ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಯಿತು ಶಿವಮೊಗ್ಗ ಏರ್​ಪೋರ್ಟ್

ಬೆಂಗಳೂರಿನಿಂದ ನೇರ ಶಿವಮೊಗ್ಗಕ್ಕೆ ವಿಮಾನಯಾನ ಶುರು..!

ದಿನಕ್ಕೆ ಎರಡು ಬಾರಿ ಓಡಾಟ, ಈಗಾಗಲೇ ಮುಂಗಡ ಬುಕ್ಕಿಂಗ್

ಶಿವಮೊಗ್ಗ: ಮಲೆನಾಡಿನ ಹೆಬ್ಬಾಗಿಲು ಇಂದು ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಗಿದ್ದು ಮೊದಲ ಇಂಡಿಗೋ ವಿಮಾನವು ಬೆಂಗಳೂರಿನಿಂದ ಶಿವಮೊಗ್ಗದ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದೆ.

The first Indigo flight to arrive at the Shivamogga Airport.
welcomed through a water salute… pic.twitter.com/WTq7E9E5DA

— M B Patil (@MBPatil) August 31, 2023

ಬೆಂಗಳೂರು ವಿಮಾನ ನಿಲ್ದಾಣದಿಂದ ಟೇಕಾಫ್ ಆಫ್ ಆದ ಇಂಡಿಗೋ ವಿಮಾನವು 72 ನಾಗರಿಕರನ್ನು ಹೊತ್ತುಕೊಂಡು ಶಿವಮೊಗ್ಗ ವಿಮಾನ ನಿಲ್ದಾಣಕ್ಕೆ ಬಂದು ಲ್ಯಾಂಡ್ ಆಯಿತು. ಈ ವೇಳೆ ವಿಮಾನದಲ್ಲಿ ಬೃಹತ್ ಮತ್ತು ಸಣ್ಣ ಕೈಗಾರಿಕೆ ಸಚಿವ ಎಂಬಿ ಪಾಟೀಲ್, ಮಾಜಿ ಸಿಎಂ ಬಿಎಸ್​ ಯಡಿಯೂರಪ್ಪ, ಸಂಸದ ಬಿ.ಬೈ ರಾಘವೇಂದ್ರ, ಶಾಸಕರಾದ ಆರಗ ಜ್ಞಾನೇಂದ್ರ, ಬಿ.ವೈ ವಿಜಯೇಂದ್ರ, ಮಾಜಿ ಎಂಎಲ್​ಎ ಹರತಾಳು ಹಾಲಪ್ಪ ಸೇರಿದಂತೆ ಇತರೆ ಗಣ್ಯರು ಬಂದಿಳಿದರು.

ಶಿವಮೊಗ್ಗಕ್ಕೆ ಬಂದಿಳಿದ ಮೊದಲ ವಿಮಾನದಲ್ಲಿ ಬೆಂಗಳೂರಿನಿಂದ ಮಾಜಿ ಸಿಎಂ ಯಡಿಯೂರಪ್ಪ, ಸಚಿವ ಎಂ.ಬಿ ಪಾಟೀಲ್, ಸಂಸದ ಬಿ.ವೈ.ರಾಘವೇಂದ್ರ, ಮಾಜಿ ಸಚಿವ ಈಶ್ವರಪ್ಪ, ಆರಗಜ್ಞಾನೇಂದ್ರ ಸೇರಿ ಹಲವರು ಪ್ರಯಾಣ ಮಾಡಿದ್ದಾರೆ.@BSYBJP @BYVijayendra @MBPatil#BSY #MBPatil #BYVijayendra #ShivamoggaAirport #NewsFirstKannada pic.twitter.com/mTyZR4Aupq

— NewsFirst Kannada (@NewsFirstKan) August 31, 2023

ಶಿವಮೊಗ್ಗ ಹಾಗೂ ಬೆಂಗಳೂರು ನಡುವಿನ ವಿಮಾನ ಹಾರಾಟ ಇಂದಿನಿಂದ ಅಧಿಕೃತವಾಗಿ ಶುರುವಾಗಿದೆ. ಇಂದು ಮಾತ್ರ 20 ನಿಮಿಷ ಮೊದಲೇ ಶಿವಮೊಗ್ಗದ ವಿಮಾನ ನಿಲ್ದಾಣಕ್ಕೆ ಬಂದು ಮೊದಲ ವಿಮಾನ ಲ್ಯಾಂಡ್ ಆಗಿದೆ. ಶಿವಮೊಗ್ಗ ಟು ಬೆಂಗಳೂರು ನಡುವೆ ದಿನಕ್ಕೆ 2 ಬಾರಿ ವಿಮಾನ ಸೇವೆ ಇರಲಿದೆ. ವಿಮಾನ ಪ್ರಯಾಣ ಮಾಡಲು ಉತ್ಸುಕರಾಗಿರುವ ಜನರು ಹೆಚ್ಚಿನ ಪ್ರಮಾಣದಲ್ಲಿ ಮುಂಗಡವಾಗಿ ಆನ್‌ಲೈ​ನ್‌ನಲ್ಲಿ ಬುಕ್ಕಿಂಗ್​ ಮಾಡುತ್ತಿದ್ದಾರೆ. ಶಿವಮೊಗ್ಗ ಶಾಸಕ ಚೆನ್ನಬಸಪ್ಪ, ಚೇಂಬರ್​ ಆಫ್​ ಕಾಮರ್ಸ್​ ಅಧ್ಯಕ್ಷ ಗೋಪಿನಾಥ್​, ಎಂಎಲ್​ಸಿ ಅರುಣ್​ ಸೇರಿದಂತೆ ಹಲವರು ಮೊದಲ ವಿಮಾನದಲ್ಲಿ ಪ್ರಯಾಣ ಮಾಡಿ ಖುಷಿ ವ್ಯಕ್ತಪಡಿಸಿದರು.

What a sense of fulfillment!

Deeply indebted to my destiny & PM Sri @narendramodi ji, Sri @AmitShah ji, Sri @BSYBJP, Sri @JM_Scindia for making me a part of efforts to put Shivamogga in India’s Air travel map.

The first flight has brought with it new dreams. Thank you@IndiGo6E pic.twitter.com/pSn14IhByy

— B Y Raghavendra (@BYRBJP) August 31, 2023

ಇನ್ನು ಏರ್​ಪೋರ್ಟ್​ಗೆ ವಿಮಾನ ಬಂದು ಲ್ಯಾಂಡ್ ಆಗುತ್ತಿದ್ದಂತೆ ಎರಡು ಫೈರ್​ ಇಂಜಿನ್ ವಾಹನಗಳು ವಾಟರ್ ಸೆಲ್ಯೂಟ್ ಮಾಡಿರುವುದು ನೋಡುಗರ ಗಮನ ಸೆಳೆಯಿತು. ಶಿವಮೊಗ್ಗಕ್ಕೆ ಬಂದ ಮೊದಲ ವಿಮಾನದಲ್ಲಿ ಪ್ರಯಾಣ ಮಾಡಿದಂತ ಸಚಿವರು, ಶಾಸಕರು ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾದಲ್ಲಿ ಫೋಟೋಗಳನ್ನು ಶೇರ್ ಮಾಡಿ ಖುಷಿ ವ್ಯಕ್ತಪಡಿಸಿದ್ದಾರೆ.

ಇನ್ನು ಮಾಜಿ ಸಿಎಂ ಬಿಎಸ್​ ಯಡಿಯೂರಪ್ಪರ ಕನಸಿನ ಕೂಸು ಆಗಿದ್ದ ಈ ವಿಮಾನ ನಿಲ್ದಾಣವನ್ನು ಫೆಬ್ರುವರಿಯಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ಪ್ರಧಾನಿ ಮೋದಿಯವರು ಉದ್ಘಾಟನೆ ಮಾಡಿದ್ದರು. ಆಗ ಪ್ರಧಾನಿ ಮೋದಿಯವರು ಮಾತನಾಡಿ, ಈ ವಿಮಾನ ನಿಲ್ದಾಣವು ಕರ್ನಾಟಕದ ಸಂಪ್ರದಾಯ ಮತ್ತು ತಂತ್ರಜ್ಞಾನದ ಸಂಯೋಜನೆ ಒಳಗೊಂಡು ನಿರ್ಮಾಣವಾಗಿದೆ. ಯುವಕರು ಹೊಸ ಕನಸುಗಳನ್ನು ಕಟ್ಟಿಕೊಳ್ಳಬಹುದು ಎಂದು ಹೇಳಿದ್ದಾರೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​