ಸ್ನೇಹಿತರೊಂದಿಗೆ ಹುಟ್ಟುಹಬ್ಬವನ್ನು ಆಚರಿಸಿದ ನಟಿ ಶ್ರೀಯಾ ಶರಣ್​

‘ಇಷ್ಟಂ’ ಸಿನಿಮಾ ಮೂಲಕ ನಟಿಯ ಸಿನಿಮಾ ರಂಗ ಪ್ರವೇಶ

ಉಪ್ಪಿ ನಟನೆಯ ಕಬ್ಜದಲ್ಲಿ ಮಧುಮತಿಯಾಗಿದ್ದ ಕ್ಯೂಟ್​ ನಟಿ

ಉಪೇಂದ್ರ ನಟನೆಯ ‘ಕಬ್ಜ’ ಸಿನಿಮಾದ ಹೀರೋಯಿನ್​ ಶ್ರೀಯಾ ಶರಣ್​ಗೆ ಇಂದು ಹುಟ್ಟು ಹಬ್ಬದ ಸಂಭ್ರಮ. 41ನೇ ವರ್ಷಕ್ಕೆ ಶ್ರೀಯಾ ಶರಣ್​ ಕಾಲಿಟ್ಟಿದ್ದು, ಸ್ನೇಹಿತರೊಂದಿಗೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.

‘ಇಷ್ಟಂ’ ಸಿನಿಮಾ ಮೂಲಕ ಸಿನಿಮಾ ರಂಗ ಪ್ರವೇಶಿಸಿದ ಶ್ರೀಯಾ ಶರಣ್​, ಆ ಬಳಿಕ ಅನೇಕ ಸಿನಿಮಾಗಳಲ್ಲಿ ನಾಯಕಿಯಾಗಿ ಬಣ್ಣ ಹಚ್ಚುತ್ತಾ ಬಂದರು. 2001ರಿಂದ ಸಿನಿ ಪರದೆಯ ಮೇಲೆ ಕಾಣಿಸಿಕೊಂಡರು. ಟಾಲಿವುಡ್​ನಲ್ಲಿ ಮನರಂಜಿಸುತ್ತಿದ್ದ ಈ ನಟಿ ಬಳಿಕ ಬಾಲಿವುಡ್​ನತ್ತ ಅವಕಾಶ ಕೈ ಬೀಸಿ ಕರೆಯಿತು. ನಂತರ ‘ತುಜೆ ಮೇರಿ ಕಸಮ್​’ ಚಿತ್ರದಲ್ಲಿ ಕಾಣಿಸಿಕೊಂಡರು.

ಶ್ರೀಯಾ ಶರಣ್​ ಅವರು ಪುನೀತ್​ ರಾಜ್​ ಕುಮಾರ್​ ಅವರ ‘ಅರಸು’ ಸಿನಿಮಾದಲ್ಲೂ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಕಬ್ಜ ಸಿನಿಮಾದಲ್ಲಿ ಮಧುಮತಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಒಟ್ಟಿನಲ್ಲಿ ಅಭಿಮಾನಿಗಳ ನೆಚ್ಚಿನ ನಟಿಗೆ ಶುಭಾಶಯ ತಿಳಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ನಟಿಯ ಫೋಟೋ ಹಂಚಿಕೊಳ್ಳುವ ಮೂಲಕ ಹಾರೈಸುತ್ತಿದ್ದಾರೆ.