ಏಷ್ಯಾಕಪ್​ ಬ್ಯುಸಿಯಲ್ಲಿರುವ ಬಿಸಿಸಿಐನಿಂದ ಫಿಟ್‌ನೆಸ್‌ ಟೆಸ್ಟ್​

ಈ ಮೊದಲು ಯೋ ಯೋ ಟೆಸ್ಟ್​ನಲ್ಲಿ ಪಾಸ್ ಆಗಿದ್ದ ವಿರಾಟ್

ಎಲ್ಲ ಆಟಗಾರರನ್ನು ಹಿಂದಿಕ್ಕಿ ಟಾಪ್​ನಲ್ಲಿ ಮಿಂಚಿದ ಶುಭ್​ಮನ್​

ಭಾರತ ತಂಡದ ಆರಂಭಿಕ ಆಟಗಾರ ಹಾಗೂ ಯುವ ಬ್ಯಾಟ್ಸ್​ಮನ್​ ಶುಭ್​ಮನ್​ ಗಿಲ್​ ಅವರು ಬಿಸಿಸಿಐ ಆಯೋಜಿಸಿದ್ದ ಯೋ ಯೋ ಟೆಸ್ಟ್​ನಲ್ಲಿ ಹೆಚ್ಚು ಅಂಕಗಳನ್ನು ಪಡೆಯುವ ಮೂಲಕ ಉಳಿದ ಆಟಗಾರರಿಗಿಂತ ಟಾಪ್​ನಲ್ಲಿ ಪಾಸ್ ಆಗಿದ್ದಾರೆ.

ಏಷ್ಯಾಕಪ್​ಗಾಗಿ ಭರ್ಜರಿ ಸಿದ್ಧತೆ ನಡೆಸಿರುವ ಬಿಸಿಸಿಐ ಆಟಗಾರರ ಫಿಟ್​ನೆಸ್ ಮಾಹಿತಿ ಸಂಗ್ರಹಿಸುತ್ತಿದೆ. ಸದ್ಯದ ಮಾಹಿತಿ ಪ್ರಕಾರ ಭಾರತ ತಂಡದ ಆರಂಭಿಕ ಆಟಗಾರ ಶುಭ್​ಮನ್​ ಗಿಲ್ ಅವರು 18.7 ಅಂಕಗಳನ್ನು ಪಡೆಯುವ ಮೂಲಕ ಫಿಟ್​ನೆಸ್​ ಟೆಸ್ಟ್​ನಲ್ಲಿ ಟಾಪ್​ನಲ್ಲಿ ಪಾಸ್ ಆಗಿದ್ದಾರೆ. ಹೀಗಾಗಿ ಫಿಟ್​ನೆಸ್​ನಲ್ಲಿ ಮೊದಲು ಇರುತ್ತಿದ್ದ ವಿರಾಟ್ ಕೊಹ್ಲಿಯವರನ್ನೇ ಗಿಲ್ ಹಿಂದಿಕ್ಕಿ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ.

ವಿರಾಟ್​ ಕೊಹ್ಲಿ ಕೂಡ ಬಿಸಿಸಿಐನ ಯೋ ಯೋ ಟೆಸ್ಟ್​ಗೆ ಒಳಗಾಗಿ ತಾವು ಪಡೆದ 17.2 ಅಂಕಗಳನ್ನು ಇನ್​ಸ್ಟಾದಲ್ಲಿ ಶೇರ್ ಮಾಡಿದ್ದರು. ಇಲ್ಲಿಯವರೆಗೆ ಈ ಟೆಸ್ಟ್ ತೆಗೆದುಕೊಂಡಿರುವ ಎಲ್ಲ ಕ್ರಿಕೆಟಿಗರು ಕಟ್-ಆಫ್ ಲೆವೆಲ್ 16.5 ರಲ್ಲಿ ಉತ್ತೀರ್ಣರಾಗಿದ್ದಾರೆ ಎಂದು ತಿಳಿದು ಬಂದಿದೆ. ಬೂಮ್ರಾ, ಪ್ರಸಿದ್ಧ್ ಕೃಷ್ಣ, ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್​ ಮತ್ತು ಕೆ.ಎಲ್ ರಾಹುಲ್​ ಸೇರಿದಂತೆ ಏಷ್ಯಾಕಪ್​ಗೆ ಆಯ್ಕೆ ಆದ ಎಲ್ಲ ಆಟಗಾರರ ವೈದ್ಯಕೀಯ, ಯೋ ಯೋ ಟೆಸ್ಟ್ ಈಗಾಗಲೇ ಮಾಡಲಾಗಿದೆ. ಎಲ್ಲ ಆಟಗಾರರು 16.5 ರಿಂದ 18ರ ಒಳಗೆ ಪಾಸ್ ಆಗಿದ್ದಾರೆ. ಆದ್ರೆ ಗಿಲ್ ಮಾತ್ರ 18.7 ಅಂಕ ಪಡೆದು ಮೊದಲ ಸ್ಥಾನದಲ್ಲಿ ಪಾಸ್ ಆಗಿದ್ದಾರೆ ಎನ್ನಲಾಗಿದೆ. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ