ಥರ್ಡ್​​ ಅಂಪೈರ್​​​ ಕುತಂತ್ರಕ್ಕೆ ಶುಭ್ಮನ್​​ ಗಿಲ್ ಬಲಿ..!

ವೀರೇಂದ್ರ ಸೆಹ್ವಾಗ್​​, ರವಿಶಾಸ್ತ್ರಿ ಭಾರೀ ಆಕ್ರೋಶ..!

ಶುಭ್ಮನ್​​ ಗಿಲ್​ಗೆ ಮೋಸ ಮಾಡಿದ ಥರ್ಡ್​​ ಅಂಪೈರ್​​

ಇಂಗ್ಲೆಂಡ್​​: ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ ಪಂದ್ಯದ 2ನೇ ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾದ ಓಪನಿಂಗ್​​ ಬ್ಯಾಟ್ಸ್​​ಮನ್​​ ಶುಭ್ಮನ್​​ ಗಿಲ್​​ ವಿವಾದಾತ್ಮಕ ತೀರ್ಪಿಗೆ ಬಲಿಯಾದರು. ರೀಪ್ಲೆ ತೆಗೆದುಕೊಂಡ ಬಳಿಕ ನಾಟೌಟ್​​ ನೀಡಬೇಕಿದ್ದ ಥರ್ಡ್​​ ಅಂಪೈರ್​​ ಶುಭ್ಮನ್​​ ಗಿಲ್​ ಕ್ಯಾಚ್​ ಔಟ್​ ಎಂದು ವಿವಾದಾತ್ಮಕ ತೀರ್ಪು ನೀಡಿದ್ದು ಈಗ ಕ್ರೀಡಾ ಜಗತ್ತಿನಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಆಸ್ಟ್ರೇಲಿಯಾ ನೀಡಿದ ಬೃಹತ್​ ಮೊತ್ತದ ಗುರಿಯನ್ನು ಬೆನ್ನಟ್ಟಿದ್ದ ಟೀಂ ಇಂಡಿಯಾ ಪರ ಆರಂಭಿಕ ಬ್ಯಾಟ್ಸ್​ಮನ್​​ ಶುಭ್ಮನ್​​ ಗಿಲ್​ ಉತ್ತಮ ಬ್ಯಾಟಿಂಗ್​ ಮಾಡುತ್ತಿದ್ದರು. 18 ರನ್​​ ಗಳಿಸಿದ್ದ ಶುಭ್ಮನ್​ ಗಿಲ್​​​ 8ನೇ ಓವರ್​​​ನಲ್ಲಿ ಸ್ಕಾಟ್‌ ಬೋಲೆಂಡ್ ಬೌಲಿಂಗ್​​ಗೆ ಬ್ಯಾಟ್​ ಬೀಸಿದ್ದು, ಸ್ಲಿಪ್‌ನಲ್ಲೇ ಇದ್ದ ಕ್ಯಾಮೆರಾನ್ ಗ್ರೀನ್​​ ಕೈಗೆ ಚೆಂಡು ಹೋಯ್ತು.

ಇನ್ನು, ಶುಭ್ಮನ್​ ಗಿಲ್​ ಕ್ಯಾಚ್​​ ಹಿಡಿಯುವಾಗ ಕ್ಯಾಮೆರಾನ್‌ ಗ್ರೀನ್‌ ಬಾಲ್​​​ ಅನ್ನು ನೆಲಕ್ಕೆ ತಗುಲಿಸಿದರು. ಈ ದೃಶ್ಯವೂ ರೀಪ್ಲೇನಲ್ಲಿ ಕ್ಲಿಯರ್​ ಆಗಿ ಕಾಣುತ್ತಿತ್ತು. ಇದರಿಂದ ಗೊಂದಲಕ್ಕೆ ಒಳಗಾದ ಫೀಲ್ಡ್‌ ಅಂಪೈರ್‌, ಮೂರನೇ ಅಂಪೈರ್‌ ಸಹಾಯ ಪಡೆದರು. ಆಗ ಮೂರನೇ ಅಂಪೈರ್‌ ಐದಾರು ಬಾರಿ ವಿಡಿಯೋ ರೀಪ್ಲೇ ಮಾಡಿದ ಮೇಲೂ ನಾಟೌಟ್ ನೀಡದೆ ಔಟ್​ ಎಂದು ತೀರ್ಮಾನ ಕೊಟ್ಟರು.

ಅಂಪೈರ್‌ ತೀರ್ಪಿನ ಬಗ್ಗೆ ಈಗ ಕ್ರೀಡಾ ಲೋಕದ ದಿಗ್ಗಜರು ಅಸಮಾಧಾನ ಹೊರಹಾಕಿದ್ದಾರೆ. ಈ ಬಗ್ಗೆ ಟ್ವೀಟ್​ ಮಾಡಿರುವ ವೀರೇಂದ್ರ ಸೆಹ್ವಾಗ್‌, ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು ಅಂಪೈರ್‌ ತೀರ್ಪು ನೀಡಿದ್ದಾರೆ. ಔಟ್​ ಆಗಿದ್ದಕ್ಕೆ ಯಾವುದೇ ಪ್ರೂಫ್​​ ಇಲ್ಲ ಎಂದು ಟೀಕಿಸಿದ್ದಾರೆ.

Third umpire while making that decision of Shubman Gill.

Inconclusive evidence. When in doubt, it’s Not Out #WTC23Final pic.twitter.com/t567cvGjub

— Virender Sehwag (@virendersehwag) June 10, 2023

ಖುದ್ದು ಶುಭ್ಮನ್​​ ಗಿಲ್​​ ಬಾಲ್​​ ನೆಲಕ್ಕೆ ತಾಕಿರುವ ಫೋಟೋ ಹಾಕಿ ಬೇಸರ ಹೊರಹಾಕಿದ್ದಾರೆ. ಟೀಂ ಇಂಡಿಯಾದ ಮಾಜಿ ಕ್ರಿಕೆಟರ್​​ ಸುನೀಲ್​ ಗವಾಸ್ಕರ್​​, ರವಿಶಾಸ್ತ್ರಿ ಸೇರಿದಂತೆ ಹಲವರು ಈ ಬಗ್ಗೆ ಪ್ರಶ್ನೆಗಳನ್ನು ಕೇಳಿದ್ದಾರೆ.

🔎🔎🤦🏻‍♂️ pic.twitter.com/pOnHYfgb6L

— Shubman Gill (@ShubmanGill) June 10, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ