ಟೆಸ್ಟ್​ನಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡ ಅಶ್ವಿನ್, ಜಡೇಜಾ

ICC ಏಕದಿನ ಱಂಕಿಂಗ್​ನಲ್ಲಿ ಮೊದಲ ಸ್ಥಾನ ಯಾರಿಗೆ?

ಜಸ್​ಪ್ರೀತ್ ಬೂಮ್ರಾ, ಬಿಷ್ಣೋಯಿ ಪಟ್ಟಿಯಲ್ಲಿ ಜಂಪ್.!

ಐಸಿಸಿ ರಿಲೀಸ್ ಮಾಡಿದ ಏಕದಿನ ಬ್ಯಾಟ್ಸ್​ಮನ್​ಗಳ ಱಂಕಿಂಗ್​ ಪಟ್ಟಿಯಲ್ಲಿ ಟೀಮ್ ಇಂಡಿಯಾದ ಯುವ ಬ್ಯಾಟರ್ ಹಾಗೂ ಓಪನರ್​ ಶುಭ್​​ಮನ್​ ಗಿಲ್​​ 4ನೇ ಸ್ಥಾನಕ್ಕೆ ಜಂಪ್ ಆಗಿದ್ದಾರೆ. ಗಿಲ್ 743 ಪಾಯಿಂಟ್ಸ್​ ಪಡೆಯುವ ಮೂಲಕ ಭಾರತದ ಬ್ಯಾಟ್ಸ್​ಮನ್​ಗಳಲ್ಲಿ ಟಾಪ್​ ಱಂಕ್ ಪಡೆದ್ರೆ, ವಿಶ್ವದಲ್ಲಿ 4ನೇ ಱಂಕ್ ಪಡೆದ ಬ್ಯಾಟ್ಸ್​ಮನ್ ಆಗಿದ್ದಾರೆ.

ನೂತನ ಐಸಿಸಿ ಏಕದಿನ ಬ್ಯಾಟ್ಸ್​ಮನ್​ಗಳ ಱಂಕಿಂಗ್ ಬಿಡುಗಡೆಗೊಂಡಿದೆ. ಗಿಲ್​​ಗೆ ಜಾಕ್​ಪಾಟ್​ ಹೊಡೆದಿದ್ದು, 743 ರೇಟಿಂಗ್ಸ್​​​ನೊಂದಿಗೆ 4ನೇ ಸ್ಥಾನಕ್ಕೇರಿದ್ದಾರೆ. ಇದು ಅವರ ಜೀವಮಾನದ ಶ್ರೇಷ್ಠ ಸಾಧನೆ ಆಗಿದೆ. ಗಿಲ್​​ ಬಿಟ್ಟರೆ ಟಾಪ್​​​-10 ನಲ್ಲಿ ವಿರಾಟ್ ಕೊಹ್ಲಿ ಕಾಣಿಸಿಕೊಂಡಿದ್ದಾರೆ. ಇವರು 705 ರೇಟಿಂಗ್ಸ್​​ನೊಂದಿಗೆ 9ನೇ ಸ್ಥಾನದಲ್ಲಿದ್ರೆ, ಕ್ಯಾಪ್ಟನ್ ರೋಹಿತ್ 11ನೇ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದಾರೆ. ಪಾಕ್​ ಕ್ಯಾಪ್ಟನ್​ ಬಾಬರ್ ಮತ್ತು ಇಮಾಮ್ ಉಲ್ ಹಕ್ ಕ್ರಮವಾಗಿ ಐಸಿಸಿ ಱಂಕ್​ನ ಮೊದಲ ಮತ್ತು 3ನೇ ಸ್ಥಾನ ಆಕ್ರಮಿಸಿಕೊಂಡಿದ್ದಾರೆ.

ಐರ್ಲೆಂಡ್ ವಿರುದ್ಧದ ಟಿ20 ಸರಣಿಯ ಮೂಲಕ ಟೀಮ್ ಇಂಡಿಯಾಕ್ಕೆ ಮತ್ತೆ ವಾಪಸ್ ಆಗಿರುವ ಜಸ್​ಪ್ರೀತ್​ ಬೂಮ್ರಾ ಅವರು 7 ಸ್ಥಾನ ಮೇಲೇರುವ ಮೂಲಕ 84ನೇ ಸ್ಥಾನ ಪಡೆದ್ರೆ, ರವಿ ಬಿಷ್ಣೋಯ್ 17 ಸ್ಥಾನ ಮೇಲೇರಿ 65ನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದ್ದಾರೆ. ಟಿ20 ಱಕಿಂಗ್​ನಲ್ಲಿ ಸೂರ್ಯಕುಮಾರ್ ಯಾದವ್ ಟಾಪ್ ಱಂಕ್​ ಅನ್ನು ಕಾಯ್ದುಕೊಂಡಿದ್ದಾರೆ. ಇನ್ನು ಟೆಸ್ಟ್​ನಲ್ಲಿ ಆರ್​ ಅಶ್ವಿನ್​ ಮತ್ತು ರವೀಂದ್ರ ಜಡೇಜಾ ಅವರು ಕ್ರಮವಾಗಿ ನಂ.1 ಬೌಲರ್​ ಮತ್ತು ಆಲ್​ರೌಂಡರ್​ ಸ್ಥಾನ ಉಳಿಸಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ