ಅಲ್ಪಮೊತ್ತಕ್ಕೆ ತನ್ನ ಎಲ್ಲ ವಿಕೆಟ್​ ಕಳೆದುಕೊಂಡ ಬಾಂಗ್ಲಾದೇಶ

ಚರಿತ್ ಅಸಲಂಕಾ ಅಮೋಘ ಅರ್ಧ ಶತಕ, ಶ್ರೀಲಂಕಾ ವಿನ್​

ಬಾಂಗ್ಲಾ ವಿರುದ್ಧ ಲಂಕಾ ಮತೀಶ ಪತಿರಾನ ಭರ್ಜರಿ ಬೌಲಿಂಗ್​

ಶ್ರೀಲಂಕಾದ ಪಲ್ಲೆಕಲ್ಲೆ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಏಷ್ಯಾಕಪ್​ನ​ 2ನೇ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಶ್ರೀಲಂಕಾ ತಂಡ ಗೆಲ್ಲುವ ಮೂಲಕ ಶುಭಾರಂಭ ಮಾಡಿದೆ.

ಟಾಸ್ ಗೆದ್ದುಕೊಂಡ ಬಾಂಗ್ಲಾ ತಂಡದ ಕ್ಯಾಪ್ಟನ್​ ಶಕೀಬ್ ಅಲ್​ ಹಸನ್​ ಮೊದಲು ಬ್ಯಾಟಿಂಗ್ ಆಯ್ದುಕೊಂಡರು. ಕ್ರೀಸ್​ ಆಗಮಿಸಿದ ಓಪನರ್ಸ್ ಉತ್ತಮ ಆರಂಭವೇನು ಪಡೆಯಲಿಲ್ಲ. 36 ರನ್​ಗಳಿರುವಾಗಲೇ ತಂಡ ಪ್ರಮುಖವಾದ 3 ವಿಕೆಟ್​ಗಳನ್ನು ಕಳೆದುಕೊಂಡಿತು. ಹೀಗಾಗಿ ಸಂಕಷ್ಟದಲ್ಲಿದ್ದ ಬಾಂಗ್ಲಾಕ್ಕೆ ನಜಮುಲ್ ಹೋಸಿಮ್ ಶಾಂಟೋ ಬಾರಿಸಿದ 89 ರನ್​ಗಳು ಆಸರೆಯಾದವು. ಇದರಿಂದ ತಂಡ 100 ರ ಗಡಿ ದಾಟಲು ಶಾಂಟೋ ಕಾರಣರಾದರು. ಇವರ ನಂತರ ಬಂದ ಎಲ್ಲ ಆಟಗಾರರು 20ರ ಗಡಿ ದಾಟಲಿಲ್ಲ. ಲಂಕಾದ ಮತೀಶ ಪತಿರಾನ (4 ವಿಕೆಟ್​) ಬೌಲಿಂಗ್​ಗೆ ಬಾಂಗ್ಲಾ ತತ್ತರಿಸಿ ಹೋಯಿತು. ಹೀಗಾಗಿ ಬಾಂಗ್ಲಾ 42 ಓವರ್​ಗಳಲ್ಲಿ 164 ರನ್​ಗೆ ಆಲೌಟ್​ ಆಯಿತು.

ಬಳಿಕ ಗುರಿ ಬೆನ್ನಟ್ಟಿದ ಶ್ರೀಲಂಕಾದ ಬ್ಯಾಟ್ಸ್​ಮನ್​ಗಳು ಕೂಡ ಆರಂಭಿಕ ಆಘಾತಕ್ಕೆ ಒಳಗಾದರು. ತಂಡದ ಮೊತ್ತ 43 ರನ್​ಗಳಿರುವಾಗಲೇ 3 ವಿಕೆಟ್​ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ಮಧ್ಯಮ ಕ್ರಮಾಂಕದಲ್ಲಿ ಕ್ರೀಸ್​ಗೆ ಆಗಮಿಸಿದ ಸದೀರ ಸಮರವಿಕ್ರಮಸ್ತನ ಅರ್ಧ ಶತಕ (54) ಹಾಗೂ ಚರಿತ್ ಅಸಲಂಕಾ ಅವರ 62 ರನ್​ಗಳಿಂದಾಗಿ ಶ್ರಿಲಂಕಾ ಗೆಲುವಿನ ದಡ ಸೇರಿತು. ಇನ್ನು ಶ್ರೀಲಂಕಾ 39 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು 165 ರನ್​ ಗಳಿಸುವ ಮೂಲಕ ಗೆಲುವಿನ ನಗೆ ಬೀರಿತು. ಇದರಿಂದ 2023ರ ಏಷ್ಯಾಕಪ್​ ಟೂರ್ನಿಯಲ್ಲಿ ಶ್ರೀಲಂಕಾ ಶುಭಾರಂಭ ಮಾಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ