ಏಕದಿನ ಕ್ರಿಕೆಟ್​​ಗೆ ಯುವರಾಜನೇ ಅಧಿಪತಿ..!

ಶುಭ್​ಮನ್ ಏಕದಿನ ಕ್ರಿಕೆಟ್​ನ ಡಾನ್.!

ಬಾಬರ್​ ಪಾರುಪತ್ಯಕ್ಕೆ ಶುಭ್​ಮನ್ ಬ್ರೇಕ್​..!

ಟೀಮ್ ಇಂಡಿಯಾ ತಂಡವಾಗಿ ಏಕದಿನ ಕ್ರಿಕೆಟ್​ನ ಅಧಿಪತಿ ಅನ್ನೋದು ಎಲ್ಲರಿಗೂ ಗೊತ್ತು. ಇದೀಗ ಟೀಮ್ ಇಂಡಿಯಾ ಆಟಗಾರರೂ ಕೂಡ ಏಕದಿನ ಕ್ರಿಕೆಟ್​ನ ಸಿಂಹಾಸನವನ್ನ ಏರಿದ್ದಾರೆ. ವಿಶ್ವಕಪ್ ಅಬ್ಬರದ ನಡುವೆ ನಂಬರ್​ 1 ಪಟ್ಟಕ್ಕೇರಿದ್ದಾರೆ. ಱಂಕಿಂಗ್​ನಲ್ಲಿ ಟೀಮ್​ ಇಂಡಿಯನ್ಸ್​ ದರ್ಬಾರ್​ ಹೇಗಿದೆ.? ತಿಳಯೋಣ.

ನಂಬರ್ ಒನ್ ಇದು ಟೀಮ್ ಇಂಡಿಯಾದ ಕೇರ್ ಆಫ್ ಅಡ್ರೆಸ್​. ಟಿ20, ಏಕದಿನ, ಟೆಸ್ಟ್​ ಕ್ರಿಕೆಟ್​​ನಲ್ಲಿ ಅಧಿಪತಿಯಾಗಿ ಮೆರೆಯುತ್ತಿರುವ ಟೀಮ್ ಇಂಡಿಯಾ, ವಿಶ್ವ ಕ್ರಿಕೆಟ್​ನ ಡಾನ್​ ಆಗಿದೆ. ಇದೀಗ ಇದೇ ಪಟ್ಟ ಟೀಮ್ ಇಂಡಿಯಾ ಆಟಗಾರರಿಗೂ ಒಲಿದಿದೆ.

ನಂ.1 ಪಟ್ಟ ಅಲಂಕರಿಸಿದ ಯುವರಾಜ

ಕಳೆದ್ಮೂರು ತಿಂಗಳಿಂದ ಏಕದಿನ ವಿಶ್ವ ಕ್ರಿಕೆಟ್​​​​ನಲ್ಲಿ ನಂಬರ್​​.1 ಪಟ್ಟದ್ದೇ ಚರ್ಚೆ. ಟೀಮ್ ಇಂಡಿಯಾದ ಪ್ರಿನ್ಸ್​ ಶುಭ್​ಮನ್​​​​​ ಗಿಲ್​​, ಪಾಕ್​​ ನಾಯಕ ಬಾಬರ್​​ ಆಳ್ವಿಕೆಗೆ ಬ್ರೇಕ್​ ಹಾಕಿ ನಂ.1 ಪಟ್ಟಕ್ಕೆ ಯಾವಾಗ ಏರ್ತಾರೆ ಅಂತ. ಇದೀಗ ಈ ಚರ್ಚೆಗೆ ಬ್ರೇಕ್​ ಬಿದ್ದಿದೆ. ಟೀಮ್ ಇಂಡಿಯಾದ ಯುವರಾಜ ಶುಭ್​ಮನ್ ಗಿಲ್​ ಸಿಂಹಾಸನವನ್ನೇರಿದ್ದಾರೆ. ಏಕದಿನ ಕ್ರಿಕೆಟ್​ನ ನಂಬರ್.1 ಬ್ಯಾಟರ್ ಆಗಿ ಮೆರೆಯುತ್ತಿದ್ದ ಬಾಬರ್ ಅಝಂ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​, ಈಗ ನಂಬರ್​​.2 ಸ್ಥಾನಕ್ಕೆ ಕುಸಿದು ಬಿದ್ದಿದ್ದಾರೆ.

2 ವರ್ಷ.. 7 ತಿಂಗಳು.. ಬಾಬರ್ ಪಾರುಪತ್ಯ..!

ವಿರಾಟ್​ ಕೊಹ್ಲಿ ಬಳಿಕ ಅಂದ್ರೆ. 2021ರ ಏಪ್ರಿಲ್​​​​​​ 7ರಂದು ಏಕದಿನ ಕ್ರಿಕೆಟ್​ನ ನಂಬರ್​​. ಬ್ಯಾಟರ್ ಆಗಿ ಉದಯಿಸಿದ್ದ ಬಾಬರ್, ಬರೋಬ್ಬರಿ 2 ವರ್ಷ 7 ತಿಂಗಳ ಕಾಲ ನಂಬರ್​​​​​​​​​​​​​.1 ಸ್ಥಾನ ಕಾಯ್ದುಕೊಂಡಿದ್ದರು. ಇದೀಗ ಆ ನಂಬರ್​​​.1 ಸ್ಥಾನವನ್ನ ಟೀಮ್ ಇಂಡಿಯಾದ ಯಂಗ್ ಸೆನ್ಸೇಷನ್ ಶುಭ್​ಮನ್ ಆಕ್ರಮಿಸಿದ್ದಾರೆ. ಇಷ್ಟು ದಿನದ ಬಾಬರ್ ಪಾರುಪತ್ಯಕ್ಕೆ ಬ್ರೇಕ್ ಹಾಕಿದ್ದಾರೆ.

ಅಗ್ರಸ್ಥಾನಕ್ಕೇರಿದ 4ನೇ ಭಾರತೀಯ ಶುಭ್​ಮನ್!

ಸದ್ಯ 830 ಅಂಕಗಳೊಂದಿಗೆ ಅಗ್ರಸ್ಥಾನಕ್ಕೇರಿರುವ ಶುಭ್​ಮನ್, ಟೀಮ್ ಇಂಡಿಯಾ ಪರ ಈ ಸಾಧನೆ ಮಾಡಿದ 4ನೇ ಬ್ಯಾಟ್ಸ್​ಮನ್ ಎನಿಸಿದ್ದಾರೆ. ಗಾಡ್ ಆಫ್ ಕ್ರಿಕೆಟ್ ಸಚಿನ್ ತೆಂಡುಲ್ಕರ್, ಮಹೇಂದ್ರ ಸಿಂಗ್ ಧೋನಿ, ವಿರಾಟ್​ ಕೊಹ್ಲಿ ಬಳಿಕ ಈ ಅಪರೂಪದ ಸಾಧನೆ ಮಾಡಿದ ಭಾರತೀಯ ಬ್ಯಾಟ್ಸ್​ಮನ್​ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಅಷ್ಟೇ ಅಲ್ಲ.! ಧೋನಿ ಬಳಿಕ ಅತಿ ವೇಗವಾಗಿ ನಂಬರ್​.1 ಸ್ಥಾನಕ್ಕೇರಿದ ಹೆಗ್ಗಳಿಕೆಯೂ ಗಿಲ್​ಗೆ ಸೇರುತ್ತೆ. ಈ ಸ್ಥಾನಕ್ಕೇರಲು ಧೋನಿ ಕೇವಲ 38 ಇನ್ನಿಂಗ್ಸ್​ ತೆಗೆದುಕೊಂಡಿದ್ರೆ. ಗಿಲ್​ 41 ಇನ್ನಿಂಗ್ಸ್​ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ.

ಇದನ್ನು ಓದಿ: ಕಿಂಗ್​ ಕೊಹ್ಲಿಯ ಕಮಿಟ್​ಮೆಂಟ್ಸ್​​ಗೆ ಒಂದು ಸಲಾಂ.. ಚಿನ್ನಸ್ವಾಮಿ ನೆಟ್ಸ್​ನಲ್ಲಿ ವಿರಾಟ್ ಅಭ್ಯಾಸ

ನಂಬರ್​​.1 ಸ್ಥಾನದ ಹಿಂದಿದೆ ಹಲವು ದಿನಗಳ ಶ್ರಮ!

ಶುಭ್​ಮನ್. ನಂಬರ್​​.1 ಸ್ಥಾನದ ಹಿಂದೆ ರನ್ ಸುನಾಮಿಯೇ ಅಡಗಿದೆ. ಪ್ರಸಕ್ತ ಕ್ಯಾಲೆಂಡರ್​ನಲ್ಲಿ ಡ್ರೀಮ್ ಫಾರ್ಮ್​ನಲ್ಲಿರುವ ಶುಭ್​ಮನ್, 26 ಏಕದಿನ ಪಂದ್ಯಗಳಿಂದ 63ರ ಸರಾಸರಿಯಲ್ಲಿ 1149 ರನ್ ಸಿಡಿಸಿದ್ದಾರೆ. ಅಷ್ಟೇ ಅಲ್ಲ.! ಬರೋಬ್ಬರಿ 6 ಶತಕ ಸಿಡಿಸಿದ ಸಾಧನೆ ಗಿಲ್ ಹೆಸರಲ್ಲಿದೆ. ಸದ್ಯ ವಿಶ್ವಕಪ್​ನಲ್ಲೂ ಅತ್ಯದ್ಬುತ ಪ್ರದರ್ಶನ ತೋರುತ್ತಿರುವ ಗಿಲ್, ನಂ.1 ಸ್ಥಾನವನ್ನ ಮತ್ತಷ್ಟು ಗಟ್ಟಿಗೊಳಿಸಿಕೊಳ್ಳೊದ್ರಲ್ಲಿ ಅನುಮಾನ ಇಲ್ಲ.

ಬೌಲಿಂಗ್​ನಲ್ಲಿ ಮತ್ತೆ ಸಿರಾಜ್​ ನಂಬರ್​.01

ಬ್ಯಾಟಿಂಗ್​ನಲ್ಲೇ ಅಲ್ಲ..! ಬೌಲಿಂಗ್​ ಱಂಕಿಂಗ್​ನಲ್ಲೂ ಟೀಮ್ ಇಂಡಿಯಾದ್ದೇ ಆರ್ಭಟ. ಬೆಂಕಿ-ಬಿರುಗಾಳಿಯಂತಾ ದಾಳಿ ಸಂಘಟಿಸ್ತಾ ಇರೋ ಮೊಹಮ್ಮದ್​ ಸಿರಾಜ್​, ವೇಗಿ ಸಿರಾಜ್ ನಂ.1 ಸ್ಥಾನಕ್ಕೇರಿದ್ದಾರೆ.

ಸಿರಾಜ್​ ಈ ಒಂದು ವರ್ಷದಲ್ಲಿ ಇಂಥದ್ದೊಂದು ಸಾಧನೆ ಮಾಡಿದ್ದು ಇದು 3ನೇ ಬಾರಿ. ಕಳೆದ ವರ್ಷ ಬೂಮ್ರಾ ಅನುಪಸ್ಥಿತಿಯಲ್ಲಿ ಟೀಮ್ ಇಂಡಿಯಾನ ಲೀಡ್ ಮಾಡಿದ್ದ ಸಿರಾಜ್, ಜನವರಿ 21ರಂದು ಏಕದಿನ ಫಾರ್ಮೆಟ್​ನ ನಂಬರ್​.1 ಬೌಲರ್ ಆಗಿ ಹೊರಹೊಮ್ಮಿದ್ರು. ಏಷ್ಯಾಕಪ್​ನಲ್ಲಿ ಅತ್ಯದ್ಬುತ ಸಾಧನೆ ಮಾಡಿ ಮತ್ತೆ ಅಗ್ರಸ್ಥಾನಕ್ಕೇರಿದ್ರು. ಇದೀಗ ವಿಶ್ವಕಪ್​ನಲ್ಲಿ ತೋರುತ್ತಿರುವ ಕನ್ಸಿಸ್ಟಿನ್ಸಿ ಪರ್ಫಾಮೆನ್ಸ್​ನಿಂದಾಗಿ ಮೂರನೇ ಬಾರಿ ಅಗ್ರಸ್ಥಾನಕ್ಕೇರುವಲ್ಲಿ ಯಶಸ್ವಿಯಾಗಿದ್ದಾರೆ.

ನಂಬರ್​ 1 ತಂಡ. ನಂಬರ್​ 1 ಬ್ಯಾಟ್ಸ್​ಮನ್​, ನಂಬರ್​ 1 ಬೌಲರ್​.. ಮೂರು ಕ್ಲೀನ್​ಸ್ವೀಪ್​. ಅಕ್ಷರಶಃ ರಾಜನಂತೆ ಏಕದಿನ ಕ್ರಿಕೆಟ್​ ಅನ್ನ ಸದ್ಯ ಟೀಮ್​ ಇಂಡಿಯಾ ರೂಲ್​ ಮಾಡ್ತಿದೆ. ಏಕದಿನ ವಿಶ್ವಕಪ್​ ಒಂದು ಗೆದ್ದು ಬಿಟ್ರೆ, ಒನ್​ ಡೇ ದುನಿಯಾನೇ ನಮ್ದು..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ