ಬಿಬಿಎಂಪಿ ಪಶುಸಂಗೋಪನೆ ಇಲಾಖೆಯಿಂದ ಮಾರ್ಗಸೂಚಿ!

ಇನ್ಮುಂದೆ ನಿಮ್ಮ ಮನೆಗಳಲ್ಲಿ ಬೇಕಾ‌ ಬಿಟ್ಟಿಯಾಗಿ ಶ್ವಾನ ಸಾಕಾಂಗಿಲ್ಲ!

ನಾಯಿ ಸಾಕಲು ಮತ್ತು ಮಾರಾಟ ಮಾಡಲು ಕಡ್ಡಾಯವಾಗಿ ಅನುಮತಿ

ಬೆಂಗಳೂರು: ನಾನೇನು ಮಾಡ್ಲಿ ಸ್ವಾಮಿ ನನ್​ ಹುಡ್ಗಿ ನಾಯಿ ಪ್ರೇಮಿ, ಹೌದು​ ಸಿಲಿಕಾನ್​ ಸಿಟಿ ಮಂದಿಯೂ ಒಂಥರಾ ನಾಯಿ ಪ್ರೇಮಿಗಳೇ. ಮುದ್ದು ಮುದ್ದಾದ​ ಪಪ್ಪಿಗಳನ್ನು ಕಂಡರೆ ಎಲ್ಲಿಲ್ಲದಂತಹ ಪ್ರೀತಿ. ನಾಯಿಗಾಗಿ ಪ್ರಾಣವನ್ನೇ ಬಿಡ್ತಾರೆ. ಹೀಗೆ ಪ್ರಾಣಿ ಪ್ರಿಯರಿಗೆ ಇಲ್ಲೊಂದು ಶಾಕಿಂಗ್ ನ್ಯೂಸ್ ಇದೆ. ಆದರೆ ಇನ್ಮುಂದೆ ಶ್ವಾನಗಳನ್ನು ಸಾಕಬೇಕು ಅಂದ್ರೆ ಪಾಲಿಸಬೇಕಂತೆ ಈ ಶಿಫ್ಟ್ ಚಾರ್ಟ್‌. ನಾಯಿಯನ್ನು ಸಾಕಲು ಹೊಸ ರೂಲ್ಸ್​ಗಳನ್ನು ಜಾರಿ ಮಾಡಲಾಗಿದೆ. ಬಿಬಿಎಂಪಿ ಪಶುಸಂಗೋಪನೆ ಇಲಾಖೆಯಿಂದ ಪ್ರತ್ಯೇಕ‌ ಮಾರ್ಗ ಸೂಚಿ ಬಿಡುಗಡೆಗೆ ಸಿದ್ಧತೆ ನಡೆಸಲಾಗುತ್ತಿದೆ.

ಬಿಬಿಎಂಪಿ ಪಶುಸಂಗೋಪನೆ ಇಲಾಖೆಯಿಂದ ಮಾರ್ಗಸೂಚಿ ಸಾಧ್ಯತೆ?

• ಒಂದು ಮನೆಯಲ್ಲಿ‌ ಗರಿಷ್ಠ ಎಷ್ಟು ನಾಯಿಗಳನ್ನ ಸಾಕಬಹುದು?
• ಮಲ ಮೂತ್ರ ವಿಸರ್ಜನೆಗೆ ಎಷ್ಟು ಗಂಟೆಗೆ ಮನೆಯಿಂದ‌ ಹೊರಗಡೆ ಕರೆದುಕೊಂಡು ಹೋಗಬೇಕು?
• ನೆರೆ ಹೊರೆಯವರಿಗೆ ತೊಂದ್ರೆಯಾಗದಂತೆ ಏನೇನ್‌ ಕ್ರಮ ತೆಗೆದುಕೊಳ್ಳಬೇಕು?
• ನಾಯಿ ಸಾಕಲು ಮತ್ತು ಮಾರಾಟ ಮಾಡಲು ಕಡ್ಡಾಯವಾಗಿ ಅನುಮತಿ ಪಡೆಯೋದು
• ನಾಯಿಗಳಿಗೆ ಕಡ್ಡಾಯವಾಗಿ ರೇಬಿಸ್ ಲಸಿಕೆ ಹಾಕಿಸಿರಬೇಕು

ಯಾಕೆ ಈ ಮಾರ್ಗಸೂಚಿ?

• ನಗರದಲ್ಲಿ ಶ್ವಾನ ಸಾಕುವವರ ಸಂಖ್ಯೆ ದಿನದಿಂದ ಹೆಚ್ಚಾಗಿದೆ
• ವಿವಿಧ ತಳಿಗಳ ನಾಯಿಗಳ ಖರೀದಿ ಮತ್ತು ಮಾರಾಟ ಪ್ರಕ್ರಿಯೆ ಸಹ ಹೆಚ್ಚಾಗುತ್ತಿದೆ
• ಸಾಕು ನಾಯಿಗಳಿಂದ ಅಕ್ಕ ಅಕ್ಕದ ನಿವಾಸಿಗಳಿಗೂ ತೊಂದ್ರೆಯಾಗ್ತಿರುವ ಬಗ್ಗೆ ದೂರು
• ಇತ್ತೀಚಿಗಷ್ಟೇ ನಟ ದರ್ಶನ್ ಮನೆಯ ಸಾಕು ನಾಯಿ ಮಹಿಳೆಯ ಮೇಲೆ ಅಟ್ಯಾಕ್ ಮಾಡಿರುವ ಆರೋಪ ಕೇಳಿ ಬಂದಿತ್ತು.
• ಈ ವಿಚಾರ ದೊಡ್ಡ ಮಟ್ಟದಲ್ಲಿ ಸಂಚಲನ ಸೃಷ್ಟಿಸಿದ್ದು, ಎಫ್ಐಆರ್ ಕೂಡ ದಾಖಲಾಗಿದೆ

ಒಟ್ಟಾರೆಯಾಗಿ ಈ ಮೇಲಿನ ಎಲ್ಲಾ ಸಮಸ್ಯೆಗೆ ಬ್ರೇಕ್ ಹಾಕಲು ಬಿಬಿಎಂಪಿ ಪಶು ಸಂಗೋಪನೆ ಇಲಾಖೆಯಿಂದ ಪ್ರತ್ಯೇಕ‌ ಮಾರ್ಗ ಸೂಚಿ ಬಿಡುಗಡೆಗೆ ಪ್ಲಾನ್ ನಡೆಸಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ