ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾಗೆ ಮತ್ತೆ ಇಡಿ ಶಾಕ್​! ಜುಹು ನಿವಾಸದ ಇಂಚಿಂಚೂ ಜಾಲಾಡುತ್ತಿರುವ ಆಫೀಸರ್ಸ್‌!

ಜಾರಿ ನಿರ್ದೇಶನಾಲಯ ಇಂದು ಮುಂಬೈನಲ್ಲಿ ಶಿಲ್ಪಾ ಶೆಟ್ಟಿ ಪತಿ ರಾಜ್​ ಕುಂದ್ರಾಗೆ ಸಂಬಂಧಿಸಿದ ಹಲವು ಜಾಗಗಳಲ್ಲಿ ದಾಳಿಯಿಟ್ಟಿದೆ. ಜೊತೆಗೆ ಶಿಲ್ಪಾ ಶೆಟ್ಟಿ ನಿವಾಸ ಜುಹು ಮೇಲೆಯೂ ಕೂಡ ದಾಳಿ ಮಾಡಿದೆ. ಅಕ್ರಮ ಹಣ ವರ್ಗಾವಣೆ ಆರೋಪ ಹಾಗೂ ಅಶ್ಲೀಲ ಚಿತ್ರ ತಯಾರಿಸಿ ಮಾರಾಟ ಮಾಡುತ್ತಿರುವ ಆರೋದಡಿಯಲ್ಲಿ ಈ ಒಂದು ಇಡಿ ರೇಡ್ ನಡೆದಿದೆ ಎನ್ನಲಾಗಿದೆ.

ಮೂಲಗಳು ನೀಡಿರುವ ಮಾಹಿತಿ ಪ್ರಕಾರ ಈ ಜೋಡಿ ನಿವಾಸದ ಮೇಲೆ ಇಡಿ ದಾಳಿಯಿಟ್ಟಿದ್ದು ರಾಜ್ ಕುಂದ್ರಾ ಹಾಗೂ ಶಿಲ್ಪಾ ಶೆಟ್ಟಿಗೆ ಶಾಕ್ ನೀಡಿದೆ. ರಾಜ್ ಕುಂದ್ರಾ ಈ ಹಿಂದೆ ಅಂದ್ರೆ 2021ರಲ್ಲಿ ಮುಂಬೈ ಪೊಲೀಸರಿಂದ ಬಂಧನಕ್ಕೆ ಒಳಗಾಗಿ ಸದ್ಯ ಜಾಮೀನಿನ ಮೇಲೆ ಆಚೆ ಇದ್ದಾರೆ. ಸದ್ಯ ಅಕ್ರಮವಾಗಿ ಹಣ ವರ್ಗಾವಣೆ ಹಾಗೂ ಅಜಯ್ ಭಾರದ್ವಾಜ್ ಜೊತೆ ಸೇರಿ ಬಿಟ್​ಕ್ವಾಯಿನ್ ವಂಚನೆಯ ಆರೋಪವೂ ಕೂಡ ರಾಜ್ ಕುಂದ್ರಾ ಮೇಲಿದೆ. ಇಡಿ ಶಿಲ್ಪಾ ಶೆಟ್ಟಿಯವರ ಜುಹು ಮನೆಯನ್ನು ಸಂಪೂರ್ಣವಾಗಿ ವಶಕ್ಕೆ ತೆಗೆದುಕೊಂಡಿದ್ದು ಶೋಧ ಕಾರ್ಯವನ್ನು ನಡೆಸಿದ್ದಾರೆ.

ಇದನ್ನೂ ಓದಿ:ಮಾಲ್​​ನಲ್ಲಿ LED ಟಿವಿ, ಫ್ರಿಡ್ಜ್​ಗಳನ್ನ ಪೀಸ್ ಪೀಸ್ ಮಾಡಿದ ಉದ್ಯೋಗಿ.. ಲಕ್ಷಾಂತರ ರೂಪಾಯಿ ನಷ್ಟ; ಅಸಲಿ ಕಾರಣ?

ಈ ಒಂದು ಆಸ್ತಿಯನ್ನು ಶಿಲ್ಪಾ ಶೆಟ್ಟಿ ಹೆಸರಿಗೆ ಮಾಡುವ ಮೊದಲು ರಾಜ್ ಕುಂದ್ರಾ ಬಿಟ್​​ ಕ್ವಾಯಿನ್ ಕೇಸ್​ನಲ್ಲಿ ಗಳಿಸಿದ ಹಣವನ್ನು ಈ ಒಂದು ಆಸ್ತಿ ಖರೀದಿಗೆ ಬಳಸಿದ್ದಾರೆ ಎಂಬ ಸಂಶಯದಡಿ ಶಿಲ್ಪಾ ಶೆಟ್ಟಿಯ ಜುಹು ಹೌಸ್​ ಮೇಲೆ ದಾಳಿಯಿಟ್ಟಿದೆ ಇಡಿ. ಇನ್ನು ವಯಸ್ಕರರ ಚಿತ್ರಗಳನ್ನು ಚಿತ್ರೀಕರಿಸಿದ ಆರೋಪದಲ್ಲಿ ರಾಜ್ ಕುಂದ್ರಾ ಮೇಲೆ ಹಲವು ಸೆಕ್ಷನ್​ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಇಂಡಿಯನ್ ಪಿನಲ್ ಕೋಡ್ ಸೇರಿದಂತೆ ಐಆರ್​ಡಬ್ಲ್ಯೂಎ ಅಡಿಯಲ್ಲಿಯೂ ಕೂಡ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಐಫೋನ್‌ಗಳ ಮೇಲೆ ಭಾರೀ ಡಿಸ್ಕೌಂಟ್‌.. ಭಾರತದಲ್ಲಿ ಅಮೆಜಾನ್ ಮೊದಲ ಬ್ಲ್ಯಾಕ್ ಫ್ರೈಡೇ ಸೇಲ್​; ಏನೆಲ್ಲಾ ಆಫರ್?

ಕೇಂದ್ರ ತನಿಖಾ ದಳ ಹೇಳುವ ಪ್ರಕಾರ, ಕುಂದ್ರಾ ತಾನು ಚಿತ್ರೀಕರಿಸಿದ ಅಶ್ಲಿಲ ವಿಡಿಯೋಗಳನ್ನು ಹಾಟ್​ಶಾಟ್ ಆ್ಯಪ್​ ಮೂಲಕ ಪ್ರಸಾರ ಮಾಡುತ್ತಿದ್ದರಂತೆ.ಈ ಆ್ಯಪ್​ನ್ನು ಇತ್ತೀಚೆಗೆ ಗೂಗಲ್ ಹಾಗೂ ಆ್ಯಪಲ್​ನಿಂದ ತೆಗೆದು ಹಾಕಲಾಗಿದೆ. ತನ್ನ ವಿಹಾನ್ ಇಂಡಸ್ಟ್ರೀಸ್ ಆಫೀಸ್​ನಿಂದಲೇ ಇವೆಲ್ಲವನ್ನು ನಿಯಂತ್ರಿಸುತ್ತಿದ್ದ ಕುಂದ್ರಾ ಯುಕೆ ಮೂಲದ ಕಂಪನಿಗಳಿಂದ ಕಂಟೆಂಟ್​ ಪೂರೈಕೆಯನ್ನು ಮಾಡಿಸಿಕೊಳ್ಳುತ್ತಿದ್ದರಂತೆ. 2019ರಲ್ಲಿ ಈ ಹಾಟ್​ಶಾಟ್ ಆ್ಯಪ್​ನ್ನು 25 ಸಾವಿರ ಯುಎಸ್​ ಡಾಲರ್​ಗೆ ಮಾರಿದ್ದೇನೆ ಎಂದು ಕೂಡ ರಾಜ್ ಕುಂದ್ರಾ ತನಿಖಾ ಸಂಸ್ಥೆಯ ಎದುರು ಹೇಳಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ