ಪ್ರಿಯಕರನಿಗಾಗಿ ಕೊರಿಯಾದಿಂದ ಬಂದ ಪ್ರಿಯತಮೆ

ಭಾರತೀಯ ಸಂಸ್ಕೃತಿಯಂತೆ ಪ್ರಿಯಕರನನ್ನು ವರಿಸಿದ ಯುವತಿ

ಇದು ಇಂಡಿಯಾ-ಕೊರಿಯನ್​ ಕ್ಯೂಟ್​ ಮ್ಯಾರೇಜ್​ ಸ್ಟೋರಿ

ಇತ್ತೀಚೆಗೆ ವಿದೇಶದಿಂದ ಭಾರತಕ್ಕೆ, ಸ್ವದೇಶದಿಂದ ವಿದೇಶಕ್ಕೆ ಓಡಿ ಹೋಗುವ ಅನೇಕ ಘಟನೆಗಳು ಬೆಳಕಿಗೆ ಬರುತ್ತಿವೆ. ಕೆಲವೊಂದು ಪ್ರಕರಣ ದೊಡ್ಡ ಮಟ್ಟದಲ್ಲಿ ಸಂಚಲನವನ್ನು ಹುಟ್ಟುಹಾಕಿದ್ದು ಇದೆ. ಆದರೆ ಇಲ್ಲೊಬ್ಬಳು ಪ್ರಿಯತಮೆ ತನ್ನ ಪ್ರಿಯಕರನಿಗಾಗಿ ಕೊರಿಯಾದಿಂದ ಬಂದಿದ್ದಾಳೆ ಎಂದರೆ ನಂಬ್ತೀರಾ?.

ಉತ್ತರಪ್ರದೇಶದಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ಗೆಳೆಯನಿಗಾಗಿ ದಕ್ಷಿಣ ಕೊರಿಯಾದಿಂದ ಭಾರತಕ್ಕೆ ಬಂದ ಯುವತಿ, ಪಂಜಾಬಿ ಸಂಪ್ರದಾಯದಂತೆ ವಿವಾಹವಾಗಿದ್ದಾರೆ. ಸುಖ್‌ಜಿತ್ ಸಿಂಗ್ 4 ವರ್ಷಗಳ ಹಿಂದೆ ಉದ್ಯೋಗ ಅರಸಿ ದಕ್ಷಿಣ ಕೊರಿಯಾಕ್ಕೆ ತೆರಳಿದ್ದರು. ಆಗ ಕಾಫಿ ಶಾಪ್​​ನಲ್ಲಿ ಕೆಲಸ ಮಾಡುವಾಗ ಕಿಂಮ್​ ಬೋಹ್​​ ನಿ ಪರಿಚಯವಾಯ್ತು, ಇಬ್ಬರ ಮಧ್ಯೆ ಪ್ರೀತಿ ಅರಳಿತ್ತು. 6 ತಿಂಗಳ ಹಿಂದೆ ಸುಖಜಿತ್​ ಭಾರತಕ್ಕೆ ಮರಳಿದ್ದರೂ ಇಬ್ಬರ ಮಧ್ಯೆ ಸಂಪರ್ಕವಿತ್ತು. ಹಾಗೂ ಮದುವೆ ಆಗಲು ನಿರ್ಧರಿಸಿದ್ದರು. ಅದರಂತೆ ಗೆಳೆಯನನ್ನು ಅರಸಿ ಬಂದವಳು ಈಗ ಮದುವೆಯಾಗಿದ್ದಾಳೆ.

ಸದ್ಯ ಈ ಜೋಡಿಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ಅನೇಕರು ಇವರಿಬ್ಬರ ಫೋಟೋ ಹಂಚಿಕೊಳ್ಳುತ್ತಿದ್ದಾರೆ. ಕೆಲವರು ಕಾಮೆಂಟ್​ ಬರೆಯುವ ಮೂಲಕ ಶುಭಾಶಯ ಕೋರುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ