ವಿಶ್ವಕಪ್​ ತಂಡದಲ್ಲಿ ಯಾರಿಗೆ ಚಾನ್ಸ್​?

ಇಂಪ್ರೆಸ್​​​ ಮಾಡಿದ ಇಶಾನ್​ ಕಿಶನ್​ ಕಥೆ ಏನು? ​

ಕುಲ್​​ದೀಪ್​ ಯಾದವ್​​ಗೆ ಚಾನ್ಸ್​ ಸಿಗುತ್ತಾ?

ವಿಶ್ವಕಪ್​ ಟೂರ್ನಿಗೆ ಟೀಮ್​ ಇಂಡಿಯಾ ಸೆಲೆಕ್ಷನ್​ ಸದ್ಯ ದೊಡ್ಡ ತಲೆ ನೋವಾಗಿ ಪರಿಣಮಿಸಿದೆ. ಯಾರನ್ನ ಸೆಲೆಕ್ಟ್​ ಮಾಡಬೇಕು? ಯಾರನ್ನ ಬಿಡಬೇಕು ಅನ್ನೋದು ಬಿಡಿಸಲಾಗದ ಪ್ರಶ್ನೆಯಾಗಿದೆ. ಇರೋ ಸಮಸ್ಯೆಗೇ ಪರಿಹಾರ ಸಿಕ್ಕಿಲ್ಲ. ಇದೀಗ ಯಂಗ್​​ಸ್ಟರ್​​ಗಳ ಆಟ ಹೊಸ ಗೊಂದಲ ಸೃಷ್ಟಿಸಿದೆ. ಕ್ಯಾಪ್ಟನ್-ಕೋಚ್​​ ಇಕ್ಕಟ್ಟಿಗೆ ಸಿಲುಕಿದ್ದಾರೆ.

ಏಕದಿನ ವಿಶ್ವಕಪ್​ ಮಹಾಸಮರಕ್ಕೆ ಕೆಲವೇ ದಿನಗಳು ಬಾಕಿ. ವಿಶ್ವದ ಎಲ್ಲಾ ತಂಡಗಳ ಸಿದ್ಧತೆ ಪ್ರತಿಷ್ಟೆಯ ಕದನಕ್ಕೆ ಜೋರಾಗಿದೆ. ಒಂದೆಜ್ಜೆ ಮುಂದೆ ಹೋಗಿರುವ ಆಸ್ಟ್ರೇಲಿಯಾ ಸಂಭಾವ್ಯ ತಂಡವನ್ನೇ ಆಯ್ಕೆ ಮಾಡಿದೆ. ಆದ್ರೆ, ಟೀಮ್​ ಇಂಡಿಯಾಗೆ ಸೆಲೆಕ್ಷನ್​ ದೊಡ್ಡ ತಲೆ ನೋವಾಗಿ ಪರಿಣಮಿಸಿದೆ.

ಕೋಚ್-ಕ್ಯಾಪ್ಟನ್​ಗೆ ಹೆಚ್ಚಾಗ್ತಿದೆ ತಲೆಬಿಸಿ

ಕೆ.ಎಲ್.ರಾಹುಲ್​, ಜಸ್​ಪ್ರಿತ್​ ಬೂಮ್ರಾ, ಶ್ರೇಯಸ್​ ಅಯ್ಯರ್​ ಇವರೆಲ್ಲರ ಫೈನಲ್​ ಫಿಟ್​ನೆಸ್​ ರಿಪೋರ್ಟ್​ಗಾಗಿ ಸೆಲೆಕ್ಷನ್​ ಕಮಿಟಿ ಹಾಗೂ ಟೀಮ್​ ಮ್ಯಾನೇಜ್​ಮೆಂಟ್​ ಕಾದು ಕುಳಿತಿದೆ. ಈ ಮೂವರ ಲಭ್ಯತೆ, ಅಲಭ್ಯತೆಯ ಬಗ್ಗೆ ಪ್ರಶ್ನೆ ಇರೋವಾಗ್ಲೆ, ಯಂಗ್​​ಸ್ಟರ್ಸ್​​ ತಲೆ ನೋವನ್ನ ಇನ್ನಷ್ಟು ಹೆಚ್ಚು ಮಾಡಿದ್ದಾರೆ. ಇವರನ್ನ ಸೆಲೆಕ್ಟ್​ ಮಾಡೋದಾ ಅಥವಾ ಡ್ರಾಪ್​ ಮಾಡೋದಾ ಅನ್ನೋ ಪ್ರಶ್ನೆಗೆ ಕ್ಯಾಪ್ಟನ್​-ಕೋಚ್​ ಬಳಿ ಉತ್ತರವಿಲ್ಲ.

ಇಂಪ್ರೆಸ್​​​ ಮಾಡಿದ ಇಶಾನ್​ ಕಿಶನ್​ ಕಥೆ ಏನು? ​

ಆರಂಭದಲ್ಲಿ ವಿಶ್ವಕಪ್​ಗೆ ಮ್ಯಾನೇಜ್​ಮೆಂಟ್​ ಬ್ಲೂ ಪ್ರಿಂಟ್​ ರೆಡಿ ಮಾಡಿದಾಗ ಇಶಾನ್​ ಕಿಶನ್​ ಸ್ಟ್ರಾಂಡ್​ ಬೈ ಲಿಸ್ಟ್​ನಲ್ಲಿದ್ರು. ಆದ್ರೆ ವಿಂಡೀಸ್​ ವಿರುದ್ಧದ ಏಕದಿನ ಸರಣಿಯಲ್ಲಿ ಇಶಾನ್​ ಕಿಶನ್​ ಇಂಪ್ರೆಸ್ಸೀವ್​ ಪ್ರದರ್ಶನ ನೀಡಿದ ಮೇಲೆ ಎಲ್ಲಾ ಲೆಕ್ಕಾಚಾರ ತಲೆಕೆಳಗಾಗಿದೆ. ಏಕದಿನ ಫಾರ್ಮೆಟ್​ನಲ್ಲಿ​​ ಸಾಲಿಡ್​ ರೆಕಾರ್ಡ್​ ಹೊಂದಿರುವ ಕಿಶನ್​, ವಿಶ್ವಕಪ್​ ತಂಡದ ಬಾಗಿಲು ಬಡಿಯುತ್ತಿದ್ದಾರೆ.

ಕುಲ್​​ದೀಪ್​ ಯಾದವ್​​ಗೆ ಚಾನ್ಸ್​ ಸಿಗುತ್ತಾ.?

ವಿಶ್ವಕಪ್​ ತಂಡಕ್ಕೆ ಸ್ಪಿನ್ನರ್​ಗಳ ಆಯ್ಕೆ ದೊಡ್ಡ ತಲೆ ನೋವಾಗಿದೆ. ಆಲ್​​ರೌಂಡರ್​ ರವೀಂದ್ರ ಜಡೇಜಾಗೆ ಒಂದು ಸ್ಲಾಟ್​ ಫಿಕ್ಸ್​. ಇನ್ನುಳಿದ ಸ್ಥಾನಕ್ಕೆ ಪೈಪೋಟಿ ಜೋರಾಗಿದೆ. ಯುಜುವೇಂದ್ರ ಚಹಲ್​, ಅಕ್ಷರ್​ ಪಟೇಲ್​ ಜೊತೆಗೆ ಕುಲ್​​ದೀಪ್​ ಯಾದವ್​ ಕೂಡ ರೇಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ವಿಂಡೀಸ್​ ವಿರುದ್ಧ ಉತ್ತಮ ಪ್ರದರ್ಶನ ನೀಡಿರೋ ಕುಲ್​ದೀಪ್​ ಸ್ಥಾನ ಸಿಗುತ್ತಾ ಅನ್ನೋದು ಸದ್ಯದ ಪ್ರಶ್ನೆಯಾಗಿದೆ.

ರೇಸ್​ಗೆ ಎಂಟ್ರಿ ಕೊಟ್ಟ ತಿಲಕ್ ವರ್ಮಾ

ವಿಂಡೀಸ್​ ವಿರುದ್ಧದ ಟಿ20 ಸರಣಿಯಲ್ಲಿ ಬೊಂಬಾಟ್​ ಪ್ರದರ್ಶನ ನೀಡಿರುವ ತಿಲಕ್​ ವರ್ಮಾ ಕೂಡ ಆಯ್ಕೆಯ ರೇಸ್​​ಗಿಳಿದಿದ್ದಾರೆ. ಡೆಬ್ಯೂ ಸಿರೀಸ್​ನಲ್ಲೇ ತಿಲಕ್​​ ಅನುಭವಿಗಳೂ ನಾಚುವಂತಹ ಪರ್ಫಾಮೆನ್ಸ್​ ನೀಡಿದ್ದಾರೆ. ಮಿಡಲ್​ ಆರ್ಡರ್​ಗೆ ಕಾಡ್ತಿರೋ ಲೆಫ್ಟ್​ ಹ್ಯಾಂಡ್​ ಬ್ಯಾಟ್ಸ್​ಮನ್ ಕೊರತೆಯನ್ನ ನೀಗಿಸುವ ಸಾಮರ್ಥ್ಯ ತಿಲಕ್​ಗಿರೋದ್ರಿಂದ ಚಾನ್ಸ್​ ನೀಡ್ಬೇಕಾ? ಬೇಡ್ವಾ? ಎಂಬ ಪ್ರಶ್ನೆ ಕೋಚ್-ಕ್ಯಾಪ್ಟನ್​ ರನ್ನ ಕಾಡ್ತಿದೆ.

 

ವೇಗಿ ಮುಖೇಶ್​​ ಕುಮಾರ್​ಗೆ ಸ್ಥಾನ ಸಿಗುತ್ತಾ..?

ಟೀಮ್​ ಇಂಡಿಯಾಗೆ ಸೆಲೆಕ್ಟ್​ ಆದ ಮೊದಲ ಟೂರ್​ನಲ್ಲೇ ಮೂರೂ ಫಾರ್ಮೆಟ್​​ಗೆ ಡೆಬ್ಯೂ ಮಾಡಿರೋ ಮುಖೇಶ್​​ ಕುಮಾರ್​ ಕೂಡ ವಿಶ್ವಕಪ್​ ಆಡೋ ಕನಸು ಕಾಣ್ತಿದ್ದಾರೆ. ಕೆರಿಬಿಯನ್​ ನಾಡಲ್ಲಿ ನೀಡಿರುವ ಪರ್ಫಾಮೆನ್ಸ್​ ರೋಹಿತ್​ ಶರ್ಮಾ, ​​ ರಾಹುಲ್​ ದ್ರಾವಿಡ್​​ರನ್ನೂ ಇಂಪ್ರೆಸ್​ ಮಾಡಿದೆ. ಮುಖೇಶ್​ಗೆ ಸ್ಥಾನ ನೀಡಿದ್ರೆ ಯಾರಿಗೆ ಕೊಕ್​ ಕೊಡೋದು ಅನ್ನೋದೇ ಸದ್ಯದ ಪ್ರಶ್ನೆಯಾಗಿದೆ.

ಜಯದೇವ್​ ಉನಾದ್ಕತ್​ ಕೂಡ ರೇಸ್​ನಲ್ಲಿ..!

ಕಮ್​ಬ್ಯಾಕ್​ ಕಿಂಗ್​ ಜಯದೇವ್​ ಉನಾದ್ಕತ್​ ಕೂಡ ವಿಶ್ವಕಪ್​ ಪ್ಲಾನ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ಎಡಗೈ ವೇಗಿ ಅನ್ನೋದು ಒಂದು ಅಡ್ವಾಂಟೇಜ್​ ಆದ್ರೆ, ಡೊಮೆಸ್ಟಿಕ್​ ಸರ್ಕ್ಯೂಟ್​​ನಲ್ಲಿ ಹೆಚ್ಚು ಪಂದ್ಯವನ್ನಾಡಿರುವ ಉನಾದ್ಕತ್​ಗೆ ಪಿಚ್​ ಹಾಗೂ ಪ್ಲೇಯಿಂಗ್​ ಕಂಡೀಷನ್ಸ್​​ ಬಗ್ಗೆ ಪಕ್ಕಾ ಮಾಹಿತಿಯಿದೆ. ಇದು ತಂಡಕ್ಕೆ ಪ್ಲಸ್​ ಪಾಯಿಂಟ್​ ಆಗೋದ್ರಲ್ಲಿ ಅನುಮಾನವೇ ಇಲ್ಲ..
ಇಷ್ಟು ದಿನ ಸೂರ್ಯ ಕುಮಾರ್​ ಯಾದವ್​ VS ಸಂಜು ಸ್ಯಾಮ್ಸನ್​ ಯಾರಿಗೆ ಚಾನ್ಸ್​ ನೀಡಬೇಕು ಅನ್ನೋ ಗೊಂದಲ ಮಾತ್ರವಿತ್ತು. ಇದೀಗ ಯಂಗ್​​ಸ್ಟರ್ಸ್​​ ಎಂಟ್ರಿ ಆಯ್ಕೆ ಸಮಸ್ಯೆಯನ್ನ ಮತ್ತಷ್ಟು ಹೆಚ್ಚಿಸಿದೆ. ಅಳೆದು ತೂಗಿ ಲೆಕ್ಕಾಚಾರ ಹಾಕಿ ಸೆಲೆಕ್ಷನ್​ ಕಮಿಟಿ ಹಾಗೂ ಟೀಮ್ ಮ್ಯಾನೇಜ್​ಮೆಂಟ್​​ ಯಾರಿಗೆ ಮಣೆ ಹಾಕ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.

ವಿಶೇಷ ವರದಿ: ವಸಂತ್​ ಮಳವತ್ತಿ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್