ನನಗೆ ಜೀವ ಭಯ ಇದೆ ಎಂದು ಪೊಲೀಸ್​ ಮೊರೆ

ಕೂಡಲೇ ರಕ್ಷಣೆ ಕೊಡಿ ಎಂದು ಪೊಲೀಸ್​ಗೆ ಮನವಿ

ಆಮ್​ ಆದ್ಮಿ ಪಾರ್ಟಿ ಉಪಾಧ್ಯಕ್ಷರ ಹತ್ಯೆಗೆ ಸ್ಕೆಚ್..?​

ಬೆಂಗಳೂರು: ‘ನನಗೆ ಜೀವ ಭಯ ಇದೆ. ನನ್ನನ್ನ ಯಾರೋ ಫಾಲೋ ಮಾಡ್ತಿದ್ದಾರೆ. ಮನೆ ಬಳಿ ಯಾರೋ ಬಂದು ನಿತ್ಯ ಟಾರ್ಚರ್ ಕೊಡ್ತಿದ್ದಾರೆ. ನನಗೆ ರಕ್ಷಣೆ ಕೊಡಿ’ ಅಂತಾ ದೂರೊಂದು ಪೊಲೀಸ್ ಠಾಣೆಗೆ ದಾಖಲಾಗಿದೆ. ಆದ್ರೆ, ದೂರು ಕೊಟ್ಟಿರೋದು ಬೇರೆ ಯಾರು ಅಲ್ಲಾ? ಆಮ್​ ಆದ್ಮಿ ಪಕ್ಷದ ಯುವ ಘಟಕದ ರಾಜ್ಯ ಉಪಾಧ್ಯಕ್ಷ.

ಹೆಸರು ಗಿರೀಶ್ ಕುಮಾರ್, ಆಪ್ ಯುವ ಘಟಕದ​ ಉಪಾಧ್ಯಕ್ಷ. ರಾಜಕೀಯ ಪ್ರಭಾವ ಇರುವಂತಹ ಈ ವ್ಯಕ್ತಿ ಯಾಕೆ ನನಗೆ ರಕ್ಷಣೆ ಕೊಡಿ ಎಂದು ಪೊಲೀಸ್​ ಮೊರೆ ಹೋಗಲು ಕಾರಣ ಇದೆ. ಅಂದು ಶುಕ್ರವಾರ ಸಂಜೆ. ವಿಕೇಂಡ್​ ಮೂಡ್​. ರಾತ್ರೋರಾತ್ರಿ ಫೀಲ್ಡ್​ಗಿಳಿದಿದ್ದ ಪೊಲೀಸರು ಅವಧಿ ಮೀರಿ ತೆರೆದಿದ್ದ ಪಬ್​ ಬಾರ್​ಗಳ ಮೇಲೆ ಏಕಾಏಕಿ ರೇಡ್ ಮಾಡಿದ್ರು. ನಿಯಮ ಉಲ್ಲಂಘನೆ ಮಾಡಿದವ್ರ ಮೇಲೆ ಕೇಸ್ ಕೂಡ ಬುಕ್ ಮಾಡಿದ್ರು.

ಅತ್ತ ಪಬ್​ ಮೇಲೆ ದಾಳಿ.. ಇತ್ತ ರೌಡಿಗಳ ಹಾವಳಿ!

ಈ ದಾಳಿಯಾಗ್ತಿದ್ದಂತೆ ಇದ್ದಕ್ಕಿದ್ದಂತೆ ಗಿರೀಶ್ ಕುಮಾರ್​ಗೆ ನಿರಂತರ ಜೀವ ಬೆದರಿಕೆ ಕರೆಗಳು ಬರೋದಕ್ಕೆ ಶುರುವಾಯ್ತತ್ತಂತೆ. ಮಾತ್ರವಲ್ಲದೇ, ಬೈಕ್​ನಲ್ಲಿ ಕಿಡಿಗೇಡಿಗಳು ಫಾಲೋ ಮಾಡೋದಕ್ಕೆ ಶುರು ಮಾಡಿದ್ರಂತೆ. ಹಾಗೇ, ಒಂದ್​ ಹೆಜ್ಜೆ ಮುಂದೆ ಹೋಗಿ, ಮಿನಿ ಬಸ್​ನಲ್ಲಿ ಬಂದಿದ್ದ 13 ಜನಕ್ಕೂ ಹೆಚ್ಚು ಜನ ಮನೆ ಬಳಿ ಜಮಾಯಿಸಿದ್ರಂತೆ. ಬಳಿಕ ಗಿರೀಶ್, ಸ್ಥಳೀಯ ಠಾಣೆಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ಅಷ್ಟಕ್ಕೂ, ಪಬ್​ ಮೇಲೆ ದಾಳಿಯಾಗೋದಕ್ಕೂ, ಗಿರೀಶ್ ಕುಮಾರ್​ಗೆ ತೊಂದರೆ ಕೊಡೋಕೆ ಕಾರಣ ಆ ಒಂದು ಕಂಪ್ಲೇಂಟ್.

ಒಂದೇ ಒಂದು ಕಂಪ್ಲೇಂಟ್.. ಹತ್ಯೆಗೆ ನಡೆದಿತ್ತಾ ಸ್ಕೆಚ್?

ಅದ್ಯಾವಾಗ, ಬಿಬಿಎಂಪಿ ಅಧಿಕಾರಿಗಳು ದೂರು ಪಡೆದು ಪರಿಶೀಲನೆಗೆ ಮುಂದಾದ್ರೋ, ಅಂದಿನಿಂದ ಪುಡಿರೌಡಿಗಳು ಟಾರ್ಚರ್​ ಕೊಡೋದಕ್ಕೆ ಶುರು ಮಾಡಿದ್ದಾರೆ. ಇನ್ನು, ಇದ್ಯಾವುದಕ್ಕೂ ಜಗ್ಗದ ಗಿರೀಶ್ ಕುಮಾರ್, ನೀಡಿರುವ ದೂರಿನ ಪೈಕಿ ಯಾವುದನ್ನು ಹಿಂಪಡೆಯಲ್ಲ. ಎಲ್ಲವೂ ತನಿಖೆಯಾಗಲಿದೆ ಅಂತಾ ಸ್ಪಷ್ಟನೆ ಕೊಟ್ಟಿದ್ದಾರೆ.

ಅದೇನೆ ಇರ್ಲಿ, ಅನ್ಯಾಯ ಆಗಿದೆ ಅಂತಾ ಕಂಪ್ಲೇಂಟ್​ ಕೊಟ್ರೆ, ಕಿಡಿಗೇಡಿಗಳು ಮನೆ ಮುಂದೆ ಜಮಾಯಿಸಿ ಅಟ್ಟಹಾಸ ಮೆರೆದಿದ್ದಾರೆ. ಆದ್ರೆ, ಬಿಬಿಎಂಪಿ ಅಧಿಕಾರಿಗಳು ತನಿಖೆ ನಡೆಸಿದ್ರೆ, ತಪಿತಸ್ಥರಿಗೆ ಶಿಕ್ಷೆಯಾಗೋದು ಖಚಿತ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ