ಶಕ್ತಿ ಯೋಜನೆ ಸಕ್ಸಸ್ ಬೆನ್ನಲ್ಲೇ ಮತ್ತೊಂದು ಮಾಸ್ಟರ್ ಪ್ಲಾನ್​

ಆಗಸ್ಟ್​ 1 ರಿಂದ ಹೊಸ ನಿಯಮ ಜಾರಿಗೆ ತರಲಿರುವ KSRTC

ಆದಾಯ ಹೆಚ್ಚಿಸಿಕೊಳ್ಳಲು KSRTC ಹೊಸ ಹೊಸ ತಂತ್ರ

ಬೆಂಗಳೂರು: ಶಕ್ತಿ ಯೋಜನೆಯ ಎಫೆಕ್ಟ್ ಆದಾಯದ ಮೂಲ ಹೆಚ್ಚಿಸಲು KSRTC ಮಾಸ್ಟರ್ ಪ್ಲಾನ್​​ವೊಂದನ್ನು ಮಾಡಿದೆ. ಈಗಾಗಲೇ ನಷ್ಟದಿಂದ ಕೊಂಚ ರಿಲ್ಯಾಕ್ಸ್​​ ಆಗಿರೋ ಕೆಎಸ್​ಆರ್​​ಟಿಸಿ ಈಗ ಒಪ್ಪಂದದ ಬಸ್​ಗಳ ದರ ಪರಿಷ್ಕರಣೆಗೆ ಮುಂದಾಗಿದೆ.

ಹೊಸ ಆದೇಶವೊಂದನ್ನ ಕೆಎಸ್​ಆರ್​ಟಿಸಿ ಹೊರಡಿಸಿದ್ದು, KSRTC ಸಾಮಾನ್ಯ ಬಸ್, ರಾಜಹಂಸ ಎಕ್ಸಿಕ್ಯೂಟಿವ್, ರಾಜಹಂಸ ಸೇರಿದಂತೆ 7 ವಿವಿಧ ರೀತಿಯ ಒಪ್ಪಂದದ ಮೇರೆಗೆ ಸಂಚಾರ ಮಾಡುವ ಬಸ್​ಗಳ ದರ ಪರಿಷ್ಕರಣೆ ಮಾಡಿದೆ. ಈ ಪರಿಷ್ಕೃತ ದರ ಆಗಸ್ಟ್ ಒಂದನೇ ತಾರೀಖಿನಿಂದ ಜಾರಿಯಾಗಲಿದೆ.

55 ಆಸನದ ಕರ್ನಾಟಕ ಸಾರಿಗೆ ಬಸ್ಸಿನಲ್ಲಿ​​ ಒಂದು ದಿನಕ್ಕೆ 350 ಕಿಲೋಮೀಟರ್​ ಓಡಾಡಲು ರಾಜ್ಯದೊಳಗಿದ್ರೆ 47 ರೂಪಾಯಿ ಆಗುತ್ತದೆ. ಹೊರ ರಾಜ್ಯವಾದ್ರೆ 50 ರೂಪಾಯಿ ಕೊಡಬೇಕಾಗುತ್ತೆ. ರಾಜಹಂಸ ಎಕ್ಸಿಕ್ಯೂಟಿವ್ ಬಸ್​ 36 ಆಸನಗಳುಳ್ಳ ಈ ಬಸ್​​ಗೆ ದಿನಕ್ಕೆ 350 ಕಿಲೋಮೀಟರ್​ ಸಂಚಾರ ಮಾಡುತ್ತೆ. ಇದಕ್ಕೆ ರಾಜ್ಯದೊಳಗಾದ್ರೆ ಕಿಲೋ ಮೀಟರ್​ಗೆ 48 ರೂಪಾಯಿ ಹೊರ ರಾಜ್ಯಕ್ಕಾದ್ರೆ 53ರೂಪಾಯಿ ಕೊಡಬೇಕಾಗುತ್ತೆ. 39 ಆಸನದ ರಾಜಹಂಸ ಬಸ್​ ದಿನಕ್ಕೆ 350 ಕಿಲೋ ಮೀಟರ್​ ಓಡಲಿದೆ. ರಾಜ್ಯದೊಳಗಾದ್ರೆ ಕಿಲೋ ಮೀಟರ್​ಗೆ 51ರೂಪಾಯಿ ಆದ್ರೆ ಹೊರ ರಾಜ್ಯಕ್ಕೆ ಹೋಗೋದಾದ್ರೆ 55ರೂಪಾಯಿ ಕೊಡಬೇಕು.

42 ಆಸನದ ಸೆಮಿ ಲೋ ಫ್ಲೋರ್ ಬಸ್​​ ಪ್ರತಿ ದಿನ 300 ಕಿಲೋ ಮೀಟರ್​ ಸಂಚರಿಸಲಿದೆ. ಇದು ರಾಜ್ಯದೊಳಗೆ ಸಂಚರಿಸಲು ಕಿಲೋ ಮೀಟರ್​​ಗೆ 45ರೂಪಾಯಿ ನಿಗದಿ ಪಡಿಸಲಾಗಿದೆ. 30 ಆಸನಗಳಿರುವ ಮಿಡಿ ಬಸ್ ಇದು ರಾಜ್ಯದೊಳಗೆ ಮಾತ್ರ ಸಂಚರಿಸಲಿದ್ದು ದಿನಕ್ಕೆ 300 ಕಿಲೋಮೀಟರ್​ ಸಂಚರಿಸಲಿದೆ. ಇದಕ್ಕೆ ಕಿಲೋ ಮೀಟರ್​ಗೆ 40ರೂಪಾಯಿ ನಿಗದಿಪಡಿಸಲಾಗಿದೆ. ಇನ್ನು 32 ಆಸನಗಳುಳ್ಳ ನಾನ್ ಎಸಿ ಸ್ಲೀಪರ್ ಬಸ್​ ನಿತ್ಯ 400 ಕಿಲೋಮೀಟರ್​ ಸಂಚಾರ ಮಾಡುತ್ತೆ. ರಾಜ್ಯದೊಳಗೆ ಸಂಚಾರ ಮಾಡೋದಾದರೆ 55 ರೂಪಾಯಿ, ಹೊರರಾಜ್ಯಕ್ಕಾದ್ರೆ 60 ರೂಪಾಯಿ ನಿಗಧಿಪಡಿಸಲಾಗಿದೆ.

ಈ ಬಗ್ಗೆ ನಿಮಗೆ ತಿಳಿದಿರಲಿ ಈ ಆದೇಶಕ್ಕೂ ಮುನ್ನ ಬುಕ್ಕಿಂಗ್ ಮಾಡಿರುವ ಒಪ್ಪಂದದ ಬಸ್​ಗಳಿಗೆ ಹಳೆಯ ದರ ಮುಂದುವರಿಯಲಿದೆ. ಆದೇಶದ ಬಳಿಕ ಅಂದರೆ ಇವತ್ತಿನಿಂದ ಬುಕ್ ಆಗೋ ಬಸ್​ಗಳಿಗೆ ಹೊಸ ದರ ಅನ್ವಯವಾಗುತ್ತೆ. ಒಟ್ಟಿನಲ್ಲಿ ಇನ್​ಕಂಗಾಗಿ ಕೆಎಸ್​ಆರ್​ಟಿಸಿ ಒಪ್ಪಂದದ ಬಸ್​ಗಳಿಗೆ ಬೆಲೆ ಹೆಚ್ಚಿಸಿದೆ. ಇದು ಯಾವ ರೀತಿ ಪರಿಣಾಮ ಬೀರುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ