ಏಕದಿನ ವಿಶ್ವಕಪ್​​ ಟೂರ್ನಿಯಲ್ಲಿ ಟೀಂ ಇಂಡಿಯಾ ಭರ್ಜರಿ ಆಟ

ಟೀಂ ಇಂಡಿಯಾ ಫ್ಯಾನ್ಸ್​ಗೆ ನಿರಾಸೆ ಮೂಡಿಸುತ್ತಿರೋ ಅಯ್ಯರ್​​..!

ಶ್ರೇಯಸ್​ ಅಯ್ಯರ್​​​ ಪದೇ ಪದೇ ಅದೇ ತಪ್ಪು ಮಾಡ್ತಿರೋದ್ಯಾಕೆ?

ಸದ್ಯ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್​​ ಟೂರ್ನಿಯಲ್ಲಿ ಕ್ಯಾಪ್ಟನ್​​ ರೋಹಿತ್​ ಶರ್ಮಾ ನೇತೃತ್ವದ ಟೀಂ ಇಂಡಿಯಾ ಅಮೋಘ ಪ್ರದರ್ಶನ ನೀಡುತ್ತಿದೆ. ರೋಹಿತ್​ ಶರ್ಮಾ, ಕೆ.ಎಲ್​​ ರಾಹುಲ್​​​​, ವಿರಾಟ್​​ ಕೊಹ್ಲಿ ಹೊರತುಪಡಿಸಿ ಹಲವರು ಟೀಂ ಇಂಡಿಯಾ ಫ್ಯಾನ್ಸ್​ಗೆ ನಿರಾಸೆ ಮೂಡಿಸುತ್ತಲೇ ಇದ್ದಾರೆ.

ಹೌದು, ಇದುವರೆಗೂ ಶ್ರೇಯಸ್​ ಅಯ್ಯರ್​​ ಆಡಿದ ಎಲ್ಲಾ ವಿಶ್ವಕಪ್​​ ಪಂದ್ಯಗಳಲ್ಲೂ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​​​ ಮಾಡಿದ್ದಾರೆ. ಆದರೆ, ಹೇಳಿಕೊಳ್ಳುವಂತಹ ಪ್ರದರ್ಶನವೇನು ಶ್ರೇಯಸ್​​ ನೀಡುತ್ತಿಲ್ಲ. ಕಾರಣ ಅದೇ ಶಾರ್ಟ್​ ಬಾಲ್​ ಸಮಸ್ಯೆ.

ಬಹಳ ದಿನಗಳಿಂದ ಅಯ್ಯರ್​ಗೆ ಶಾರ್ಟ್​​ ಬಾಲ್​ ಸಮಸ್ಯೆ ಕಾಡುತ್ತಲೇ ಇದೆ. ನ್ಯೂಜಿಲೆಂಡ್​​ ವಿರುದ್ಧ ನಡೆದ ಪಂದ್ಯದಲ್ಲೂ ಅಯ್ಯರ್​​ ವೇಗಿ ಟ್ರೆಂಟ್ ಬೌಲ್ಟ್ ಎಸೆದ ಶಾರ್ಟ್​ ಬಾಲ್​ಗೆ ತುತ್ತಾದರು. ಅಯ್ಯರ್​ ಶಾರ್ಟ್​ ಬಾಲ್​ಗೆ ಔಟ್​ ಆಗುತ್ತಿರುವುದು ಇದು ಮೊದಲೇನಲ್ಲ, ಹಲವು ಬಾರಿ ಹೀಗೆ ಆಗಿದೆ.

ಅಸಲಿಗೆ ಆಗಿದ್ದೇನು..?

ಟ್ರೆಂಟ್ ಬೌಲ್ಟ್ ಎಸೆದ ಶಾರ್ಟ್​ ಬಾಲ್​ ಅನ್ನು ಅಯ್ಯರ್​​ ಬೌಂಡರಿಗಟ್ಟಲು ಯತ್ನಿಸಿದರು. ಆದರೆ, ಬಾಲ್​​ ಬ್ಯಾಟ್​​​ಗೆ ತಗುಲಿ ಏರ್​​ನಲ್ಲಿ ಇದ್ದರಿಂದ ಡಿವೋನ್​​ ಕಾನ್ವೆ ಕೈಗೆ ಕ್ಯಾಚ್​ ಹೋಯ್ತು.

ಈ ಹಿಂದೆ ಏಷ್ಯಾಕಪ್​ನಲ್ಲೂ ಪಾಕ್​​ ವೇಗಿ ಹ್ಯಾರಿಸ್ ರೌಫ್ ಬೌಲಿಂಗ್​​ನಲ್ಲಿ ಅಯ್ಯರ್​ ಶಾರ್ಟ್​ ಬಾಲ್​ಗೆ ಔಟಾಗಿದ್ರು. ಹೀಗೆ ಅಯ್ಯರ್​ ಒಂದಲ್ಲ, ಎರಡಲ್ಲ, ಹಲವು ಬಾರಿ ಔಟಾಗುವುದನ್ನು ನೋಡಿದ್ದೇವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ