ಭಾರತ-ನ್ಯೂಜಿಲೆಂಡ್ ನಡುವೆ ನಡೆಯುತ್ತಿರುವ ವಿಶ್ವಕಪ್ ಪಂದ್ಯ

ಶ್ರೇಯಸ್​​ನ ಸೂಪರ್ ಕ್ಯಾಚ್​ಗೆ ಸ್ಟೇಡಿಯಂಲ್ಲಿದ್ದ ಫ್ಯಾನ್ಸ್​ ಫಿದಾ!

2023ರ ವಿಶ್ವಕಪ್​ನಲ್ಲಿ ಮುಖಾಮುಖಿಯಾದ ನ್ಯೂಜಿಲೆಂಡ್-ಭಾರತ​

ಧರ್ಮಶಾಲಾ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಭಾರತ-ನ್ಯೂಜಿಲೆಂಡ್​ ನಡುವಿನ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ಟೀಮ್ ಇಂಡಿಯಾ ಟಾಸ್​ ಗೆದ್ದುಕೊಂಡು ಫೀಲ್ಡಿಂಗ್ ಆಯ್ಕೆ ಮಾಡುಕೊಂಡಿದೆ. ಕಿವೀಸ್ ಬ್ಯಾಟಿಂಗ್​ ಮಾಡುತ್ತಿದ್ದು ಆರಂಭಿಕ ಆಘಾತಕ್ಕೆ ಒಳಗಾಗಿತ್ತು. ನ್ಯೂಜಿಲೆಂಡ್​ ಓಪನರ್​ ಡೆವೊನ್ ಕಾನ್ವೆ ಬಾರಿಸಿದ ಚೆಂಡನ್ನು ಸಖತ್ ಆಗಿ ಡೈವ್ ಮಾಡಿ ಶ್ರೇಯಸ್ ಅಯ್ಯರ್​ ಕ್ಯಾಚ್​ ಹಿಡಿದು ಶಾಕ್ ಕೊಟ್ಟಿದ್ದಾರೆ. ​

ತಂಡದ 4ನೇ ಓವರ್​ ಮಾಡಲು ಬಂದ ಮೊಹಮ್ಮದ್​ ಸಿರಾಜ್ 3ನೇ ಬೌಲ್ ಅನ್ನು ಹಾಕಿದರು. ಈ ವೇಳೆ ಸ್ಟ್ರೈಕ್​ನಲ್ಲಿದ್ದ ಡೆವೊನ್ ಕಾನ್ವೆ ಚೆಂಡನ್ನು ಬೌಂಡರಿಗೆ ಬಾರಿಸಲು ಜೋರಾಗಿ ಹೊಡೆದರು. ಆದರೆ ಫೀಲ್ಡಿಂಗ್ ಮಾಡುತ್ತಿದ್ದ ಶ್ರೇಯಸ್ ಅಯ್ಯರ್​ ಕ್ಷಣಾರ್ಧದಲ್ಲೇ ಕ್ಯಾಚ್ ಹಿಡಿದು ಮೇಲಕ್ಕೆ ಎಸೆದು ಸಂಭ್ರಮಿಸಿದರು. ಇತ್ತ ಬೌಲಿಂಗ್ ಮಾಡಿದ್ದ ಮೊಹಮ್ಮದ್ ಸಿರಾಜ್ ಮೈದಾನದಲ್ಲಿ ಸೆಲೆಬ್ರೆಟ್ ಮಾಡಿದರು.

Shreyas Spiderman Iyer. One of the safest hand in Indian Team. #ShreyasIyer #INDvNZ #INDvsNZpic.twitter.com/mRMpJsX7fa

— Yash Godara🇮🇳 (@iamyashgodara7) October 22, 2023

ಕ್ರೀಸ್​ಗೆ ಬಂದು 9 ಎಸೆತಗಳಲ್ಲಿ ಒಂದು ರನ್​ ಬಾರಿಸದೇ ಇನ್ನು ಸ್ಟ್ಯಾಂಡ್ ಆಗುತ್ತಿದ್ದ ಕಿವೀಸ್​ ಓಪನರ್​ ಡೆವೊನ್ ಕಾನ್ವೆ ಔಟ್​ ಆಗುತ್ತಿದ್ದಂತೆ ಭಾರೀ ನಿರಾಸೆಗೊಳಗಾದರು.​ ಇದರಿಂದ ಪ್ರಬಲ ಬ್ಯಾಟ್ಸ್​ಮನ್​ನನ್ನು ಕಳೆದುಕೊಂಡಿದ್ದರಿಂದ ನ್ಯೂಜಿಲೆಂಡ್​ ತಂಡಕ್ಕೆ ಬಹುದೊಡ್ಡ ಹೊಡೆತ ಬಿದ್ದಂತೆ ಆಯಿತು. ಇವರ ಬೆನ್ನಲ್ಲೇ ವಿಲ್ ಯಂಗ್​ ಕೂಡ 17 ರನ್​ಗೆ ಶಮಿ ಬೌಲಿಂಗ್​ನಲ್ಲಿ ಔಟ್ ಆಗಿ ಪೆವಿಲಿಯನ್​ಗೆ ಹೆಜ್ಜೆ ಹಾಕಿದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ