ರಾಜ್ಯದಲ್ಲಿ ಪಬ್ಲಿಕ್​ ಸ್ಮೋಕಿಂಗ್​ ಬ್ಯಾನ್ ಆಗುತ್ತಾ..?

ರಾಜ್ಯದಲ್ಲಿ 1.4 ಲಕ್ಷ ಸಾರ್ವಜನಿಕರು ಸಿಗರೇಟು ಸೇದುತ್ತಾರೆ

ಸಿಗರೇಟಿನ ಹೊಗೆಯಿಂದ ಶಿಶುಗಳ ಮೇಲೆ ತೀವ್ರ ಪರಿಣಾಮ

ಬೆಂಗಳೂರು: ಧೂಮಪಾನದಿಂದ ಆರೋಗ್ಯ ಸಮಸ್ಯೆಗಳಾಗುತ್ತೆ, ಜೀವವೇ ಹೋಗುತ್ತೆ ಅಂತ ಎಷ್ಟೇ ಹೇಳಿದರೂ ಕೂಡ ಧೂಮಪಾನ ಮಾಡುವವರಿಗೆ ಮಾತ್ರ ಭಯವೇ ಇಲ್ಲ. ಸಿಕ್ಕ ಸಿಕ್ಕಲ್ಲಿ ನಿಂತು ಸ್ಮೋಕ್​ ಮಾಡುತ್ತಿರುತ್ತಾರೆ. ಇಂತವರಿಂದ ಸಿಗರೇಟ್​ ಸೇದದೆ ಇರೋರಿಗೂ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತಿದೆ. ಸಾರ್ವಜನಿಕ ಪ್ರದೇಶ ಹಾಗೂ ಸ್ಕೂಲ್, ಕಾಲೇಜು ಆವರಣದಲ್ಲಿ ಧೂಮಪಾನ ಬ್ಯಾನ್ ಮಾಡಿದರೂ ಕೂಡ ಸ್ಮೋಕ್​ ಮಾಡೋರ ಸಂಖ್ಯೆ ಮಾತ್ರ ಕಡಿಮೆ ಆಗುತ್ತಿಲ್ಲ.

ರಾಜ್ಯ ತಂಬಾಕು ನಿಯಂತ್ರಣ ಕೋಶದ ಪ್ರಕಾರ ರಾಜ್ಯದಲ್ಲಿ 1.4 ಲಕ್ಷ ಸಾರ್ವಜನಿಕರು ಧೂಮಪಾನ ಮಾಡುತ್ತಿದ್ದಾರೆ ಎಂದು ತಿಳಿದು ಬಂದಿದೆ. ಶ್ವಾಸಕೋಶದ ಸಮಸ್ಯೆ ಅಂತಾ ಡಾಕ್ಟರ್​ ಬಳಿ ಹೋದರೆ ಧೂಮಪಾನ ಮಾಡಿದ್ದೀರಾ ಅಂತಾ ಡಾಕ್ಟರ್​ ಕೇಳೋ ಪರಿಸ್ಥಿತಿ ನಿರ್ಮಾಣವಾಗಿದೆ. ಹೃದಯ ಸಂಬಂಧಿ ಕಾಯಿಲೆ ಹಾಗೂ ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆಗಳಿರುತ್ತೆ. ಧೂಮಪಾನದ ಹೊಗೆ ಶಿಶುಗಳ ಮೇಲೆ ತೀವ್ರ ಪರಿಣಾಮ ಬೀರಿ ಸಾವಿನ ಅಪಾಯದ ಮಟ್ಟ ಹೆಚ್ಚಿರುತ್ತೆ. ಮಹಿಳೆಯರಿಗೆ ಗರ್ಭಧಾರಣೆಗೆ ತೊಂದರೆಯಾಗುವ ಸಾಧ್ಯತೆಗಳಿದ್ದು, ಸ್ಮೋಕ್​ ನಿಂದಾಗಿ ಪಾರ್ಶ್ವ ವಾಯು ಆಗುವ ಸಾಧ್ಯತೆ ಅಧಿಕವಾಗಿರುತ್ತೆ.

ಸದ್ಯ ಧೂಮಪಾನ ಮಾಡೋರಿಂದ ಸ್ಮೋಕ್​​ ಮಾಡದಿರೋರ ಮೇಲೂ ಪರಿಣಾಮ ಬೀರುತ್ತಿದೆ. ಇದರಿಂದ ಬೇಸತ್ತಿರೋ ಸಾರ್ವಜನಿಕರು ಇನ್ನಾದರೂ ಪಬ್ಲಿಕ್​ನಲ್ಲಿ ಸ್ಮೋಕ್​ ಮಾಡೋರ ಮೇಲೆ ಕ್ರಮ ಕೈಗೊಳ್ಳಿ. ಇನ್ನು ಹೆಚ್ಚಿನ ದಂಡ ವಿಧಿಸಿ ಅಂತಾ ಕಿಡಿ ಕಾರುತ್ತಿದ್ದಾರೆ. ರಾಜ್ಯದಲ್ಲಿ ಪಬ್ಲಿಕ್​ ಸ್ಮೋಕಿಂಗ್​ ಬ್ಯಾನ್​ ಮಾಡದ ಹೊರತು ಈ ಸಮಸ್ಯೆಗೆ ಪರಿಹಾರವಿಲ್ಲ ಬಿಡಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ