿಯಾಗಿ ಮುನ್ನಡೆಸಿದ್ದಾರೆ.

ಇದನ್ನೂ ಓದಿ:ರೋಹಿತ್ ಮುಂದೆ ನಡೆಯದ ಕೊಹ್ಲಿ ಆಟ.. ಹಿಟ್​ಮ್ಯಾನ್ ದಶಕದ ಕನಸು ನನಸು..!

major missing 😭💗 pic.twitter.com/JLkjh9jjW7

— Rajasthan Royals (@rajasthanroyals) August 23, 2024

ರಾಜಸ್ಥಾನ ಕ್ಯಾಪ್ಟನ್ ಆಗಿ ಸ್ಯಾಮ್ಸನ್​
2021 ರಲ್ಲಿ ಸ್ಯಾಮ್ಸನ್​ ನಾಯಕತ್ವದಲ್ಲಿ ರಾಜಸ್ಥಾನ ತಂಡ 7ನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು. ಮುಂದಿನ ಸೀಸನ್​ನಲ್ಲಿ ಬೌನ್ಸ್​​​​ಬ್ಯಾಕ್ ಮಾಡಿ ರನ್ನರ್​​ಅಪ್​​​​ ಆಯ್ತು. 2023ನೇ ಐಪಿಎಲ್​ನಲ್ಲಿ 5ನೇ ಸ್ಥಾನ ಪಡೆದ್ರೆ, ಕಳೆದ ಸೀಸನ್​​ನಲ್ಲಿ ಪ್ಲೇ ಆಫ್​​​​ಗೆ ಎಂಟ್ರಿಕೊಟ್ಟಿತು. ಒಟ್ಟಿನಲ್ಲಿ, ಒಂದೆಡೆ ಸಿಎಸ್​ಕೆ ಸಂಜು ಸ್ಯಾಮ್ಸನ್​ಗೆ ಗಾಳ ಹಾಕಿದೆ ಅನ್ನೋ ಸುದ್ದಿ ಹೊರ ಬಿದ್ದಾಗಲೇ, ರಾಜಸ್ಥಾನ ಫ್ರಾಂಚೈಸಿ ನಾಯಕನ ಪೋಸ್ಟ್ ಹಾಕಿ ಮೇಜರ್​ ಮಿಸ್ಸಿಂಗ್ ಅಂತ ಬರೆದುಕೊಂಡಿದೆ. ಈ ಮೂಲಕ ಫ್ಯಾನ್ಸ್​ ತಲೆಯಲ್ಲಿ ಹುಳ ಬಿಟ್ಟಿದೆ. ಈ ಸುದ್ದಿ ಎಷ್ಟು ನಿಜವಾಗುತ್ತೆ ಅನ್ನೋದಕ್ಕೆ ಕಾಲವೇ ಉತ್ತರ ನೀಡಲಿದೆ.

ಇದನ್ನೂ ಓದಿ:ಕೊಹ್ಲಿ, ರೋಹಿತ್​​ ಅಷ್ಟೇ ಅಲ್ಲ.. ಟೀಂ ಇಂಡಿಯಾಗೆ ನೇರ ಎಚ್ಚರಿಕೆ ಕೊಟ್ಟ ಬಾಂಗ್ಲಾದ ತ್ರಿಮೂರ್ತಿಗಳು..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ