ಕೇವಲ 28 ರನ್​ಗಳಿಂದ ಈ ಸಾಧನೆ ಮಾಡಿದ್ರಾ ಭಾರತದ ಆಟಗಾರ?

ನಿನ್ನೆಯ ಪಂದ್ಯದಲ್ಲಿ ವಿಶೇಷ ದಾಖಲೆ ಮಾಡಿದ ಶುಭ್​ಮನ್​ ಗಿಲ್

ಗಿಲ್​ ಎಷ್ಟು ಸೆಂಚುರಿ, ಎಷ್ಟು ಹಾಫ್​ಸೆಂಚುರಿಗಳನ್ನು ಬಾರಿಸಿದ್ದಾರೆ..?

ಧರ್ಮಶಾಲಾ ಸ್ಟೇಡಿಯಂನಲ್ಲಿ ನಡೆದ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ಟೀಮ್ ಇಂಡಿಯಾ, ನ್ಯೂಜಿಲೆಂಡ್​ ತಂಡವನ್ನು ಮಣಿಸಿದೆ. ಇದೇ ವೇಳೆ ರೋಹಿತ್​ ಶರ್ಮಾ ಜೊತೆ ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿ ಶುಭ್​ಮನ್​ ಗಿಲ್​ ಮತ್ತೊಂದು ದಾಖಲೆ ಮಾಡಿದ್ದಾರೆ. ಅರೇ ಪಂದ್ಯದಲ್ಲಿ ಕೇವಲ 28 ರನ್​ ಗಳಿಸಿದ್ದ ಗಿಲ್​ ಅಂತದೇನು ರೆಕಾರ್ಡ್​ ಮಾಡಿದರು?.

ಟೀಮ್ ಇಂಡಿಯಾದ ಯಂಗ್ ಸೆನ್ಸೇಷನ್ ಶುಭ್​ಮನ್ ಗಿಲ್ ಏಕದಿನ ಕ್ರಿಕೆಟ್​ನಲ್ಲಿ ವಿಶ್ವ ದಾಖಲೆ ಮಾಡಿದರು. ಏಕದಿನ ಪಂದ್ಯದಲ್ಲಿ ಅತಿ ವೇಗದ 2 ಸಾವಿರ ರನ್ ಬಾರಿಸುವ ಮೂಲಕ ವಿಶ್ವದ ಮೊದಲ ಬ್ಯಾಟ್ಸ್​ಮನ್​​ ಎಂಬ ಹೆಗ್ಗಳಿಕೆಗೆ ಗಿಲ್​ ಪಾತ್ರವಾಗಿದ್ದಾರೆ. ಶುಭ್​ಮನ್ 38 ಇನ್ನಿಂಗ್ಸ್​ಗಳಲ್ಲಿ 2 ಸಾವಿರ ರನ್ ಪೂರೈಸಿ ಈ ಮಹತ್ವದ ಸಾಧನೆ ಮಾಡಿದರು.

ಗಿಲ್​ 37 ಇನ್ನಿಂಗ್ಸ್​ಗಳಲ್ಲಿ ಒಟ್ಟು 6 ಸೆಂಚುರಿಗಳನ್ನು ಸಿಡಿಸಿದ್ದು, 10 ಹಾಫ್​ಸೆಂಚುರಿಗಳನ್ನು ಬಾರಿಸಿದ್ದಾರೆ. ನಿನ್ನೆ ನ್ಯೂಜಿಲೆಂಡ್​ ಪಂದ್ಯದಲ್ಲಿ ಒಳ್ಳೆಯ ಆರಂಭ ಪಡೆದುಕೊಂಡು ಬ್ಯಾಟಿಂಗ್ ಮಾಡುತ್ತಿದ್ದರು. ಈ ವೇಳೆ ಲಾಕಿ ಫಾರ್ಗಿಸನ್​ ಬೌಲಿಂಗ್​ನಲ್ಲಿ ಕ್ಯಾಚ್ ನೀಡಿ ಪೆವಿಲಿಯನ್​ಗೆ ಹೋದರು.

ಇಷ್ಟು ದಿನ ಈ ದಾಖಲೆ ಸೌತ್​ ಆಫ್ರಿಕಾದ ಹಶೀಮ್​ ಆಮ್ಲಾ ಅವರ ಹೆಸರಿನಲ್ಲಿತ್ತು. ಆಮ್ಲಾ 40 ಇನ್ನಿಂಗ್ಸ್​ಗಳಲ್ಲಿ 2 ಸಾವಿರ ರನ್​ಗಳನ್ನು ಪೂರೈಸಿ ಈ ಸಾಧನೆ ಮಾಡಿದ್ದರು. ಜಹೀರ್ ಅಬ್ಬಾಸ್ ಹಾಗೂ ಕೆವಿನ್ ಪೀಟರ್​ಸನ್ 45 ಇನ್ನಿಂಗ್ಸ್​ಗಳಲ್ಲಿ 2 ಸಾವಿರ ರನ್​ ಗಡಿ ದಾಟಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ