ಬಹುನಿರೀಕ್ಷಿತ 2023ರ ಐಸಿಸಿ ಏಕದಿನ ವಿಶ್ವಕಪ್

ಬಾಂಗ್ಲಾಗೆ ಸೌತ್​ ಆಫ್ರಿಕಾ ಬೃಹತ್​​ ಮೊತ್ತದ ಟಾರ್ಗೆಟ್​​

ಡಿಕಾಕ್​​, ಕ್ಲಾಸೆನ್​​ ಬೆಂಕಿ ಆಟ, ಸುಸ್ತಾದ ಬಾಂಗ್ಲಾ ಬೌಲರ್ಸ್​

ಇಂದು ಮುಂಬೈನ ವಾಂಖೆಡೆ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​ನಲ್ಲಿ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ಬಾಂಗ್ಲಾ ದೇಶಕ್ಕೆ ಸೌತ್​ ಆಫ್ರಿಕಾ ಬರೋಬ್ಬರಿ 383 ರನ್​ ಟಾರ್ಗೆಟ್​ ಕೊಟ್ಟಿದೆ.

ಸೌತ್​ ಆಫ್ರಿಕಾ ಪರ ಓಪನರ್​ ಆಗಿ ಬಂದ ಕ್ವಿಂಟನ್​ ಡಿಕಾಕ್​​ ಬಾಂಗ್ಲಾ ಹುಲಿಗಳ ಬೆವರಿಳಿಸಿದರು. ಬರೋಬ್ಬರಿ 7 ಸಿಕ್ಸರ್​​, 14 ಫೋರ್​ನೊಂದಿಗೆ 174 ರನ್​​ಗಳ ಸುರಿಮಳೆ ಸುರಿಸಿದರು.

ಏಡನ್​ ಮರ್ಕ್ರಮ್​​ 7 ಫೋರ್​ನೊಂದಿಗೆ 60 ರನ್​​, ಹೆನ್ರಿಕ್​ ಕ್ಲಾಸೆನ್​ ಕೇವಲ 48 ಎಸೆತಗಳಲ್ಲಿ 8 ಸಿಕ್ಸರ್​​, 2 ಫೋರ್​ನೊಂದಿಗೆ 90 ರನ್​​, ಡೇವಿಡ್​ ಮಿಲ್ಲರ್​ ಕೇವಲ 15 ಬಾಲ್​ಗಳಲ್ಲಿ 4 ಸಿಕ್ಸರ್​​, 1 ಫೋರ್​ನಿಂದ 34 ರನ್​ ಗಳಿಸಿದರು. ಈ ಮೂಲಕ ಸೌತ್​ ಆಫ್ರಿಕಾ ನಿಗದಿತ 50 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 382 ರನ್​​ ಬಾರಿಸಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ